Ntha 5:2 - ÎVUKU RÎA ÛVORO MWARO

² Nake mûthamaki nîwaûririe atîrî, “Ngai-Mûnene nîke ûû, na nînîmûthikîrîria nîkî na mbîtîkîrie andû a Isiraeli mathiî? Nie ndiîcî Ngai-Mûnene ûcio na ndingîtîkîria andû a Isiraeli mathiî.”

Ntha 5:2 ပူးပေါင်းရင်းမြစ်များ

2Atha 18:35

Gatagatîrî ka ngai cionthe cia mavûrûri, nî ngai îrîkû yanavonokia vûrûri wao kuuma kûrî nie? Nîndûî kîratûma mwîcirie atî Ngai-Mûnene nwa avonokie Jerusalemu kuuma kûrî nie?”

2Maû 32:14

Nî ngai îrîkû gatagatî ka ngai cia mavûrûri marîa methe makwa maacûkangirie viû yavotire kûvonokia andû a yo kuuma kûrî nie nîguo mue mûgîe na mwîrîgîrîro atî Ngai wenyu nîakaamûvonokia kuuma kûrî nie?

2Maû 32:15

Mûtikareke Hezekia amûveenie kana amûvîtithie na njîra ta îo. Mûtikamwîtîkie nîûndû gûtirî ngai ya vûrûri wanarî ûrîkû kana ûthamaki ûrîkû yanavota kûvonokia andû a yo kuuma kûrî nie kana kuuma kûrî methe makwa. Ngai ûcio wenyu angîmûvonokia kuuma kûrî nie atîa!”

2Maû 32:19

Nîmaaririe ûvoro wîgiî Ngai wa Jerusalemu wata ûrîa maaragia ûvoro wîgiî ngai cia mavûrûri marîa mengî irîa ciîthagîrwa irûthîtwe nî andû.

Nehemia 9:10

Nîwaringire ciama cia magegania cia kûregana na ûthamaki wa Misiri, atongoria ake onthe na andû onthe a vûrûri wake, nîûndû nîwamenyete ûrîa maavinyîrîrie methe metû ma tene. Nîwagîre na îgweta wata ûrîa kûrî ûmûnthî.

Ayubu 15:25

Nîûndû nîakûnjagîra Ngai ngundi, na akang'athîria Mwene Vinya Wonthe.

Ayubu 15:26

Avinyûraga na kûrîke aûmîtie kîongo, akuuîte ngo ya kwîgitîra kûrî Ngai.

Ayubu 21:15

Maûragia Ngai mwene vinya wonthe nû nîguo mamûtungatîre, na nî umithio ûrîkû monaga mamûvoya.

Thaburi 10:4

Andû arîa aganu matiîciragia ûvoro wa Ngai-Mûnene, nîûndû wa mwîtîîo wao maugaga atî, “Gûtirî Ngai.”

Thaburi 12:4

makiugaga atîrî, “Ciugo cietû nîcio igaatûma tûvootane, twaragia ûrîa tûkwenda na gûtirî mûndû ûngîtwatha.”

Thaburi 12:5

Nwatî Ngai-Mûnene augîte atîrî, “Nîûndû andû arîa athîni nîavinyîrîrie, na andû arîa manyamaragua nî maracaa, nîngûmava ûgitîri ûrîa meriragîria.”

Thaburi 14:1

Irimû ciîîraga na ngoro atîrî, “Gûtirî Ngai!” Onthe marî mîtugo mîcûku, na nîmekîte maûndû macûku mûno, gûtirî wanarî ûmwe wîkaga ûndû mwagîrîru.

Ntha 3:19

Nîmbîcî atî mûthamaki wa Misiri ndageetîkîra mûthiî tiga nwa aringîrîrîtue gwîka guo.

Ntha 7:17

Ngai-Mûnene auga atî nîûkûmenya ke nîke ûû na njîra ya ûndû ûrîa agwîka. Nie nîngûringa manjî ma rûnjî rwa Nailo na mûragi ûyû na nîmakûgarûrûka matuîke nthakame.

Nthi 30:9

nîguo ndikavae ngûkaane, na mbûrie atîrî, “Ngai-Mûnene nîke û?” Kana nthîne na nthiî ngaîe njonorithie rîîtwa rîaku.

Jeremia 42:13

“Nwatî mûngîkauga atî, ‘Tî twîkara vûrûrirî ûyû,’ na mûcoke mûtige kûrûmîrîra Ngai-Mûnene, Ngai wenyu,

Jeremia 48:26

“Vani Moabu ndivei nîguo arîwe viû, nîûndû nîwenenevirie gûkîra Ngai-Mûnene. Moabu nîakagaraga matavîkarî make na nîakaathekererwa nî andû.

Danieli 3:15

Rîu-î, rîrîa mûkegua rîngî mîgambo ya coro, mîtûrirû, ngita, wandîndî, na inanda cia mîthemba yonthe, mûkenamîrîria mothiû menyu mûgooce mûvuanano ûcio naarûthithirie wa thaavu. Ethîrwa mûtikaaûgooca, nîmûgaaikua wa rîmwe mwakirî mûnene mûno. Nî ngai îrîkû îngîmûvonokia kuuma kûrî nie?”

Johana 16:3

Andû nîmakaamwîka maûndû mama nîûndû matiîcî Vava na matimbicî.

Aroma 1:28

Nîûndû andû acio nîmaaregire kûmenya Ngai, ke nîwamarekererie magîe na meciria macûku na mekage maûndû marîa matagîrîrîte.

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

Atir 2:10

Vuva wa ûguo, andû onthe a rûciaro rûu nîmaakuire. Nao andû a rûciaro rûu rwarûmîrîre nîmaariganîrwe nî Ngai-Mûnene na maûndû marîa Ngai-Mûnene eekîrîte andû a Isiraeli.

1Sam 2:12

Nake Eli aarî na anake ake. Anake acio maarî aganu na matiavecaga Ngai-Mûnene gîtîîo,

1Sam 25:10

Nake Nabali nîwacokerie anake acio a Daudi atîrî, “Daudi nî ûrîkû? Mûvîcî wa Jesii nî ûrîkû? Kûrî na ngombo nyîngî mûno vûrûrirî iratoroka ikauma kûrî anene a cio!