Ruthu 1:2 - ÎVUKU RÎA ÛVORO MWARO

² Mûndû ûcio etagwa Elimeleku na mûka etagwa Naomi. Nao avîcî ake aîrî metagwa Mahaloni na Kilioni na maarî a mûvîrîga wa Efiratha kuuma îtûûra rîa Bethilehemu vûrûrirî wa Juda. Nîmaathiîre vûrûrirî wa Moabu na magîtûûra kûu.

Ruthu 1:2 ပူးပေါင်းရင်းမြစ်များ

Kîam 35:19

Kwoguo Rakeli nîwakwire na akîthikwa mûkîrarî wa njîra ya kûthiî Efiratha na nîyo Bethilehemu.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Atir 17:7

Vîndî îo kwarî na mwanake Mûlawi warî wa kuuma Bethilehemu ya Juda.

Atir 3:30

Mûthenya ûcio Aisiraeli nîmaavootire Amoabu na nîkwagîre thayû vûrûrirî îvinda rîa mîaka mîrongo înana.

Ruthu 1:3

Elimeleku nîwakwire, na Naomi agîtigwa arî wenga na anake acio ake aîrî.

Ruthu 1:5

Mahaloni na Kilioni wanao nîmaakuire, nake Naomi nîwatigirwe arî wenga atarî na mûthuuri wana kana anake ake.

Ruthu 2:1

Naomi aarî na mûndû wao wa nyomba ya mûthuuriwe Elimeleku wetagwa Boazu. Boazu aarî gîtonga na aarî îgweta.

Ruthu 4:9

Boazu nîwacokire akîîra athuuri acio wa vamwe na andû arîa engî onthe maarî vo atîrî, “Mue mûrî aira atî ûmûnthî nînagûra kuuma kûrî Naomi indo cionthe irîa ciarî cia Elimeleku vamwe na irîa cionthe ciarî cia avîcî ake Kilioni na Mahaloni.

1Sam 1:1

Kwarî mûthuuri wetagwa Elikana ûrîa warî wa mûvîrîga wa Efiraimu. Elikana aarî mûvîcî wa Jerohamu, Jerohamu aarî mûvîcî wa Elihu, Elihu aarî mûvîcî wa Tohu, Tohu aarî mûvîcî wa Zufu, Zufu aarî wa mûvîrîga wa Efiraimu. Elikana aatûûraga îtûûrarî rîa Rama vûrûri ûrîa wîthagîrwa ûrî irîma nyîngî wa Efiraimu.

1Sam 17:12

Daudi aarî mwanake wa Jesii. Nake Jesii aarî Mûefiratha wa kuuma Bethilehemu kûu Juda. Jesii aarî na anake anana na rîrîa Saûlo aarî mûthamaki Jesii nîwatûûrîte mîaka mîîngî na agatuîka mûthuuri mûkûrû mûno.

1Sam 17:21

Nao athigari a Filisiti na a Isiraeli nîmeerekanîre mevarîrîtie nîguo marûe.