Ntha 9:6 - ÎVUKU RÎA ÛVORO MWARO

⁶ Mûthenya ûcio wîngî Ngai-Mûnene nîwekire ûrîa aaugîte nî ageeka. Nyamû irîa irîthagua mîciî cia andû a Misiri cionthe nîciakuire. Nwatî cia andû a Isiraeli itiakua.

Ntha 9:6 ပူးပေါင်းရင်းမြစ်များ

Thaburi 78:48

Nîwatûmire ng'ombe ciao ciûragwe nî mbura ya mbembe, na ng'ondu ciao ikîûragwa nî mveni.

Thaburi 78:50

Ngai nîwarekererie marûrû make; ndaarega kûmaûraga, nwatî nîwamaûragire na mîrimû mîcûku.

Ntha 12:12

“Ûtukû ûcio nie nîngaavîtûkîrîra vûrûri wa Misiri na mbûrage marikithathi monthe ma njamba, ma andû wana ma nyamû, na mverithie ngai cionthe cia Misiri. Nie nî nie Ngai-Mûnene.

Ntha 12:29

Ûtukû gatagatî Ngai-Mûnene nîwaûragire arûme onthe arîa maarî marikithathi ma andû a vûrûri wa Misiri. Maakuire mambîrîrîtue nî mûvîcî wa mûthamaki wa Misiri ûrîa warî agaatigîrwa ûthamaki nginya îrikithathi rîa andû arîa maarî ove njeera. Marikithathi ma nyamû wa namo nîmaaûragirwe.

Ntha 8:22

Nwatî Gosheni kûrîa andû akwa matûûraga, gûtikethîrwa kûrî na ngi. Ûndû ûcio nîguo ûgaatûma ûmenye atî Nie Ngai-Mûnene nînie nîraruta wîra vûrûrirî ûyû.

Ntha 9:25

Mbura îo ya mbembe nîyaurire vûrûri wonthe wa Misiri na îgîcûkangia kîndû wa kîonthe gîtaarî kîgitîre, vamwe na andû na nyamû cionthe. Nîyacûkangirie mîmera yonthe îrîa yarî mîgûndarî na îkiunaga mîtî yonthe.

Ntha 9:26

Gosheni gîcunjî kîrîa andû a Isiraeli maatûûraga nwakuo gûtaaura mbura îo ya mbembe.

Ntha 9:4

Nie nîngekîra ngûrani gatagatî ka nyamû cia andû a Isiraeli na nyamû cia andû a Misiri irîa irîthagua mîciî. Nyamû irîa irîthagua mîciî cia andû a Isiraeli itigaakua.

Ntha 9:5

Nie, Ngai-Mûnene nînauga atî rûyû nîrîo ngeeka ûguo.’ ”