Ruthu 1:14 - ÎVUKU RÎA ÛVORO MWARO

¹⁴ Nao nîmambîrîîrie kûrîra rîngî. Oripa nîwacokire akîmumunya nyaciarawe, akîmuugîra ûvoro na agîcoka kwao mûciî, nwatî Ruthu nîmaathiîre na nyaciarawe.

Ruthu 1:14 ပူးပေါင်းရင်းမြစ်များ

Kîam 31:28

Nîndûî gîatûmire ûrege tuganîre ûvoro na tûcûcû twakwa vamwe na erîtu akwa? We wekire ûndû wa ûrimû!

Kîam 31:55

Mûthenya ûcio wîngî kîraûko, Labani nîwamumunyire aa ûcûwe wa vamwe na erîtu ake na akîmarathima. Nîwacokire akîmatiga akînûka.

2Sam 19:39

Daudi na andû ake onthe nîmaaringire Jorodani. Nîwacokire akîmumunya Barizilai na akîmûrathima. Vuva wa ûguo Barizilai nîwacokire gwake mûciî.

1Atha 19:20

Elisha nîwacokire agîtiga ndegwa ciake, akîvinyûra kûrî Elija na akîmwîra atîrî, “Tiga nyambe mbugîre vava na nyanya ûvoro, njoke ngûrûmîrîre.” Elija nîwamwîrire atîrî, “Îî coka; nie ndirakûgiria.”

Nthi 17:17

Mûrata wa ma nî wa vîndî cionthe. Andû arîa maciaranîrîtue vamwe nîmatethanagia vîndî ya thîna.

Nthi 18:24

Ûrata ûmwe ndwîthagîrwa ûrî wa ma, nwatî kûrî arata evokeku gûkîra mûndû na mûrwang'ina.

Isaia 14:1

Ngai-Mûnene nîakeguîra andû a Jakovu ntha na athuure andû a Isiraeli rîngî matuîke ake kîûmbe. Nîakaamacokia vûrûrirî wao o ene, na ageni nîmagaaûka na matûûranie nao.

Zakaria 8:23

Vîndî îo, andû îkûmi kuuma mavûrûrirî na mîarîrie yonthe nîmagetonyereria varî Mûyahudi ûmwe na mamwîre atîrî, ‘Tiga tûthiîcanie nawe nîûndû nîtwîguîte atî Ngai arî vamwe namue.’ ”

Mathaayo 10:37

“Mûndû ûrîa wendete îthe kana ng'ina kûngîra tîmwagîrîru wa gûtuîka mûrutwa wakwa; na mûndû ûrîa wendete mûvîcî kana mwarî kûngîra tî mwagîrîru wa gûtuîka mûrutwa wakwa.

Mathaayo 16:24

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Mathaayo 19:22

Rîrîa mwanake ûcio eegwire ûguo, nîwathiîre arî na kîeva kîngî mûno nîûndû aarî mûndû mûtongu.

Ciîko 17:34

Nwatî andû amwe nîmaatuîkire etîkia na makîmûnyita mbaru. Gatagatîrî kao kwarî Dionisio ûrîa warî ûmwe wa athuuri a Kîamma Kîam Areopago na mûka wetagwa Damari wa vamwe na andû engî.

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 4:4

Nwatî andû amwe gatagatîrî kenyu, arîa maarî evokeku kûrî Ngai-Mûnene, Ngai wenyu, marî mwoyo nginya ûmûnthî.

2Tim 4:10

Nîûndû Dema nîmûndiganîriu na akathiî Thesalonike nîûndû wa kwenda maûndû ma gûkû nthî. Kiresike nîwathiîre Galatia, nake Tito akîthiî Dalamatia.

Ahib 10:39

Tue tûtirî andû arîa macokaga na vuva makaûra, nwatî tûrî andû metîkîtie na avonokie.

Ruthu 1:13

mwavota gweterera nginya rîrîa magaakûra? Mwarega kûvikîra andû engî nîûndû wao? Naarî, aarî akwa. Ngai-Mûnene nîatûmîte mbîgua kîeva mûno nîûndû wa maûndû marîa meekîkire kûrî mue.”

Ruthu 1:15

Naomi nîwerire Ruthu atîrî, “Ta roria, mwîruguo nîwacoka kûrî andû ao na kûrî ngai ciake. Wa nawe rûmîrîra mwîruguo.”

Ruthu 1:7

Kwoguo Naomi nîwambîrîre rûgendo acokete vûrûrirî wa Juda marî wa vamwe na aka acio a avîcî ake. Nwatî marî njîrarî,

Ruthu 2:11

Boazu nîwamûcokerie atîrî, “Nîmenyithîtue maûndû monthe marîa wîkîte nyaciaraguo kuuma rîrîa mûthuuriguo aakwire. Wana nîmbicî ûrîa watigire aciari aku, vûrûri wenyu na ûgîûka gûtûûrania na andû ûtaaicî mbere.