Ntha 8:3 - ÎVUKU RÎA ÛVORO MWARO

³ Ciûra nîigeecûra rûnjîrî rwa Nailo na imwe ciume kuo ithiî gwaku nyomba. Nyomba yaku ya kûmama, ûrîrî waku, nyomba cia anene aku na cia andû aku, wana nginya kûrîa kûrugagîrwa irio na indorî irîa ikimagîrwa mûtu nîigeecûrwa nî ciûra.

Ntha 8:3 ပူးပေါင်းရင်းမြစ်များ

2Maû 22:11

Nwatî Jehosheba, mwarî wa mûthamaki Jehoramu, nîwocire Joashi mûvîcî wa Ahazia, akîmwîa kuuma kûrî anake acio engî a nyomba ya ûthamaki nîûndû maarî vakuvî kûragwa. Nîwathithire Joashi nyombarî ya kûmamwa arî na mûndû wa kûmûmenyerera. Jehosheba aarî mwarî wa mûthamaki Jehoramu na aarî mwarwang'ina na Ahazia. Jehosheba aavikîtue nî mûthînjîri-Ngai Jehoiada. Jehosheba aathithire Joashi nîguo ndakaaûragwe nî Athalia.

Thaburi 105:30

Vûrûri wao nîwecûrirwe nî ciûra, wana mûciî kwa mûthamaki ûgîcûrwa nîcio.

Ntha 10:6

Nîigaatonya ciîcûre nyomba ciaku, nyomba cia anene aku na cia andû aku onthe a Misiri. Ûndû ûcio wa ngige icio ûkethîrwa ûrî mûcûku mûno atî wana methe menyu ma tene matirî moona ûndû ta ûcio.’ ” Nake Musa nîwavuvatîre mûthamaki wa Misiri na akîthiî.

Ntha 12:34

Kwoguo andû a Isiraeli nîmoocire mbakûri ciao na magîciîcûria mûtu ûkimîtwe ûtarî na ndawa ya kwimbia, magîciova na nguo na magîikuua na ciande.

Ntha 7:11

Nake mûthamaki nîwetire andû ake arîa aûgî na aringi ciama. Nao nîmaaringire ciama wata Aroni.

Ntha 8:11

We, anene aku wana andû aku, ciûra cionthe nîikauma kûrî mue, nwatî nîigaatigara rûnjîrî rwa Nailo.”

Ntha 8:2

Ethîrwa nîûkûrega, nîngûverithia vûrûri waku na njîra ya gûtûma wîcûrwe nî ciûra.

Ntha 8:4

We andû aku, anene onthe aku nîmûkaarûgagîrwa nî ciûra ikamûtamba.’ ”