Ntha 8:16 - ÎVUKU RÎA ÛVORO MWARO

¹⁶ Ngai-Mûnene nîwacokire akîra Musa atîrî, “Îra Aroni aringe nthî na mûragi wake, nîguo rûkûngû ruonthe rwa vûrûri wa Misiri rûtuîke rwagî.”

Ntha 8:16 ပူးပေါင်းရင်းမြစ်များ

Thaburi 105:31

Ngai aathanire na gûkîgîa ngi nyîngî mûno, na vûrûri wonthe nîwecûrirwe nî rwagî.

Ntha 4:23

Nie naakwîrire ûreke andû akwa mathiî nîguo makangooce, nwatî nîwaregire. Rîu nîngûraga mwanake waku wa îrikithathi.’ ”

Ntha 5:1

Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Isiraeli augîte atî, ‘Tiga andû akwa mathiî werûrî nîguo makathondeke îruga nîguo mangûngûîre.’ ”

Ntha 8:15

Nwatî rîrîa mûthamaki oonire atî ciûra nîikuîte, nîwaûmire ngoro rîngî wata ûrîa Ngai-Mûnene aaugîte na akîrega kûthikîrîria Musa na Aroni.

Ntha 8:17

Kwoguo Aroni nîwaringire nthî na mûragi wake. Naruo rûkûngû ruonthe rwa vûrûri wa Misiri rûkîgarûrûka rûgîtuîka rwagî na rûkîûmbîrîra andû na nyamû.

Ntha 8:18

Nao andû arîa maarî na ûûgî wa kûringa ciama a Misiri, nîmaageririe ciama ciao nîguo kûgîe rwagî nwatî makîremwa. Rwagî rwecûrîte kûndû kuonthe.

Ntha 8:5

Ngai-Mûnene nîwerire Musa atîrî, “Îra Aroni oce mûragi wake na aûkîrîrie îgûrû rîa nyûnjî, mîtaro ya manjî na maria ma manjî atûme ciûra ciume rûnjîrî ithiî ciîcûre vûrûri wonthe wa Misiri.”