Ntha 31:15 - ÎVUKU RÎA ÛVORO MWARO

¹⁵ Mûkaarutaga wîra mîthenya îtandatû, nwatî mûthenya wa mûgwanja nî thavatû ya kûvurûka na wamûrîrîtwe Ngai-Mûnene. Mûndû wa wonthe ûkaaruta wîra wana ûrîkû mûthenya wa thavatû nî akaaûragwa.

Ntha 31:15 ပူးပေါင်းရင်းမြစ်များ

Kîam 2:2

Naguo mûthenya wa mûgwanja Ngai aarî mûrîkiu wîra ûrîa aarutaga, na akînogoka.

Ntha 16:23

Nake Musa nîwamerire atîrî, “Ngai-Mûnene athanîte atî rûyû nî mûthenya mûtheru wa kûvurûka nîûndû wa gûkumia Ngai-Mûnene. Rugani kîrîa mûvatarîtue nîkîo ûmûnthî na kîrîa gîgûtigara nîkigwe nîûndû wa rûyû.”

Ntha 16:26

Mue mûkaaûnganagia maana mîthenya îtandatû. Nwatî mûthenya wa mûgwanja nî mûthenya wa kûvurûka na maana matikethagîrwa kuo.”

Ntha 23:12

“Rutaga wîra waku mîthenya îtandatû, nwatî mûthenya wa mûgwanja vurûkaga, nîguo ngombo ciaku, na ageni arîa makûrutagîra wîra mavurûkage, wana ndegwa na mvunda ciaku ivurûkage.

Ntha 31:14

Kwoguo nî mwagîrîrwe nî kûmenyagîrîra mûthenya wa thavatû, nîûndû nî mwamûre. Mûndû wa wonthe ûkaarega gûtîîa mûthenya wa thavatû nîakaaûragwa, mûndû wa wonthe ûkaaruta wîra mûthenya wa thavatû nîakaamûranua na andû akwa.

Ntha 31:16

Kwoguo njiarwa cionthe cia andû a Isiraeli nîmatûûra mamenyagîrîra mûthenya wa thavatû rûrî rûûri rwa kîrîkanîro.

Ntha 31:17

Mûthenya wa thavatû nî rûûri rwa gûtûûra tene na tene gatagatî gakwa na andû a Isiraeli, nîûndû Nie, Ngai-Mûnene naaûmbire îgûrû na nthî mîthenya îtandatû. Mûthenya wa mûgwanja nînatigire kûruta wîra na ngîvurûka.”

Ntha 34:21

“Mûkaarutaga wîra mîthenya îtandatû, nwatî mûthenya wa mûgwanja mûkîvurûka wana ethîrwa nî vîndî ya marîma kana ya maketha.

Ntha 35:2

Mûrî na mîthenya îtandatû ya kûruta wîra wenyu wonthe, nwatî mûthenya wa mûgwanja ûkethagîrwa ûrî mûthenya mûtheru wa thavatû na wa kûvurûka wamûrîrîtwe Ngai-Mûnene. Mûndû wa wonthe ûkaaruta wîra wana ûrîkû mûthenya ûcio nî akaaûragwa.

Ntha 35:3

Mûtigaakie mwaki kwenyu mîciî mûthenya wa thavatû.”

Ezek 46:1

Ngai-Mûnene nîwambîrire atîrî, “Kîvingo gîa kîvaro Kîam ndarî kîrîa kîerekerete na mwena wa îrathîro nwanginya kîthagîrwe kîrî kîvinge mîthenya yonthe îtandatû îrîa îrutagwa wîra. Nwatî kîrugûragwe mûthenya wa thavatû na vîndî ya kîrugo gîa karûngamo ka mweri.

Alawi 16:29

“Mawatho mama marûmîrîrîte nîmatûûra marûmagîrîrwa nî mue: Mûthenya wa îkûmi mwerirî wa mûgwanja andû a Isiraeli vamwe na ageni arîa matûûranagia nao nwanginya menyerekagie na matikarutage wîra wanarî ûrîkû.

Alawi 23:3

Mûrî na mîthenya îtandatû îrîa mûkaarutaga wîra, nwatî mûthenya wa mûgwanja, mûthenya wa thavatû, nî mûthenya wa kûvurûka. Mûtiagîrîrwe nî kûruta wîra mûthenya ûcio, nwatî mûgomanage vamwe nîûndû wa kûgooca. Thavatû nî yakwa, na mûkaamîmenyagîrîra mûrî wa kûrîa mûkethagîrwa mûrî.

Alawi 23:32

Mûkaamenyerera thavatû na mwînyerekagie kuuma kîvwaî Kîam mûthenya wa kenda nginya kîvwaî Kîam mûthenya wa îkûmi wa mweri wa mweri.”

Luka 13:14

Nake mûnene wa îvoero rîu nîwarakarire nîûndû Jesû nîwavonanirie mûthenya wa thavatû, kwoguo nîwerire andû atîrî, “Twagîrîrwe nî kûruta wîra mîthenya îtandatû; kwoguo ûkagani mîthenyarî îo na mûkavonua, nwatî mûtigaûkage mûthenya wa thavatû!”

Luka 23:56

Nîmaacokire makînûka, makîvarîria indo cianungaga waro na maguta maanungaga waro ma gwîtîrîria mwîrî wa Jesû. Naguo mûthenya wa thavatû wakinya nîmaanogokire wata ûrîa Watho wathanîte.

Gûco 5:12

Kûngûagîra mûthenya wa thavatû na ûwamûrage, wata ûrîa Ngai-Mûnene, Ngai waku aakwathire.

Ahib 4:9

Na njîra wata îno, nîgûtigarîtie mûthenya wa kûvurûka wa andû a Ngai, wata ûrîa Ngai aavurûkire mûthenya wa mûgwanja.