Nthi 25:28 - ÎVUKU RÎA ÛVORO MWARO

²⁸ Mûndûmûrûme ûtangîvota kwînyitia arî na marakara, nîta îtûûra rîtharîkîrîtwe rîgatigwa rîtarî ririgîre.

Nthi 25:28 ပူးပေါင်းရင်းမြစ်များ

2Maû 32:5

Hezekia nîwarutire wîra na vinya wa gûtuma rîngî rûthingo rwa Jerusalemu kûrîa rwarî rwomomoku na agîtuma nyomba ndaca na îgûrû cia arangîri rûthingorî rûu. Nîwatumire rûthingo rwa kaîrî mwena wa nja wa rûthingo rûu na agîtuma kûndû kûrîa gwecûrîtue mûthetu mwena wa îrathîro wa îtûûra rîa Daudi nîguo kûgîe na vinya. Wana nîwarûthire ngo na indo nyîngî cia mbaara.

Nehemia 1:3

Nao nîmaambîrire atî andû arîa maatigarire na maacokire Juda marî na thîna nene mûno na nîmaranyararwa nî ageni arîa mariganîtie nao. Nîmambîrire atî nthingo cia Jerusalemu nî nyomomoku na ivingo cia kuo nî mvîu nî mwaki.

Nthi 16:32

Nîkava mûndû ûtarakaraga na îvenya gûkîra mûndû njamba. Nîkava mûndû wînyitagia maûndûrî gûkîra kûnyita îtûûra rîonthe.

Nthi 19:18

Rûnga ciana ciaku itarî ngûrû, nwatî ndûkamaverithie ûndû ûngîmacûkangia.

Nthi 19:19

Mûndû ûrakaraga na îvenya nwanginya akaaverithua, nîûndû ûngîmûruta thînarî, nwanginya ûkaamûruta kuo rîngî.

Nthi 22:24

Ndûgatume ûrata na mûndû ûrîa ûrakaraga na îvenya, kana ûthiîcanie na mûndû wa mang'ûrîka.

1Sam 20:30

Nake Saûlo nîwarakarîre Jonathani na akîmwîra atîrî, “We ûrî mwana wa mûndûmûka mûremi! Nîmenyete atî nîmûnyitanîte na Daudi nîguo agûconorithie na aconorithie nyûkwe!

1Sam 25:17

Rîu îîcirie ûvoro ûyû na ûmenye ûrîa wagîrîrwe nî gwîka. Ûndû ûyû wavota kûretere mwathi wetû ûndû mûcûku wa vamwe na andû a mûciî wake. Ke nî mûndû mwaganu na ndangîthikîrîria mûndû!”