Ntha 7:3 - ÎVUKU RÎA ÛVORO MWARO

³ Nwatî nîngûtûma ngoro ya mûthamaki yûme na wana nîngîringa ciama na monanie morirû meengî atîa kûu vûrûrirî wa Misiri.

Ntha 7:3 ပူးပေါင်းရင်းမြစ်များ

Nehemia 9:10

Nîwaringire ciama cia magegania cia kûregana na ûthamaki wa Misiri, atongoria ake onthe na andû onthe a vûrûri wake, nîûndû nîwamenyete ûrîa maavinyîrîrie methe metû ma tene. Nîwagîre na îgweta wata ûrîa kûrî ûmûnthî.

Thaburi 135:9

Nîke waringire ciama na morirû Misiri, nîguo averithie mûthamaki wa Misiri na ndungata ciake cionthe.

Thaburi 78:12

Methe mao nîmoonire Ngai akîringa ciama, arî Zoani kûndû kûrîa kwaraganu vûrûrirî wa Misiri.

Ntha 11:10

Musa na Aroni maaringire ciama ino cionthe mbere ya metho ma mûthamaki. Nwatî Ngai-Mûnene nîwatûmîte ngoro ya mûthamaki yûme nîguo ndakarekererie andû a Isiraeli maume vûrûrirî wake mathiî.

Ntha 11:9

Ngai-Mûnene nîwerire Musa atîrî, “Mûthamaki wa Misiri tîakûthikîrîria, nîguo nie nthiî na mbere kûringa ciama nyîngî Misiri.”

Ntha 14:4

Nie nîngaatûma ngoro yake yûme na nîakamûrûmîrîra. Naguo ûvootani wakwa varî mûthamaki wa Misiri na athigari ake a mbaara ûgatûma ngîa gîtîîo. Nao andû a Misiri nîmagaacoka mamenye atî Nie nînie Ngai-Mûnene.” Na andû a Isiraeli nîmeekire wata ûrîa meerirwe.

Ntha 3:20

Nwatî nîngaavûthîra vinya wakwa nîguo mverithie Misiri na njîra ya gwîka maûndû ma kûmakania. Vuva wa gwîka ûguo nîmakaamûrekereria mûthiî.

Ntha 4:21

Ngai-Mûnene nîwerire Musa rîngî atîrî, “Wona wacoka Misiri, ûkaaringa ciama cionthe irîa nie ngûvete vinya ûringe mbere ya mûthamaki. Nwatî Nîngaaûmia ngoro ya mûthamaki na ndageetîkîra andû a Isiraeli mathiî.

Ntha 4:29

Nao Musa na Aroni nîmaathiîre Misiri na makîûngania atongoria a Isiraeli vamwe.

Ntha 4:7

Nake Ngai-Mûnene nîwerire Musa rîngî atîrî, “igîrîra njara yaku rîngî kîthûrirî gîaku.” Nake nîwekire guo. Na rîrîa aamîrutire vîndî îo njara îo yarî na vinya na nîyonekaga îkariî ta mwîrî ûcio wîngî.

Ntha 7:13

Nwatî mûthamaki, eekarire aûmîtie ngoro na ndaathikîrîria Musa na Aroni wata ûrîa Ngai-Mûnene aaugîte.

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Nthi 21:1

Ngai-Mûnene nîke wathaga meciria ma mûthamaki, nîamerekagîria kûrîa akwenda.

Isaia 51:9

Ûkîra, ûkîra, we Ngai-Mûnene! Îkîra vinya waku ûtûvonokie, ûkîra wata ûrîa wekire vingo ya tene, kûrî njiarwa cia tene. Na kinthî tîwe watinangirie Rahabu tûcunjî tûcunjî, wa we ûrîa wamundangire njûnamatu?

Mika 7:15

Twonie maûndû ma magegania, ta marîa twonire rîrîa twaumaga Misiri.

Johana 4:48

Jesû nîwerire karani ûcio atîrî, “Gûtirî mûndû wana ûmwe gatagatîrî kenyu ûgeetîkia atonete ciama na morirû.”

Ciîko 2:22

“Mue Aisiraeli aya, tathikîrîriani ciugo ino! Jesû wa Nazarethi aarî mûndû warî wa mwanya. Wathani wake wa ûngai nîwonanirue waro kûrî mue na njîra ya morirû na ciama irîa Ngai aaringire na njîra yake. Mue ene nîmwîcî ûguo nîûndû ûndû ûcio nîwekîkire gûkû gatagatîrî kenyu.

Ciîko 7:36

Musa nîwatongoririe andû a Isiraeli akîmaruta Misiri. Nake nîwaringaga ciama na ageeka maûndû ma magegania kûu Misiri, Îriarî Îtune wana werûrî kwa îvinda rîa mîaka mîrongo îna.

Aroma 15:19

na njîra ya kûgîa na vinya wa kûringa ciama na gwîka maûndû ma magegania, na na njîra ya vinya ya Roho Mûtheru. Kwoguo kuuma Jerusalemu nthiûrûrûkîte kûndû kuonthe na ngakinya Iluriko ngîvunjagia Ûvoro Mwaro wa Kristû.

Aroma 9:18

Kwoguo Ngai nîegucagîra ntha ûrîa enda kwîguîra, na ûrîa enda kûmia ngoro nîamûûmagia.

Gûco 4:34

Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.

Gûco 7:19

Taririkanani mîthiro îrîa mwonire na metho menyu. Taririkanani ciama na morirû marîa Ngai-Mûnene aaringire na ûvoti na vinya wake ûrîa aatûmîre nîguo amûrute Misiri. Ûguo nwaguo Ngai-Mûnene, Ngai wenyu ageeka kûrî mavûrûri mau mûretigîra.