Ntha 8:20 - ÎVUKU RÎA ÛVORO MWARO

²⁰ Ngai-Mûnene nîwacokire akîra Musa atîrî, “Rûyû kîraûko tene ûgaaûkîra ûthiî weterere mûthamaki wa Misiri akîthiî rûnjîrî na ûmwîre atîrî, ‘Tiga andû akwa mathiî nîguo makangooce.

Ntha 8:20 ပူးပေါင်းရင်းမြစ်များ

Thaburi 105:31

Ngai aathanire na gûkîgîa ngi nyîngî mûno, na vûrûri wonthe nîwecûrirwe nî rwagî.

Thaburi 78:45

Nîwatûmire Misiri kûgîe ngi nyîngî na ikîmathînia, na ciûra irîa ciacûkangirie vûrûri wao.

Ntha 2:5

Vîndî îmwe mwarî wa mûthamaki nîwanyûrûrûkire akîthiî rûnjîrî kwîthamba, nao erîtu arîa maamûtungataga nîmaathiîrîre rûtererî rwa rûnjî. Wa rîmwe mwarî ûcio wa mûthamaki nîwonire gîkavu na agîtûma ndungata îmwe ya mûndûmûka îgooce gîkavu kîu.

Ntha 3:18

“Andû akwa nîmakaathikîrîria ûrîa ûkaamera. Nawe, vamwe na atongoria a andû a Isiraeli nîmûkaathiî kûrî mûthamaki wa Misiri mûmwîre atîrî, ‘Ngai-Mûnene, Ngai wa Ahibirania nîatumîrîrîte. Rîu, twîtîkîrie tûthiî rûgendo rwa mîthenya îthatû werûrî nîguo tûkarutîre Ngai-Mûnene, Ngai wetû magongoona.’

Ntha 4:23

Nie naakwîrire ûreke andû akwa mathiî nîguo makangooce, nwatî nîwaregire. Rîu nîngûraga mwanake waku wa îrikithathi.’ ”

Ntha 5:1

Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Isiraeli augîte atî, ‘Tiga andû akwa mathiî werûrî nîguo makathondeke îruga nîguo mangûngûîre.’ ”

Ntha 5:3

Nake Musa na Aroni nîmaacokerie mûthamaki wa Misiri atîrî, “Ngai wa Ahibirania nî atumîrîrîte. Twîtîkîrie tûthiî rûgendo rwa mîthenya îthatû werûrî tûkarutîre Ngai-Mûnene, Ngai wetû îgongoona. Ethîrwa tî twîka ûguo, Ngai-Mûnene agaatûverithia na mûrimû kana mbaara.”

Ntha 7:15

Kwoguo rûyû kîraûko, ûgooca mûragi waku ûrîa wagarûrûkire ûgîtuîka njoka ûthiî naguo rûtererî rwa rûnjî rwa Nailo. Thiî ûgeeterera mûthamaki wa Misiri vau nîûndû nîakaathiî rûnjîrî rwa Nailo kîraûko.

Ntha 8:1

Ngai-Mûnene nîwacokire akîra Musa atîrî, “Thiî kûrî mûthamaki na ûmwîre Ngai-Mûnene augîte atîrî, ‘Tiga andû akwa mathiî nîguo makangooce.

Ntha 8:21

Na ethîrwa tîwîtîkîra, nîngûkûretithîria ngi nyîngî mûno. Nacio ngi icio ikûmbîrîre na ciûmbîrîre anene aku wana andû aku na icoke itonye nyombarî ciaku na nyombarî cia andû a Misiri na vûrûri wonthe wîcûrwe nî ngi.

Ntha 9:13

Ngai-Mûnene nîwacokire akîra Musa atîrî, “Rûyû kîraûko tene ûkaarûngama mbere ya mûthamaki wa Misiri ûmwîre Ngai-Mûnene, Ngai wa Ahibirania auga atîrî, ‘Tiga andû akwa mathiî nîguo makangooce.