Ntha 33:1 - ÎVUKU RÎA ÛVORO MWARO

¹ Ngai-Mûnene nîwerire Musa atîrî, “Uma gûkû, we vamwe na andû arîa warutire vûrûri wa Misiri na mûthiî vûrûrirî ûrîa nerîîre Iburahimu, Isaka, na Jakovu vamwe na njiarwa ciao atî nîngaamava.

Ntha 33:1 ပူးပေါင်းရင်းမြစ်များ

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 15:18

Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati.

Kîam 26:1

Vûrûrirî ûcio nîkwagîre na yûra rîngî tiga rîrîa rîarî kuo vîndî ya Iburahimu. Nîûndû wa ûguo, Isaka nîwathiîre Gerari kûrî Abimeleki mûthamaki wa Afilisiti.

Kîam 26:3

Tûûra vûrûrirî ûyû na ngethagîrwa nîrî vamwe nawe na nîngaakûrathima. Nîngaakûva vûrûri ûyû wonthe, we na njiarwa ciaku, na nîngaavingia kîîranîro gîakwa kîrîa neerîre Iburahimu na mwîvîtwa.

Kîam 28:10

Jakovu nîwaumire Beerisheba na akîthiî Harani.

Kîam 50:24

Josefu nîwerire aa mûrwang'ina atîrî, “Nîrî vakuvî gûkua. Nwatî gûtirî nganja Ngai nîakaamûtongoria amûrute vûrûrirî ûyû amûvire vûrûrirî ûrîa erîre Iburahimu, Isaka na Jakovu.”

Ntha 17:3

Nwatî andû maarî anyondu mûno, na nîmaathiîre na mbere gûteta makîûragia Musa atîrî, “Nîndûî gîatûmire ûtûruta Misiri? Wendaga tûke ûtûragîre gûkû werûrî na nyonda tûrî vamwe na ciana cietû na ng'ombe cietû?”

Ntha 32:1

Rîrîa andû a Isiraeli moonire atî Musa nîwekara mûno atacokete kuuma kîrîmarî, nîmaagomanire varî Aroni na makîmwîra atîrî, “Ûkîra ûtûrûthîre ngai îrîa îgaatûtongoragia nîûndû tûtiîcî ûrîa gwîkîkîte kûrî Musa ûrîa watûrutire vûrûri wa Misiri.”

Ntha 32:13

Ririkana ndungata ciaku Iburahimu, Isaka, na Jakovu arîa werîre we mwene na mwîvîtwa atî nîûkengîvia njiarwa ciao ta njata cia îgûrû, na ûve njiarwa cio vûrûri ûrîa wamerîre atî nîûgaatuîka wao tene na tene.”

Ntha 32:34

Rîu thiî ûgatongorie andû mathiî kûrîa naakwîrire. Ririkana, mûraika wakwa nîakaamûtongoria, nwatî kavinda nîgagaakinya rîrîa ngaaûka kûverithia andû aya nîûndû wa mevia mao.”

Ntha 32:7

Ngai-Mûnene nîwerire Musa atîrî, “Nyûrûrûka narua nîûndû andû aku arîa warutire vûrûri wa Misiri nîmevîtie na makaregana nanie.

Alawi 20:24

Nwatî nînîmwîrîrîte atî, nîngaamûva vûrûri wao mûûgae ûtuîke wenyu, vûrûri ûrî îriia na ûûkî. Nie nînie Ngai-Mûnene, Ngai wenyu na nîmûthuurîte kuuma gatagatî ka ndûrîrî irîa ciîngî.

Ndari 11:12

Tînie naûmbire andû aya kana ngîmaciara! Nîndûî gîatûmire ûndua ta ng'ina wao nîmakuuage ta tûkenge nîmavire vûrûri ûrîa werîre methe mao ma tene na mwîvîtwa atî nîûkaamava?

Ciîko 7:36

Musa nîwatongoririe andû a Isiraeli akîmaruta Misiri. Nake nîwaringaga ciama na ageeka maûndû ma magegania kûu Misiri, Îriarî Îtune wana werûrî kwa îvinda rîa mîaka mîrongo îna.

Gûco 1:8

Taroriani, nîngûmûva vûrûri ûyû wonthe mûrona ûrîa Nie, Ngai-Mûnene nerîîre methe menyu ma tene: Iburahimu, Isaka na Jakovu vamwe na njiarwa ciao na mwîvîtwa atî nîngaamava. Thiîni mwînyitîre guo.’ ”