Ntha 5:22 - ÎVUKU RÎA ÛVORO MWARO

²² Nake Musa nîwacokire rîngî kûrî Ngai-Mûnene na akîmwîra atîrî, “Ngai-Mûnene, nîkwa ûravinyîrîria andû aku nîkî? Wandûmire gûkû nîkî?

Ntha 5:22 ပူးပေါင်းရင်းမြစ်များ

1Atha 19:10

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga!”

1Atha 19:4

na akîthiî werûrî rûgendo rwa mûthenya mûgima. Nîwakinyire vandû vaarî na mûtî na agîkara nthî kîrururî Kîamguo, nîwerirîrie gûkua na akîvoya atîrî, “Rîu Ngai-Mûnene maûndû mau monete nîmeganu, wana nî kava nguîte ta methe makwa ma tene!”

Thaburi 73:25

Nîûrîkû wîngî nîrî nake îgûrû tiga we? Gûkû nthî gûtirî kîndû mendete tiga we.

Ntha 17:4

Kwoguo Musa nîwathaithire Ngai-Mûnene akîmwîra atîrî, “Nîmbîka andû aya atîa? Rîu marî vakuvî kûndiva na mathiga.”

Jeremia 12:1

We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Jeremia 20:7

We Ngai-Mûnene nîûmveenetie nanie ngaveeneka, we ûrî na vinya kûngîra na wî mûmvootu. Mûthenya mûgima nduîkîte kîndû gîa kûthekererwa, nthekagîrîrwa nî andû onthe.

Jeremia 4:10

Nînacokire ngiuga atîrî, “We Ngai-Mûnene, nama nîûveenetie andû a Jerusalemu viû na ûkaamera atî maûndû mao nîmakwîthîrwa marî maro, nwatî vîndî îo nîrîo marî ûgwatirî mûnene.”

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Ndari 11:11

Kwoguo Musa nîwerire Ngai-Mûnene atîrî, “Ûmbîkîte naaî ûguo nîkî? Ûrakarîte nînie nîkî? Ûnduîte mûmenyereri wa andû aya onthe nîkî?

Josh 7:7

Joshua nîwaûririe atîrî, “Ûûi, Mwathani Ngai-Mûnene! Watûringirie rûnjî rwa Jorodani nîkî? Watûretire tuonthe nîguo ûtûnenganîre kûrî Aamori matûthirie? Nî kava tûngîekarire mûringo ûrîa wîngî wa rûnjî rwa Jorodani.

1Sam 30:6

Vîndî îo Daudi aarî na thîna nyîngî, nîûndû andû ake maarî na marûrû meengî mûno nîûndû wa kûûrîrwa nî ciana ciao. Nao nîmeendaga kûriva Daudi na mathiga, nwatî nîweyûmîrîrie nîûndû wa kwîvoka Ngai-Mûnene, Ngai wake.