Ntha 4:25 - ÎVUKU RÎA ÛVORO MWARO

²⁵ Nake Zipora mûka wa Musa nîwavinyûrire na agîoca kathiga kaavana ta kîenji na akîruithia mûvîcî, agîcoka akîvutia magûrû ma Musa na nyama îo aatinirie aruithia mûvîcî. Nîûndû wa mîtugo ya kîndûîre ya kûrua, Zipora nîwerire Musa atîrî, “Na ma we wî mûthuuri wakwa na njîra ya nthakame.”

Ntha 4:25 ပူးပေါင်းရင်းမြစ်များ

Kîam 17:14

Mûndûmûrûme wa wonthe ûtarî mûruu, ndakethagîrwa arî ûmwe wa andû akwa nîûndû ke tî mûvingiu kîrîkanîro gîakwa.”

2Sam 16:7

Shimei nîwarumire Daudi akîmwîraga atîrî, “Thiî! Thiî! Mûragani ûyû! Mwîki naaî ûyû!

Ntha 18:2

Kavindarî kau mûka wa Musa eekaraga mûciî kwa îthe Jethiro. Kwoguo Jethiro nîwathiîre kûrî Musa kûmûvirîra mûka Zipora,

Ntha 2:21

Musa nîwetîkîrire gûtûûra kwa Jethiro. Jethiro nîwacokire akîva Musa mwîrîtu wake wetagwa Zipora atuîke mûka,

Ntha 4:26

Kwoguo Ngai-Mûnene ndaaûraga Musa, nîwatiganire nake nîûndû Zipora nîwaugîte, mûthuuri wakwa na njîra ya nthakame nîûndû wa kûrua.