Ntha 32:7 - ÎVUKU RÎA ÛVORO MWARO

⁷ Ngai-Mûnene nîwerire Musa atîrî, “Nyûrûrûka narua nîûndû andû aku arîa warutire vûrûri wa Misiri nîmevîtie na makaregana nanie.

Ntha 32:7 ပူးပေါင်းရင်းမြစ်များ

2Maû 27:2

Nîwekire maûndû marîa maakenagia Ngai-Mûnene wata ûrîa îthe Uzia eekîte. Nwatî Jothamu ndaatonya hekarûrî ya Ngai-Mûnene. Kûnarî ûguo, andû nîmaathiîre na mbere gwîka maûndû macûku.

Thaburi 78:36

Nwatî matiaragia maûndû ma ma, maûndû monthe marîa maamwîrire maarî ma maveeni.

Ntha 19:24

Ngai-Mûnene nîwacokerie Musa atîrî, “Nyûrûrûka ûthiî mûcoke mûke mûrî na Aroni. Nwatî athînjîri-Ngai na andû matiagîrîrwe nî kûvîtûka mûvaka maûkîte kûrî Nie. Mangîvîtûka mûvaka nîngaamaverithia.”

Ntha 32:1

Rîrîa andû a Isiraeli moonire atî Musa nîwekara mûno atacokete kuuma kîrîmarî, nîmaagomanire varî Aroni na makîmwîra atîrî, “Ûkîra ûtûrûthîre ngai îrîa îgaatûtongoragia nîûndû tûtiîcî ûrîa gwîkîkîte kûrî Musa ûrîa watûrutire vûrûri wa Misiri.”

Ntha 32:11

Nwatî Musa nîwathaithire Ngai-Mûnene, Ngai wake na akiuga atîrî, “Ngai-Mûnene, ûrarakara ûguo nîkî nî andû aku arîa warutire vûrûri wa Misiri na vinya na ûvoti mwîngî?

Ntha 32:4

Aroni nîwocire mindo icio kuuma kûrî o, akîirarûra na mwaki na akîrûtha mûvuanano wa ndegwa ya thaavu nacio. Nao nîmaaugire atîrî, “Andû a Isiraeli îno nîyo ngai yenyu îrîa yamûrutire vûrûri wa Misiri!”

Ntha 33:1

Ngai-Mûnene nîwerire Musa atîrî, “Uma gûkû, we vamwe na andû arîa warutire vûrûri wa Misiri na mûthiî vûrûrirî ûrîa nerîîre Iburahimu, Isaka, na Jakovu vamwe na njiarwa ciao atî nîngaamava.

Isaia 1:4

Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Hosea 9:9

Nîmarikîrîte mûno maûndûrî ma ungumania, wata ûrîa kwarî vîndî ya Gibea. Ngai nîakaaririkana waganu wao, nîakamaverithia nîûndû wa mevia mao.

Gûco 31:29

Nîmbicî narîkia gûkua nîmûgaatuîka andû aganu na mûregane na maûndû marîa naamwathire mwîkage. Mavinda marîa magaaûka nî mûkaanyitwa nî mîthiro, nîûndû mûkethîrwa mûrakarîtie Ngai-Mûnene na njîra ya gwîka maûndû macûku marîa areganîte namo.”

Gûco 32:5

Nwatî ciana ciake itirî na wîvokeku, tî agîrîru gûtuîka andû ake, nî rûciaro rwaganu na rwîvia.

Gûco 4:16

nîguo mûtikevie na njîra ya kwîrûthîra ngai cia mîvuanano ya kumua, îrî na mûvuanîre ta wa mûndûmûrûme kana mûndûmûka,

Gûco 9:12

“Ngai-Mûnene nîwacokire akîmbîra atîrî, ‘Ûkîra na ûnyûrûrûke ume gûkû kîrîmarî narua, nîûndû andû aku arîa warutire Misiri nîmekîte ûndû mûcûku; nîmatigîte wa rîmwe kûrûmîrîra mawatho marîa namaathire na nîmerûthîrîte mûvuanano.’

Gûco 9:8

Wana tûrî kîrîmarî gîa Sinai, nîmwatûmire Ngai-Mûnene anyitwe nî marakara mangîatûmire amûthirie.

Atir 2:19

Nwatî rîrîa mûtongoria akua, andû nîmaacokaga gwîka maûndû macûku wana gûkîra marîa methe ma tene meekaga. Nîmaatungatagîra ngai cia mîvuanano na makenamagîrîria mothiû mao mbere yacio makîigoocaga. Nîmaathiîcaga na mbere gwîka maûndû macûku na matiatiganîria mîtugo yao mîcûku.