Ntha 5:6 - ÎVUKU RÎA ÛVORO MWARO

⁶ Mûthenya wa ûcio mûthamaki wa Misiri nîwathire anene a ngombo a Misiri na arûngamîrîri a Isiraeli na akîmeera atîrî,

Ntha 5:6 ပူးပေါင်းရင်းမြစ်များ

2Maû 26:11

Makîria ya ûguo Uzia aarî na athigari a mbaara meevarîrîtie kûrûa. Maagaanîtue ikundi ikundi na mûtaratara wao waigîtwe nî Jeieli karani wa vûrûri na mûnene Maaseia. Mûtongoria wao aarî Hanania ûmwe wa anene a athigari a mbaara a mûthamaki.

Ntha 1:11

Kwoguo andû a Misiri nîmaaigire anene a ngombo nîguo mavinyîrîrie andû a Isiraeli na njîra ya kûmarutithia wîra mûmû. Nao andû a Isiraeli nîmaatumire matûûra manene metagwa Pithomu na Ramesesi ma kwigagwa indo nî mûthamaki.

Ntha 3:7

Ngai-Mûnene nîwerire Musa atîrî, “Nîmonete mathîna ma andû akwa arîa marî Misiri. Nîmbîguîte makîrîra nîguo matethue kuuma kûrî anene ao na nîmenyete ûrîa marathînîka.

Ntha 5:10

Kwoguo anene a ngombo na arûngamîrîri nîmaathiîre na makîra Aisiraeli atîrî, “Mûthamaki wa Misiri auga ndagûcoka kûmûva rûûa rîngî.

Ntha 5:19

Nao arûngamîrîri a andû a Isiraeli nîmoonire atî maarî thînarî rîrîa meerirwe atî nwanginya maûmbe matuvarî wa mûthenya megana ta ûrîa maaûmbaga mbere.

Ntha 5:7

“Mûtigacoke kûvecaga andû rûûa rwa kûmba matuvarî, tiga andû mathiîcage gwîcarîria o ene.

Nthi 12:10

Andû arîa athingu marî ntha na nyamû ciao irîa marîthagia, nwatî andû arîa aganu matirî ntha na nyamû ciao.

Ndari 11:16

Ngai-Mûnene nîwerire Musa atîrî, “Nyûnganîria athuuri mîrongo mûgwanja arîa wîcî atî nî atongoria a andû a Isiraeli na mûke mûrûngame îgemarî rîa Ngai-Mûnene.

Gûco 1:15

Kwoguo nînoocire andû acio mwathuurîte aûgî na mecîkene kuuma mîvîrîgarî yenyu, na ngîmatua atongoria enyu. Amwe naamatuire atongoria a andû makiri, amwe atongoria a andû magana, na engî atongoria a ikundi cia andû mîrongo îtano na engî atongoria a makûmi ma andû. Na nînathuurire atongoria engî mîvîrîgarî yonthe yenyu.

Gûco 16:18

“Thuurani atucanîri ciira na anene kuuma matûûrarî menyu monthe marîa Ngai-Mûnene Ngai wenyu akûmûva kûringana na mîvîrîga yenyu. Andû acio magaatucagîra andû na waragania.

Josh 24:1

Joshua nîwacokire agîta andû a mîvîrîga yonthe ya Isiraeli. Nao nîmaagomanire vamwe Shekemu. Nîwetire athuuri, atongoria, atirîrîri vûrûri na anene a andû a Isiraeli mathiî vakuvî na îgema rîrîa rîamûre.

Josh 24:4

nake Isaka ngîmûva Jakovu na Esaû. Nînaagaîre Esaû vûrûri ûrîa ûrî irîma wa Edomu ûtuîke wake, nwatî îthe wenyu wa tene Jakovu na njiarwa ciake nîmaathiîre Misiri.

Josh 8:33

Andû a Isiraeli marî vamwe na athuuri, anene na atongoria ao na ageni arîa maarî nao nîmaarûngamire mîenarî yoîrî ya îthandûkû rîa kîrîkanîro mbere ya athînjîri-Ngai a Alawi arîa maarîkuîte. Nuthu yao maarûngamîte mbere ya kîrîma Kîam Gerizimu na nuthu îngî îkarûngama mbere ya kîrîma Kîam Ebali. Ûguo nîguo Musa ndungata ya Ngai-Mûnene amaathire mageeka rîrîa kavinda gagaakinya ga kwamûkîra kîrathimo.