Ruthu 1:1 - ÎVUKU RÎA ÛVORO MWARO

¹ Vîndî îrîa atirîrîri vûrûri maathanaga vûrûri wa Isiraeli, nîkwagîre na yûra vûrûrirî ûcio. Nake mûndû wa kuuma Bethilehemu vûrûrirî wa Juda nîwathiîre vûrûrirî wa Moabu gûtûûra kuo gwa kavinda kanini. Aathiîre na mûka vamwe na avîcî ao aîrî.

Ruthu 1:1 ပူးပေါင်းရင်းမြစ်များ

Kîam 12:10

Nakuo kûu vûrûrirî wa Kanaani nîkwagîre na yûra rînene. Kwoguo Aburamu nîwathiîre Misiri gwîkara kuo.

Kîam 26:1

Vûrûrirî ûcio nîkwagîre na yûra rîngî tiga rîrîa rîarî kuo vîndî ya Iburahimu. Nîûndû wa ûguo, Isaka nîwathiîre Gerari kûrî Abimeleki mûthamaki wa Afilisiti.

Kîam 43:1

Yûra nîrîanenevire mûno vûrûrirî wa Kanaani.

2Sam 21:1

Vîndî îrîa Daudi aathanaga, nîkwagîre na yûra înene îvinda rîa mîaka îthatû. Kwoguo Daudi nîwavoire Ngai-Mûnene, nake Ngai-Mûnene akîmwîra atîrî, “Saûlo na andû a mûciî wake nîo matûmîte kûgîe na yûra nîûndû wa aûragani; nîmaûragithîtie andû a Gibeoni.”

1Atha 18:2

Kwoguo Elija nîwathiîre kwîyonithania kûrî Ahabu. Vîndî îo yûra rîarî rînene mûno kûu Samaria.

1Maû 2:51

Salima nîke warî îthe wa Bethilehemu na Harefu îthe wa Bethigaderi.

1Maû 2:54

Salima îthe wa Bethilehemu nîke warî îthe wa tene wa Netofathi, Atirothi Bethi Joabu na nuthu ya andû a Manahathi kuuma Zori.

Thaburi 105:16

Ngai-Mûnene nîwatûmire kûgîe na yûra vûrûrirî wao, na agîcûkangia irio ciao cionthe.

Thaburi 107:34

Nîatûmaga mûthetu ûrîa mûnoru ûtuîke werû wa cumbî, nîûndû wa waganu wa andû arîa matûûraga kuo.

Jeremia 14:1

Ngai-Mûnene nîwaririe na Jeremia ûvoro wîgiî gûtura mbura, akîrwa atîrî,

Ezek 14:13

“Mûndû, vûrûri wa wonthe ûngîvia nîûndû wa kûrega gûtuîka evokeku kûrî nie, nîngaaûverithia. Nîngaacûkangia makûmbî mao ma irio na ndûme kûgîe na yûra. Nîngaatûma andû a vûrûri ûcio makue, wana nyamû ciakuo.

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Alawi 26:19

Nî ngaathiria vinya ûcio ûtûmaga mwîtîîe. Gûtikethîrwa na mbura na gûtirî irio igaakûra vûrûrirî wenyu.

Amosi 4:6

Nînie natûmire kûgîe na yûra matûûrarî menyu monthe nwatî mûtianjokerera.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Gûco 28:38

“Nîmûkaavanda mbeû nyîngî, nwatî mûgaaketha maketha manini, nîûndû maketha menyu nîmakaarîwa nî ngige.

Atir 12:8

Vuva wa Jefitha, Ibuzani wa kuuma Bethilehemu nîke watuîkire mûtirîrîri wa vûrûri wa Isiraeli.

Atir 17:7

Vîndî îo kwarî na mwanake Mûlawi warî wa kuuma Bethilehemu ya Juda.

Atir 17:8

Mwanake ûcio nîwaumire îtûûrarî rîa Bethilehemu na akîthiî gûcaria vandû vengî va gûtûûra. Wa athiîte, nîwakinyire kwa Mika mûciî vûrûrirî ûrîa ûrî irîma wa Efiraimu.