Nthi 18:16 - ÎVUKU RÎA ÛVORO MWARO

¹⁶ Kûvecana kîveo nî gûtûmaga mîrango îvingûke, na gûgakinyia mûndû kûrî andû arîa marî îgweta.

Nthi 18:16 ပူးပေါင်းရင်းမြစ်များ

Kîam 32:20

na mûcoke mûmwîre atîrî, ‘Ndungata yaku Jakovu îrî ava vuva wetû.’ Jakovu eeciragia atî nwakûvoteke akavoreria Esaû na iveo irîa ikaathiî mbere yake magîgaakinyia vîndî ya kwonana na monana avota gûkaamwîtîkîra.”

Kîam 33:10

Jakovu nîwamûcokerie atîrî, “Naarî, ethîrwa nîmbîtîkîrîkîte nîwe, nakûthaitha wamûkîre kîveo gîakwa. Nîûndû nama, kwona ûthiû waku nî ta kwona ûthiû wa Ngai. Ûnyamûkîre na wendo mûnene atî, nakwona nona takwa nona ûthiû wa Ngai.

Kîam 43:11

Nake îthe nîwamerire atîrî, “Ethîrwa nwanginya mwîke ûguo, nîmwoca indo imwe cia irîa mbaro cia vûrûri ûyû mwîkîre nguniarî cienyu na mûvirîre mûndû ûcio irî kîveo. Nacio nî mînyamû mînungi waro, maguta ma kwîvaka, ûûkî mûnini, matunda ma mûthemba wa ngandamia, na maguta kuuma kûrî mûtî wa mare.

2Atha 5:5

Nake mûthamaki wa Sîria nîwerire Namani atîrî, “Thiî wa rîu kûrî mûthamaki wa Isiraeli na ûmûvirîre maarûa îno.” Kwoguo Naamani nîwaumire kûu na akîthiî na tûcunjî ngiri mîrongo îthatû (30,000) twa sîlûva, tûcunjî ngiri ithathatû (6,000) twa thaavu, na nguo cia gûcenjia maita îkûmi.

Nthi 17:8

Mûndû ûrîa ûvakanaga eciragia îvaki rîrutaga wîra ta ngûnga, etîkîtie atî nwa rîtûme maûndû monthe marîa ekaga mavue.

Nthi 18:17

Mûndû ûrîa ûciiraga wenga ndavootagwa, nginya rîrîa akaambîrîria kûûrua ciûria nî mûmûthitangi.

Nthi 19:6

Andû eengî nîmeyendithagia kûrî andû arîa marî îgweta, andû onthe mendaga gûtuîka arata a mûndû mûtana.

Nthi 21:14

Marakara mathiragua na kîveo kîvecanîtwe na njîra ya nthitho, na îvaki rîvecanîtwe na njîra ya nthitho nîrîthiragia marakara.

1Sam 16:20

Nake Jesii nîwocire koori ka mbûri, mvunda îkuuîte mîgate na mûvuko wa rûûo wîcûrîtue ndivei na akîîra Daudi athiî nacio kûrî Saûlo.

1Sam 25:27

Mwathi wakwa, amûkîra kîveo gîkî nakûretere na ûkînengere anake aku.