Ntha 36:8 - ÎVUKU RÎA ÛVORO MWARO

⁸ Andû arîa maarî na wara mwîngî gûkîra arîa engî nîo maarutaga wîra wa gûtuma îgema rîa Ngai-Mûnene. Maarîtumire na itambaa îkûmi cia nguo mbaro itumîtwe na ndigi cia rangi wa vururu, njambarawe, na cia rangi ndune na igemetue na akerubi.

Ntha 36:8 ပူးပေါင်းရင်းမြစ်များ

1Atha 6:23

Solomoni nîwarûthire mîvuanano îîrî ya Akerubi ya mbaû cia mîtamaiyû îrîa îciaraga matunda na akîmiga vandû varîa vatheru Mûno. Wa mûvuanano ûmwe warî na ûraca na îgûrû wa mita inya na cendimita mîrongo îîrî.

1Maû 15:1

Daudi nîwatumire nyomba ciake îtûûrarî rîa Daudi. Nîwacokire akîrûtha vandû va kwiga îthandûkû rîa kîrîkanîro Kîam Ngai na agîtuma îgema rîarîo.

2Maû 1:3

Nîwamerire mathiî marî vamwe nake Gibeoni varîa vaagoocagîrwa. Maathiîre kuo nîûndû nîkuo îgema rîa gûcemanîrua rîa Ngai rîarî. Îgema rîu nî rîrîa Musa, ndungata ya Ngai-Mûnene aatumîte arî werûrî.

2Maû 3:10

Mûthamaki nîwarûthire mîvuano îîrî ya akerubi na mîtî na akîmavaka thaavu. Nîwaigire mîvuano îo vandû varîa vatheru mûno.

Ntha 25:18

Tura akerubi aîrî a thaavu.

Ntha 25:22

Vau nîvo ngaatûngana nawe. Na îgûrû rîa gîkunîko Kîam îthandûkû, gatagatî ka akerubi acio aîrî marî îgûrû gîkunîkorî Kîam îthandûkû, nîvo ngaakwarîria ngûnengere maathani ma andû a Isiraeli.

Ntha 31:6

Nînthurîte Oholiabu mûvîcî wa Ahisamaki wanake nîguo marutithanie wîra nake. Oholiabu nî wa kuuma mûvîrîgarî wa Dani. Nîmvete ûvoti mwîngî andû arîa engî onthe marî na wara wa kûruta wîra nîguo mavote kûrûtha indo cionthe irîa naakwathire.

Ntha 31:7

Indo icio nî îgema rîa Ngai-Mûnene, îthandûkû rîa kîrîkanîro na gîkunîko Kîam rîo, na indo cionthe cia gwîkîra kûu îgemarî,

Ntha 35:10

“Andû onthe gatagatîrî kenyu arîa marî na ûvoti nîmaûke matume indo cionthe irîa Ngai-Mûnene atwathîte:

Ntha 36:9

Itambaa cionthe nîcieganene. Wa gîtambaa Kîamrî na ûraca wa mita îkûmi na igîrî na wariî wa mita igîrî.

Ntha 39:3

Nîmaaturire mavati ma thaavu na makîmatinangia tûmîcivi tûceke twa gûtumîrîrwa nguorî îrîa mbaro na ndigi cia rangi wa vururu, njambarawe na ndune.