Ntha 33:16 - ÎVUKU RÎA ÛVORO MWARO

¹⁶ Ethîrwa tîûthiîcania natue, andû mangîmenya atîa atî ûrîmûkenie nînie wana andû aku? Kûthiîcania natue nîkuo gûgatûma tûgîe na ngûrani gatagatî getû na andû acio engî onthe a nthî.”

Ntha 33:16 ပူးပေါင်းရင်းမြစ်များ

2Sam 7:23

Gûtirî andû engî gûkû nthî mekariî ta Aisiraeli, arîa wakûûrire kuuma ûkomborî na ûkîmatua andû aku. Maûndû manene na ma magegania marîa wekire nîûndû wao matûmîte ngumo yaku îtambe nthî yonthe. Nîwengatire ndûrîrî irîa ciîngî wa vamwe na ngai ciacio kuuma kûrîa kuonthe andû aku maavîtûkagîrîra, andû wa acio wakûûrîte kuuma Misiri na magatuîka andû aku.

1Atha 8:53

We nîwe wamathuurire kuuma kûrî andû onthe a gûkû nthî nîguo matuîke îgai rîaku, wata ûrîa waririe na njîra ya Musa, ndungata yaku rîrîa we Mwathani, Ngai-Mûnene warutire methe metû Misiri.”

Thaburi 147:20

Ndaaneka ûndû ta ûcio vûrûrirî wîngî; na matiîcî mawatho make. Kumiani Ngai-Mûnene!

Ntha 34:10

Ngai-Mûnene nîwerire Musa atîrî, “Rîu nîngûrûtha kîrîkanîro na andû a Isiraeli. Nîngeka maûndû ma magegania methorî mao, maûndû matarî manonwa nthî yonthe vûrûrirî wana ûrîkû. Andû onthe nîmakoona maûndû manene marîa nie, Ngai-Mûnene nîngîvota gwîka, nîûndû nîngeka maûndû ma gwîtigîrwa nîûndû waku.

Ntha 34:9

Nîwaugire atîrî, “We Mwathani wakwa, ethîrwa ûrî mûkenie nî nie, nînakûthaitha wîtîkîre tûthiîcanie nawe. Andû aya nî aremi, nwatî tûkirîrîrie mavîtia metû, ûtwovere mevia metû na ûtwîtîkîre tûrî andû aku.”

Ntha 8:22

Nwatî Gosheni kûrîa andû akwa matûûraga, gûtikethîrwa kûrî na ngi. Ûndû ûcio nîguo ûgaatûma ûmenye atî Nie Ngai-Mûnene nînie nîraruta wîra vûrûrirî ûyû.

Alawi 20:24

Nwatî nînîmwîrîrîte atî, nîngaamûva vûrûri wao mûûgae ûtuîke wenyu, vûrûri ûrî îriia na ûûkî. Nie nînie Ngai-Mûnene, Ngai wenyu na nîmûthuurîte kuuma gatagatî ka ndûrîrî irîa ciîngî.

Alawi 20:26

Mue mûrî akwa na mûkethagîrwa mûrî atheru nîûndû Nie, Ngai-Mûnene nîrî mûtheru. Nîmûthuurîte kuuma gatagatî ka ndûrîrî irîa ciîngî nîguo mûtuîke akwa kîûmbe.

Ndari 14:14

nîmakeera andû arîa matûûraga vûrûri ûyû. Andû a vûrûri ûyû nîmarîkîtie kwîgua atî we, Ngai-Mûnene, wîthagîrwa ûrî vamwe natue, na atî we nîwonekaga rîrîa îtu rîaku rîarûngama îgûrû rîetû. Nîmeguîte atî ûthiîcaga ûrî mbere yetû na gîtugî Kîam îtu mûthenya, na ûtukû ûkathiî na gîtugî Kîam mwaki.

Ndari 23:9

Nîrî îgûrû rîa irîma nînîmoonaga, nînîmaroragia nîrî îgûrû rîa irîma. Acio nî andû matûûraga marî onga; nîmaicî atî nî arathime gûkîra andû a mavûrûri marîa mengî!

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

Gûco 4:34

Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.

Gûco 4:7

“Nî vûrûri ûrîkû wana ethîrwa ûrî mûnene atîa wîthagîrwa ûrî na ngai îrî vakuvî naguo ta ûrîa Ngai-Mûnene, Ngai wetû ethagîrwa arî vakuvî natue rîrîa rîonthe twamwîta?