Ntha 40:20 - ÎVUKU RÎA ÛVORO MWARO

²⁰ Nîwacokire agîoca ivengere irîa igîrî cia mathiga na agîciîkîra îthandûkûrî rîa kîrîkanîro. Agîkîra mîtî ya gûkuua îthandûkû icûvîrî ciarîo na akigîrîra gîkunîko îgûrû rîarîo.

Ntha 40:20 ပူးပေါင်းရင်းမြစ်များ

1Atha 8:9

Gûtiarî kîndû ndaarî ya îthandûkû rîa kîrîkanîro tiga ivengere igîrî cia mathiga irîa Musa eekîrire kuo arî Horebu. Musa aaciîkîrire kuo rîrîa Ngai-Mûnene aarûthire kîrîkanîro na andû a Isiraeli rîrîa maaumaga vûrûrirî wa Misiri.

1Maû 15:3

Daudi nîwagomanirie andû onthe a Isiraeli kûu Jerusalemu nîguo mavire îthandûkû rîa kîrîkanîro Kîam Ngai-Mûnene varîa aarîtumîrîte.

2Maû 5:10

Îthandûkûrî rîa kîrîkanîro gûtiarî kîndû kîngî tiga ivengere igîrî cia mathiga irîa ciekîrirwe kuo nî Musa marî Kîrîmarî gîa Sinai. Rîrîa andû a Isiraeli maaumaga Misiri, vau Kîrîmarî gîa Sinai nîvo Ngai-Mûnene aarûthîre kîrîkanîro na andû a Isiraeli.

Thaburi 40:8

Nîngenaga ngîka wendi waku, we Ngai wakwa, watho waku ûrî ngororî yakwa.”

Ntha 16:34

Wata ûrîa Musa aathîtwe nî Ngai-Mûnene, Aroni nîwaigire maana mau mbere ya îthandûkû rîa kîrîkanîro nîguo maigwe.

Ntha 26:34

Nîûkaaigîrîra gîkunîko îgûrû rîa îthandûkû rîa kîrîkanîro rîrî vandû varîa vatheru Mûno.

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 40:19

Nîwakunîkire îgema rîa Ngai-Mûnene wata ûrîa Ngai-Mûnene aamwathîte.

Ntha 40:3

Îgemarî rîu ûkaaiga îthandûkû rîa kîrîkanîro na ûcurie gîtambaa mbere ya îthandûkû rîa kîrîkanîro.

Mathaayo 3:15

Nwatî Jesû nîwamûcokerie atîrî, “Tiga gûtuîke guo rîu, nîûndû nîkwagîrîrîte tue tûvingie wendi wa Ngai.” Kwoguo Johana nîwetîkîre kûvatithia Jesû.

Aroma 10:4

Nîûndû Kristû nîwathiririe watho nîguo mûndû wa wonthe ûmwîtîkîtie etîkîrîke nî Ngai.

Aroma 3:25

Ngai aavecanire Jesû nîguo na njîra ya gîkuû gîake andû moverwe mevia mao nîûndû wa wîtîkio wao. Ngai ekire ûguo nîguo onanie ûrîa arî mûthingu. Mbererî îo Ngai aatûîre akiragîrîria andû mevia mao.

Gûco 10:5

Nînaanyûrûkire ngiuma kîrîmarî. Nînacokire ngîkîra ivengere icio îthandûkûrî rîrîa naatumîte wata ûrîa Ngai-Mûnene aathanîte, na kûu nîkuo irî.”

Ahib 4:16

Kwoguo nîtûthiîni tûmîrîrîtie tûkinye vakuvî na gîtî Kîam Ngai Kîam ûthamaki, na nîvo varî na wega wake. Vau nîvo tûkeeguîrûa ntha na tûnyite wega wa Ngai wa gûtûtethagia rîrîa rîonthe tûvatarîte.

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.

1Joh 2:2

Kristû ke mwene nîke ûtûmaga twoverwe mevia metû, na twa mevie metû tu, nwatî nî wana mevia ma andû onthe.