Ntha 40:14 - ÎVUKU RÎA ÛVORO MWARO

¹⁴ Ûkaareta avîcî ake wa nao na ûmekîre nguo ndaca.

Ntha 40:14 ပူးပေါင်းရင်းမြစ်များ

Ntha 29:8

“Ûgaacoka ûrete avîcî a Aroni na ûmekîre nguo ndaca,

Ntha 40:13

na wîkîre Aroni nguo cia ûthînjîri-Ngai ûmwamûre na ûmûtherie nîguo andungatagîre arî mûthînjîri-Ngai.

Ntha 40:15

Ûcoke ûmamûre wata ûrîa wamûrire îthe, nîguo mandungatagîre marî athînjîri-Ngai. Wamamûra magatûûraga mandungatagîra marî athînjîri-Ngai nginya njiarwa ciao cionthe.”

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Alawi 8:13

Musa nîwacokire akîra avîcî a Aroni maumîre vau mbere na akîmekîra nguo, akîmova mîcivi ciûnorî ciao, na akîmova itambaa ciongorî ciao, wata ûrîa Ngai-Mûnene aathanîte.

Johana 1:16

Nîtûnyitîte irathimo nyîngî mûno kuuma wegarî ûcio wake mwîngî.

Aroma 13:14

Nwatî îkîrani Mwathani Jesû Kristû arî take indo cienyu cia mbaara, na mûtige kwîthînia nîûndû wa mîîrî yenyu îrîa îvagia atî nîguo mûvingie maûndû marîa îriragîria.

Aroma 8:30

Kwoguo arîa Ngai amûrîte nîwametire, nao acio eetire nîwamatuire athingu na akîmagaîra riiri wake.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

1Akor 1:9

Ngai nî mwîvokeku. Ke nîke wamwîtire nîguo mûgîe na ngwatanîro na Mûrû wake Jesû Kristû Mwathani wetû.