Ntha 8:8 - ÎVUKU RÎA ÛVORO MWARO

⁸ Nake mûthamaki nîwacokire agîta Musa na Aroni na akîmera atîrî, “Thaithani Ngai-Mûnene arute ciûra ino kuuma kûrî nie na kûrî andû akwa, nanie nî ngûrekereria andû a Isiraeli mathiî makarutîre Ngai-Mûnene kîgongoona.”

Ntha 8:8 ပူးပေါင်းရင်းမြစ်များ

1Atha 13:6

Mûthamaki Jeroboamu nîwerire mûndû ûcio wa Ngai atîrî, “Nakûthaitha nthaithîra Ngai-Mûnene, Ngai waku ûmwîre amvonie njara yakwa!” Mûndû ûcio wa Ngai nîwathaithire Ngai-Mûnene na njara ya mûthamaki nîyavonirue, na îgîkara wata mbere.

Thaburi 66:3

Îrani Ngai atîrî, “Kaî maûndû marîa wîkaga nî ma magegania-î! Nthû ciaku nîikwînamagîrîra nî gûgwîtigîra irî mbere yaku.

Ntha 10:16

Mûthamaki wa Misiri nîwacokire agîîta Musa na Aroni na îvenya na akîmera atîrî, “Nie nînjîvîtie mbere ya Ngai-Mûnene, Ngai wenyu na ngevia mbere yenyu.

Ntha 10:17

Rîu njoverani wa rîngî na mûvoe Ngai-Mûnene, Ngai wenyu athengutie îverithia rîîrî rîa gîkuû kuuma kûrî nie.”

Ntha 10:18

Musa nîwaumire varî mûthamaki wa Misiri na akîvoya Ngai-Mûnene.

Ntha 14:5

Rîrîa mûthamaki wa Misiri eerirwe atî andû a Isiraeli nîmaûrîte, ke vamwe na anene ake nîmeericûkirwe na makiuga atîrî, “Tweka atîa? Twareka andû a Isiraeli maûra na nîtwaûrwa nî ûtungata wao!”

Ntha 32:11

Nwatî Musa nîwathaithire Ngai-Mûnene, Ngai wake na akiuga atîrî, “Ngai-Mûnene, ûrarakara ûguo nîkî nî andû aku arîa warutire vûrûri wa Misiri na vinya na ûvoti mwîngî?

Ntha 5:2

Nake mûthamaki nîwaûririe atîrî, “Ngai-Mûnene nîke ûû, na nînîmûthikîrîria nîkî na mbîtîkîrie andû a Isiraeli mathiî? Nie ndiîcî Ngai-Mûnene ûcio na ndingîtîkîria andû a Isiraeli mathiî.”

Ntha 8:15

Nwatî rîrîa mûthamaki oonire atî ciûra nîikuîte, nîwaûmire ngoro rîngî wata ûrîa Ngai-Mûnene aaugîte na akîrega kûthikîrîria Musa na Aroni.

Ntha 8:29

Nake Musa nîwaugire atîrî, “Nathiî nîngûvoya Ngai-Mûnene atî rûyû ngi ikaauma kûrî we, kûrî anene aku na ciume kûrî andû aku. Nwatî ndûgatûvenie rîngî na ndûkaagirie andû a Isiraeli mathiî kûrutîra Ngai-Mûnene îgongoona.”

Ntha 8:32

Nwatî mûthamaki wa Misiri nîwaûmirie ngoro. Îvinda rîu wa narîo nîwaregire gwîtîkîria andû a Isiraeli mathiî.

Ntha 8:9

Musa nîwacokerie mûthamaki atîrî, “Nie nîngûkena ngîvoya nîûndû waku. Uga nî vîndî îrîkû ûkwenda ngaamûthaitha nîûndû waku, anene aku na andû aku. Nacio ciûra cionthe nîikaathengutua kûrî mue itigare rûnjîrî rwa Nailo tu.”

Ntha 9:27

Nake mûthamaki nîwatûmanîre Musa na Aroni na akîmera atîrî, “Kavinda gaka nie nînjîvîtie, Ngai-Mûnene ekîte ûrîa kwagîrîrîte. Nwatî nie na andû akwa tûrî avîtiu.

Ntha 9:28

Thaitha Ngai-Mûnene, nîûndû mbura îno ya mbembe na ngwa nî mbîganu. Nîngwîranîra atî nîngûmûrekia mûthiî mûtigekare gûkû makîria.”

Ntha 9:33

Musa nîwaumire varî mûthamaki wa Misiri na akîthiî nja ya îtûûra rînene. Na rîrîa aaûkîrîrie njara ciake na îgûrû akîvoya Ngai-Mûnene, ngwa na mbura ya mbembe nîyatigire kuura gûkû nthî.

Ndari 21:7

Nao andû nîmaathiîre kûrî Musa na makîmwîra atîrî, “Nîtwîvirie rîrîa tûreganire na Ngai-Mûnene na twaregana nawe. Rîu voya Ngai-Mûnene nîguo atûthengutirie njoka ino.” Kwoguo Musa nîwavoere andû.

Ciîko 8:24

Nake Simoni nîwerire Petero na Johana atîrî, “Mwenda mvoerani kûrî Mwathani nîguo ndikone ûndû wana ûmwe wa mau mwagweta.”

1Sam 12:19

Nao andû acio nîmeerire Samueli atîrî, “Twakûthaitha ûtûvoere kûrî Ngai-Mûnene, Ngai waku, nîguo tûtigakue. Rîu nîtwamenya atî nîtwongererete mevia marîa mengî monthe metû na wîvia wa gwîtia mûthamaki.”