Ntha 7:5 - ÎVUKU RÎA ÛVORO MWARO

⁵ Rîrîa ngaakûnjûra njara yakwa îmaûkîrîre na ndute andû a Isiraeli vûrûrirî wao, nîrîo andû a Misiri makaamenya atî nie nînie Ngai-Mûnene.”

Ntha 7:5 ပူးပေါင်းရင်းမြစ်များ

Thaburi 138:7

Wana nîngîvîtûkîrîra mathînarî we nîûngitagîra, nîûngitagîra kuuma kûrî marakara ma nthû ciakwa, na nîûmvonokagia na vinya waku.

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Ntha 10:2

Mue nîmûkaavota kwîra ciana cienyu wana ciana ciao maûndû ma vinya marîa nekire na ciama irîa naringîre andû a Misiri. Na mue muonthe nîmûkaamenya atî nie nînie Ngai-Mûnene.”

Ntha 10:7

Nao anene a mûthamaki nîmaamûririe atîrî, “Mûndû ûyû nî athiî na mbere gûtûthînia nginya rî? Tiga andû a Isiraeli mathiî, nîguo makagooce Ngai-Mûnene, Ngai wao. Anga ndûrona ûrîa Misiri îcûkangîtue?”

Ntha 14:18

Na vîndî îrîa ngaamavoota, andû a Misiri nîmakaamenya atî nie nînie Ngai-Mûnene.”

Ntha 14:4

Nie nîngaatûma ngoro yake yûme na nîakamûrûmîrîra. Naguo ûvootani wakwa varî mûthamaki wa Misiri na athigari ake a mbaara ûgatûma ngîa gîtîîo. Nao andû a Misiri nîmagaacoka mamenye atî Nie nînie Ngai-Mûnene.” Na andû a Isiraeli nîmeekire wata ûrîa meerirwe.

Ntha 18:8

Musa nîwacokire akîîra Jethiro maûndû monthe marîa Ngai-Mûnene eekire mûthamaki wa Misiri na andû ake. Maûndû mau meekirwe nîguo Ngai-Mûnene avonokie andû a Isiraeli. Musa nîwerire mûthoniwe mathîna marîa moonire marî njîrarî na ûrîa Ngai-Mûnene aamavonoketie kuuma kûrî mathîna mau.

Ntha 3:20

Nwatî nîngaavûthîra vinya wakwa nîguo mverithie Misiri na njîra ya gwîka maûndû ma kûmakania. Vuva wa gwîka ûguo nîmakaamûrekereria mûthiî.

Ntha 6:1

Nwatî Ngai-Mûnene nîwerire Musa atîrî, “Rîu nîûkwona ûrîa ngwîka mûthamaki wa Misiri. Nîûndû wa ûvoti wakwa nîakûrekereria andû akwa mathiî. Nîngûtûma amarutûrûre vûrûrirî wake na vinya.”

Ntha 6:6

Kwoguo îra andû a Isiraeli nie nîramera atî, ‘Nie nî Nie Ngai-Mûnene. Nie nîngûmûvonokia na nîmûrekererie muume ûkomborî wa andû a Misiri. Nîngeka ûndû mûnene na vinya wakwa nîguo ndetere andû a Misiri îvera, na nîngaamûvonokia.

Ntha 7:17

Ngai-Mûnene auga atî nîûkûmenya ke nîke ûû na njîra ya ûndû ûrîa agwîka. Nie nîngûringa manjî ma rûnjî rwa Nailo na mûragi ûyû na nîmakûgarûrûka matuîke nthakame.

Ntha 8:10

Mûthamaki nîwacokirie atîrî, “Ûkaamvoera rûyû.” Musa nîwacokire akiuga atîrî, “Nîngeka ûrîa waûria na nîûkaamenya atî gûtirî Ngai wîngî tiga Ngai-Mûnene, Ngai wetû.

Ntha 8:19

Nao andû acio maaringaga ciama a Misiri nîmeerire mûthamaki atîrî, “Nî Ngai wîkîte ûndû ûyû.” Na wata ûrîa Ngai-Mûnene aaugîte, mûthamaki nîwatuîkire mûmû ngoro na akîrega kûthikîrîria Musa na Aroni.

Ntha 8:22

Nwatî Gosheni kûrîa andû akwa matûûraga, gûtikethîrwa kûrî na ngi. Ûndû ûcio nîguo ûgaatûma ûmenye atî Nie Ngai-Mûnene nînie nîraruta wîra vûrûrirî ûyû.

Ezek 25:17

Nîngaamaverithia nîrî na marakara mûno na nîmakaamenya atî nie nînie Ngai-Mûnene.”

Ezek 28:22

ûrîre atî Ngai-Mûnene Ngai augîte nîakûrûa narîo onanie riiri wake gatagatî ka rîo. Rîrîa ngoonania ûthingu wakwa na njîra ya kûrîverithia, andû nîmakaamenya atî nie nînie Ngai-Mûnene.

Ezek 32:15

Rîrîa ngaatûma vûrûri wa Misiri wanangîke na ûtuîke werû, na indo ciao cionthe itavwe na ndûme andû akuo onthe maûragwe, nîmakaamenya atî nie nînie Ngai-Mûnene.

Ezek 36:23

Rîîtwa rîakwa rîtheru rîrîa mwacambithirie gatagatîrî ka andû a ndûrîrî nîngaarîcokeria ûtheru warîo. Nacio ndûrîrî nîikaamenya atî, nie nînie Ngai-Mûnene. Nie Mwathani Ngai-Mûnene nînie mbugîte ûguo. Nîngaamûvûthîra monanie ûtheru wakwa mbere yao.

Ezek 39:22

Nyomba ya Isiraeli nîkaamenya kuuma mûthenya ûcio atî nînie Ngai-Mûnene Ngai wao.

Ezek 39:7

Nîngamenyithia andû akwa a Isiraeli rîîtwa rîakwa rîtheru na ndigetîkîra rîîtwa rîu rîakwa rîtheru rîcambua rîngî. Nacio ndûrîrî nîikaamenya atî, nie nînie Ngai-Mûnene, ûrîa Mûtheru wa Isiraeli.”