Ntha 9:3 - ÎVUKU RÎA ÛVORO MWARO

³ nie ngaakûverithia na gûgûtûmîra mûrimû mûcûku mûno kûrî nyamû ciaku cionthe irîa irîthagua, mbarathi ciaku, mvunda, ngamîîra, ng'ombe, ng'ondu na mbûri.

Ntha 9:3 ပူးပေါင်းရင်းမြစ်များ

Kîam 47:17

Nao nîmaaretere Josefu ndîthia yao. Nîmaakûrananirie irio na mbarathi, ng'ondu, mbûri, ng'ombe na mvunda. Mwaka ûcio wonthe Josefu nîwamakûrananîrie irio na ndîthia ciao cionthe.

Thaburi 39:10

Tiga kûmverithia rîngî! Nîrî vakuvî kûthirua nî mbaara yaku.

Ntha 5:3

Nake Musa na Aroni nîmaacokerie mûthamaki wa Misiri atîrî, “Ngai wa Ahibirania nî atumîrîrîte. Twîtîkîrie tûthiî rûgendo rwa mîthenya îthatû werûrî tûkarutîre Ngai-Mûnene, Ngai wetû îgongoona. Ethîrwa tî twîka ûguo, Ngai-Mûnene agaatûverithia na mûrimû kana mbaara.”

Ntha 7:4

Mûthamaki wa Misiri ndakaamûthikîrîria. Nanie nîngûretera andû a Misiri îvera rînene na ndongorie andû akwa ciana cia Isiraeli ciume vûrûri wa Misiri. Nîngeka maûndû manene nîguo nduîre vûrûri wa Misiri.

Ntha 8:19

Nao andû acio maaringaga ciama a Misiri nîmeerire mûthamaki atîrî, “Nî Ngai wîkîte ûndû ûyû.” Na wata ûrîa Ngai-Mûnene aaugîte, mûthamaki nîwatuîkire mûmû ngoro na akîrega kûthikîrîria Musa na Aroni.

Amosi 4:10

Nînamûretithîrie mûthiro ta ûrîa naretere andû a Misiri, nînaûragire anake enyu a mbaara na ngîoca mbarathi cienyu. Nînatûmire kûrîa mwambîte magema kûgîe na mûnungo wa ciimba, nwatî kûnarî ûguo mûtianjokerera.

Ciîko 13:11

Rîu Mwathani nîagûkûverithia. We nîûgûtuîka mûtumumu na gwa kavinda we ndûkaavotaga kwona ûtheri wa riûa.” Na vîndî wa îo Elimasi nîwatigire kwona na akîambîrîria kûrûra, akîgeragia gûcaria mûndû wa kûthiî amûtongoreretie amûnyitîte njara.

1Sam 6:9

Namue mwîkare mûkîroretie ûrîa gîkûthiî. Ethîrwa nîkîthiî kîerekerete îtûûra rîa Bethi-shemeshu, ûguo nî kuga atî Ngai wa Aisiraeli. Nî ûtûmîte twîthîrwe tûrî na mathîna mana. Nwatî ethîrwa tî kîthiî kîerekerete îtûûra rîu, nîtûkûmenya atî tîke watûretere mûthiro, nwatî nî ûndû wa gûka wa ûguo tu.”