Ntha 32:34 - ÎVUKU RÎA ÛVORO MWARO

³⁴ Rîu thiî ûgatongorie andû mathiî kûrîa naakwîrire. Ririkana, mûraika wakwa nîakaamûtongoria, nwatî kavinda nîgagaakinya rîrîa ngaaûka kûverithia andû aya nîûndû wa mevia mao.”

Ntha 32:34 ပူးပေါင်းရင်းမြစ်များ

Thaburi 99:8

We Ngai-Mûnene Ngai wetû, nîwegwire mavoya ma andû aku, nîwamoonirie atî we wî Ngai wovanagîra, wana ethîrwa nîwamaverithagia nîûndû wa mevia mao.

Ntha 15:17

We nîûkaamarete na ûmavande kîrîmarî gîaku, vandû varîa we Ngai-Mûnene ûthuurîte vatuîke mûciî waku, hekarûrî îrîa we mwene ûtumîte.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ntha 23:20

“Atîrî, nîngûtûma mûraika athiî mbere yenyu, amûgitagîre rûgendorî na amûkinyie kûrîa nîmûvarîrîtie.

Ntha 3:17

na nînduîte atî nîngûmaruta vûrûri wa Misiri kûu matûûraga na mathîna nîmavire vûrûri wîcûrîte ûûkî na îria. Vûrûri ûcio nîguo ûtûûragwa nî andû Akanaani, Ahiti, Amori, Aperizi, Ahivi na Ajebusi.

Ntha 33:12

Musa nîwerire Ngai-Mûnene atîrî, “Nî ma nîwambîra ndongorie andû mathiî vûrûri ûcio, nwatî ndûnamonia mûndû ûrîa watûma nîguo tûthiî nake. Nîwauga atî nîûmbicî waro na ûrî mûkenu nînie.

Ntha 33:2

Nîngûtûma mûraika amûtongorie na nîngwîngata Akanaani, Amori, Ahiti, Aperizi, Ahivi, na Ajebusi.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Jeremia 14:10

Îgûrû rîgiî andû aya Ngai-Mûnene arauga atîrî: “Mendaga gûtûûra maûrûraga, mativurûkaga, kwoguo Ngai-Mûnene ndametîkagîra, na rîu nîakûririkana waganu wao, na amaverithie nîûndû wa mevia mao.”

Jeremia 23:2

Kwoguo, ûvoro wîgiî arîthi arîa mamenyagîrîra andû akwa, Ngai-Mûnene Ngai wa Isiraeli arauga atîrî, “Mue nîmûnyaganîtie andû akwa, mûkamengata na mûkarega kûmatungatîra. Rîu nîngûmûverithia nîûndû wa maûndû macûku marîa mwîkîte.

Jeremia 5:29

Ngai-Mûnene arauga atîrî, “Nwa ndege kûverithia andû nîûndû wa maûndû mama? Nwa ndege kwîrîvîrîria kûrî vûrûri ta ûyû?

Jeremia 5:9

Nîngîrega atîa kûmaverithia nîûndû wa maûndû mau, nwa ndege kwîrîvîrîria kûrî vûrûri ta ûyû?

Hosea 8:13

O nîmendete magongoona, na kûrîa nyama cia magongoona; nwatî nie Ngai-Mûnene ndikenagua nîo wana vanini; Ke aririkanaga mevia mao; na akamaverithia nîûndû wa mevia mao; nîakaamacokia Misiri ûkomborî.

Amosi 3:14

Mûthenya ûrîa ngaaverithia andû Isiraeli nîûndû wa mevia mao na njûkangie metha cia kîgongoona cia Betheli, nîngaatemanga mvîa cia metha cionthe cia magongoona nîigwîthie nthî.

Amosi 3:2

Gatagatî ka mavûrûri monthe ma nthî, mue nwa mue mbîcî. Kwoguo nîngûmûverithia nîûndû wa mavîtia menyu monthe:

Ndari 20:16

na tûkîrîrîra Ngai-Mûnene nîguo atûtethie. Ngai-Mûnene nîwegwire kîrîro gîetû na agîtûma mûraika ûrîa watûrutire Misiri. Rîu tûrî Kadeshi, îtûûra rîrîa rîrî mûvakarî wa vûrûri waku.

Mathaayo 23:35

Kwoguo, nîngaamûverithia nîûndû wa kûûraga andû onthe arîa athingu, kuuma kûûragwa kwa Habili nginyagia kûûragwa gwa Zakaria mûrû wa Barakia, ûrîa mwaûragîre gatagatîrî ka hekarû na metha ya kîgongoona.

Gûco 32:35

Nînie ngerîvîrîria na nîmaverithie, vîndî nîgaakinya rîrîa makaagwa, mûthenya wao wa kûverithua ûrî vakuvî.