Nthi 28:13 - ÎVUKU RÎA ÛVORO MWARO

¹³ Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.

Nthi 28:13 ပူးပေါင်းရင်းမြစ်များ

Kîam 4:9

Ngai-Mûnene nîwaûririe Kaini atîrî, “Mûrwanyûkwe Abili arîkû?” Kaini nîwacokirie atîrî, “Nie ndiîcî. Nîkwa arî nie menyagîrîra mûrwaiya?”

2Sam 12:13

Daudi nîwerire Nathani atîrî, “Nie nîmvîtîrîtie Ngai-Mûnene.” Nake Nathani nîwerire Daudi atîrî, “Ngai-Mûnene nîwakûovera mevia maku, na tîûkua.

2Sam 14:32

Abusalomu nîwacokerie Joabu atîrî, “Nîûndû nîwaregire gûka vîndî îrîa naagûtûmanîre. Nendaga ûûke nîguo ngûtûme kûrî mûthamaki ûkamûrie atîrî, ‘Nîndûî gîatûmire nyume Geshuri mbûke gûkû? Kûngîarî waro makîria nîngîekarire wa kuo.’ Kwoguo nîrenda ûvange ûrîa nîngîvota kûonana na mûthamaki na ethîrwa nîrî na mavîtia, tiga mûthamaki ambûrage.”

2Atha 20:15

Mûrathi Isaia nîwamûûririe atîrî, “Moonire ndûî nyombarî yaku?” Nake Hezekia nîwacokirie atîrî, “Nîmoonire indo cionthe îrîa irî nyombarî yakwa. Gûtirî kîndû wanarî kîmwe kîrî makûmbîrî makwa ndaamoonia.”

2Maû 6:26

“Vîndî îrîa ûkaavinga matu ma mbura îtige kuura nîûndû wa ûrîa andû makethîrwa makûvîtîrîtie na macoke merire na makûvoe marî na wînyivia merekerete hekarûrî îno,

Ezira 10:11

Rîu umbûrani mevia menyu kûrî Ngai-Mûnene, Ngai wa methe menyu ma tene na mûcoke mwîke maûndû marîa mamûkenagia. Îyamûranieni na andû arîa matûûraga vûrûrirî ûyû na mûte aka enyu acio ageni.”

Ezira 10:2

Nake Shekania mûvîcî wa Jehieli wa mbarî ya Elamu nîwerire Ezira atîrî, “Twîthîrîtwe tûtarî evokeku kûrî Ngai na njîra ya kûvikia erîtu a ndûrîrî irîa ciîngî. Nwatî kûnarî ûguo andû a Isiraeli marî na mwîvoko.

Nehemia 9:2

Andû onthe a Isiraeli nîmeeyamûranîtie na ageni. Nao nîmaarûngamire na nîmaambîrîrie kumbûra mevia mao na marîa methe mao ma tene meekîte.

Ayubu 31:33

Andû amwe nîmathithaga mevia mao, nwatî nie ndianathitha mevia makwa.

Ayubu 33:27

Ke ainaga arî mbere ya andû akauga atîrî, “Nînevirie na ngîregana na maûndû marîa maro, nwatî Ngai ndaamverithia nîûndû wa wîvia ûcio.

Ayubu 34:31

“Kûrî mûndû wîrîte Ngai, ‘Nînjîvîtie nwatî ndikevia rîngî.’

Thaburi 51:10

Nyûmbîra ngoro ntheru, we Ngai, na ûmbîkîre ngoro njerû na mbathîki.

Nthi 10:12

Rûthûro rûretaga ngucanio, nwatî rwendo rûrekagîra mavîtia monthe.

Nthi 17:9

Mûndû ûrîa wovanagîra mevia nîatumaga ûrata na andû. Nwatî mûndû ûrîa wîkaraga akîririkanaga mavîtia marîa ekîtwe nî andû nîaûragaga ûrata.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Jeremia 2:35

we ugaga atî: “Nie ndirî na mevia, nama marakara ma Ngai-Mûnene marî varaca nanie.” Taroria nîngûkûverithia nîûndû wa kuga atî ndûrî mwîvia.

Danieli 4:27

Kwoguo Mûthamaki wetû, nakûthaitha wîtîkîre mataaro makwa. Tiga kwîvia na gwîka maûndû ma waganu, na wambîrîrie gwîka maûndû ma ûthingu na kwîguîra andû arîa athîni ntha. Weka ûguo, wavota kwongererwa mavinda ma gûtûûra wîganîrîte.”

Alawi 5:5

Rîrîa mûndû arî mûvîtiu na njîra ya gwîka ûmwe wa mau, nwanginya akaaumbûra wîvia ûrîa ekîte.

Jona 3:10

Rîrîa Ngai oonire ûrîa meekire na ûrîa maatiganire na ciîko ciao cia waganu, nîwericûkirwe na ndaamaverithia ta ûrîa aaugîte nîagwîka.

Ciîko 26:20

Nînaambîrîrie kûvunjîria andû ngîmeeraga atî nwanginya merire mevia mao, macokerere Ngai na meke ciîko cia kwonania atî na ma nîmerirîte. Nie naambire kûvunjia ûvoro ûyû Damesiki, ngîcoka ngîûvunjia Jerusalemu na vûrûrirî wonthe wa Judea na nginya kûrî andû a ndûrîrî.

Atir 10:15

Nwatî andû a Isiraeli nîmeerire Ngai-Mûnene atîrî, “Nîtwîvîtie. Twîke wa ûrîa ûkwona kwagîrîrîte, nwatî twakûthaitha ûtûvonokie ûmûnthî.”

1Sam 15:13

Nake Samueli akinya kûrî Saûlo, Saûlo nîwamwîrire atîrî, “Ngai-Mûnene arokûrathima Samueli! Nie nîmvingîtie ûrîa Ngai-Mûnene athanîte.”

1Sam 15:24

Nake Saûlo nîwerire Samueli atîrî, “Îî, nie nînjîvîtie. Nînaaregire gwîka ûrîa Ngai-Mûnene ambathîte, wana ûrîa we wambîrîte. Nînetigîre andû akwa na ngîka ûrîa meendaga.

1Sam 15:30

Saûlo nîwacokirie na akiuga atîrî, “Nie nînjîvîtie, nwatî mva gîtîîo mbere ya atongoria a andû akwa a Isiraeli. Tûcoke nawe nîguo ngagooce Ngai-Mûnene, Ngai waku.”