Ntha 6:1 - ÎVUKU RÎA ÛVORO MWARO

¹ Nwatî Ngai-Mûnene nîwerire Musa atîrî, “Rîu nîûkwona ûrîa ngwîka mûthamaki wa Misiri. Nîûndû wa ûvoti wakwa nîakûrekereria andû akwa mathiî. Nîngûtûma amarutûrûre vûrûrirî wake na vinya.”

Ntha 6:1 ပူးပေါင်းရင်းမြစ်များ

2Atha 7:19

Ûndû ûcio nîguo mûnene wa athigari aareganire naguo rîrîa aaugire atîrî, “Ûguo gûtingîvoteka, wana kethîrwa nîkwa Ngai-Mûnene ke mwene angiurithia mbura kuuma îgûrû!” Nake Elisha nîwamwîrîte atîrî, “Ûkeyonera na metho maku ûndû ûcio ûgîkîka, nwatî ndûkaarûma irio icio.”

2Atha 7:2

Mûnene ûrîa ûtethagîrîria mûthamaki nîwerire Elisha atîrî, “Ûguo gûtingîvoteka, wana kethîrwa Ngai-Mûnene ke mwene nwa aurithie mbura kuuma îgûrû!” Nake Elisha nîwacokirie atîrî, “Nîûkeyonera na metho maku ûndû ûcio ûgîkîka, nwatî ndûkaarûma irio icio.”

2Maû 20:17

Mûtikaavatara kûrûa mbaararî îno. Thiîni mûkeevarîria na mwetere na nîmûkoona Ngai-Mûnene akîmûvootanîra. Mue andû a Juda na a Jerusalemu mûtigetigîre na mûtikegue guoya. Mûkaathiî mûkatharîkîre andû acio na Ngai-Mûnene nîakethîrwa arî vamwe namue!”

Thaburi 12:5

Nwatî Ngai-Mûnene augîte atîrî, “Nîûndû andû arîa athîni nîavinyîrîrie, na andû arîa manyamaragua nî maracaa, nîngûmava ûgitîri ûrîa meriragîria.”

Thaburi 12:6

Ciîranîro cia Ngai-Mûnene nî cia kwîvokeka, nî ntheru ta sîlûva îtheretue na mwaki, îtheretue na mwaki maita mûgwanja.

Thaburi 136:12

na vinya wake na ûvoti mwîngî; nîûndû wendo wake ûtathiraga ûtûûraga tene na tene.

Thaburi 89:13

We ûrî vinya, we ûrî vinya na nîûvootanîte.

Ntha 11:1

Ngai-Mûnene nîwerire Musa atîrî, “Nie nîngûtûma îvera rîngî rîmwe kûrî mûthamaki wa Misiri na andû ake. Vuva wa ûguo nîakaamûrekereria mûthiî. Rîrîa akaamwîra mûthiî nî akaamûvinyûria muonthe muume kuo viû.

Ntha 12:31

Ûtukû wa ûcio mûthamaki wa Misiri nîwatûmanire Musa na Aroni metwe. Na rîrîa maaûkire nîwamerire atîrî, “Umani mûthiî, mue wana andû enyu a Isiraeli! Umani vûrûrirî wakwa, mûthiî mûkagooce Ngai-Mûnene ta ûrîa mwaûririe.

Ntha 12:33

Nao andû a Misiri nîmaathaithire andû a Isiraeli maume vûrûrirî wao na îvenya makîmeeraga atîrî, “Ethîrwa tîmûthiî tuonthe nîtûgûkua.”

Ntha 12:39

Maaumire Misiri na îvenya matarugîte mîgate. Nwatî nîmaakuire mûtu ûtarî mwîkîre ndawa ya kwimbia. Mûtu ûcio nîmaaûrugire mîgate.

Ntha 13:14

Ethîrwa kavinda nîgagaakinya anake enyu mamûrie ûndû ûyû mûreka wa gûkûngûîra ugîte atîa, nîmûkaamera atî, ‘Ngai-Mûnene nîwatûmîre vinya wake mûnene agîtûruta Misiri kûrîa twatûûraga tûrî ngombo.

Ntha 13:16

Ûndû ûyû ûkethagîrwa wîkariî ta kîndû kîovereretwe njara kana rûûri rwîkîrîtwe mothiûrî metû wa gûtûririkania atî Ngai-Mûnene aatûrutire vûrûri wa Misiri na njîra ya vinya wake mûnene.’ ”

Ntha 13:3

Nake Musa nîwerire andû a Isiraeli atîrî, “Ririkanagani mûthenya ûyû. Ûyû nî mûthenya ûrîa Ngai-Mûnene aamûrutire Misiri na njîra ya vinya wake kûrîa mwatûûraga mûrî ngombo. Mûthenya ûyû mûtikaarîe mîgate îkîrîtwe ndawa ya kwimbia.

Ntha 13:9

Ûndû ûyû nûkeethagîrwa ûrî kîririkania ta kîndû kîovereretwe njararî cienyu kana mothiûrî menyu atî vîndî cionthe mûthomage watho wa Ngai-Mûnene. Nîûndû Ngai-Mûnene aamûrutire Misiri na vinya wake mûnene.

Ntha 14:13

Nake Musa nîwamacokerie atîrî, “Mûtigetigîre, mwîyûmîrîrie na nîmûkwona ûrîa Ngai-Mûnene agwîka nîguo amûvonokie ûmûnthî. Mue mûtigaacoka kwona andû aya a Misiri rîngî.

Ntha 15:6

Njara yaku ya ûrîo we Ngai-Mûnene îrî riiri na îrî vinya; njara yaku ya ûrîo we Ngai-Mûnene yunangaga nthû tûcunjî tûcunjî.

Ntha 7:4

Mûthamaki wa Misiri ndakaamûthikîrîria. Nanie nîngûretera andû a Misiri îvera rînene na ndongorie andû akwa ciana cia Isiraeli ciume vûrûri wa Misiri. Nîngeka maûndû manene nîguo nduîre vûrûri wa Misiri.

Ntha 7:5

Rîrîa ngaakûnjûra njara yakwa îmaûkîrîre na ndute andû a Isiraeli vûrûrirî wao, nîrîo andû a Misiri makaamenya atî nie nînie Ngai-Mûnene.”

Isaia 63:12

Ûrîa wekire maûndû manene na vinya wake na njîra ya Musa, ûrîa wagaanirie manjî ma îria, na agîtongoreria andû ake manjîrî mau mariku nîguo egîîre na îgweta rîa tene na tene arî kû?”

Ndari 11:23

Nake Ngai-Mûnene nîwacokerie Musa atîrî, “Anga vinya wakwa wîthagîrwa ûrî na kîthimi? Eterera wone kana ûrîa mbugîte tîgûtuîkîka!”

Ndari 23:23

Gûtirî mûndû ûngîroga andû a Jakovu, gûtirî ûgo ûngînyita andû a Isiraeli. Andû makaaugaga atîrî, ‘Taroriani mwone magegania marîa Ngai ekîte kûrî andû a Isiraeli.’

Ciîko 13:17

Ngai wa andû a Isiraeli nîwathuurire methe metû ma tene na akîmatua rûrîrî rûnene vîndî îrîa maatûûraga vûrûrirî ûtaarî wao wa Misiri. Na nîûndû ke arî vinya nyîngî, nîwamarutire vûrûrirî ûcio,

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

Gûco 4:34

Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.