Ntha 33:6 - ÎVUKU RÎA ÛVORO MWARO

⁶ Kwoguo andû a Isiraeli mauma kîrîmarî Kîam Horebu matiacoka gwîkîra mathaga rîngî.

Ntha 33:6 ပူးပေါင်းရင်းမြစ်များ

Ntha 3:1

Mûthenya ûmwe Musa akîrîthia ndîthia ya mûthoniwe Jethiro, mûthînjîri-Ngai wa Midiani, nîwavirire mbûri ikîranîrîtie werûrî na igîkinya kîrîmarî gîa Sinai. Kîrîma gîa Sinai Kîamrî kîrîma kîtheru.

Ntha 32:3

Kwoguo andû onthe nîmaarutire mindo cia thaavu irîa maarî nacio matû na makîvirîra Aroni.

Ntha 33:4

Rîrîa andû meegwire maûndû mau macûku nîmaambîrîrie kûrîra na makîrega gwîkîra mathaga ma kwîgemia,

Ntha 33:5

nîûndû Ngai-Mûnene nîwathîte Musa ameere atîrî, “Mue mûrî andû aremi. Nîngîthiîcania namue wanarî vanini nîngîmûthiria viû. Kwoguo rutani mathaga menyu, nîguo menye ûrîa ngwîka namue.”

Ntha 33:7

Vandû vonthe varîa andû a Isiraeli maambaga magema, Musa nîwathiîcaga akamba îgema rîa Ngai-Mûnene varaca na kûrîa andû maatûûraga. Îgema rîu rîetagwa Îgema rîa Ngai-Mûnene na mûndû wa wonthe ûngîendire kwaria na Ngai-Mûnene, nîwaumaga na akathiî îgemarî rîu.

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Jona 3:5

Andû a Nineve nîmeetîkirie ndûmîrîri ya Ngai îo meerirwe nî Jona. Kwoguo nîmaanîrîre kûgîe na îvinda rîa wînyerekia. Andû onthe nîmeekîrire nguo cia macakaya kuuma ûrîa mûnene nginya ûrîa mûnini.