Ntha 30:9 - ÎVUKU RÎA ÛVORO MWARO

⁹ Ndûkarutîre îgûrû rîa metha îno ya kîgongoona ûbani ûtarî mûtheru, kana nyamû, irio kana wîtûrûra ndivei ya îtega îgûrû rîayo.

Ntha 30:9 ပူးပေါင်းရင်းမြစ်များ

Ntha 30:10

Aroni akaarûthaga mambura ma kûtheria metha ya kîgongoona riita rîmwe wa mwaka. Akaamîtheragia na njîra ya gwîkîra mîtî îrîa yumîrîte ya metha ya kîgongoona nthakame ya nyamû îrîa îrutîtwe nîûndû wa îgongoona rîa kûtheria mevia. Îgongoona rîu nîrîtûûra rîrutagwa riita rîmwe wa mwaka nî njiarwa ciaku cionthe. Metha îno ya kîgongoona nî ntheru viû na nî nyamûrîre Ngai-Mûnene.”

Ntha 30:8

Na vîndî îrîa agûka gwakia taa kîvwaî nwanginya avîvie ûbani. Matega mama ma kûvîvia ûbani nîmatûûra marutagwa nî njiarwa ciaku cionthe.

Alawi 10:1

Avîcî aîrî a Aroni, Nadabu na Abihu nîmoocire wa mûndû kanyûngû ga kûvîvîrua ûbani, magîkîra makara marî na mwaki kuo, magîkîra ûbani na makîrutîra Ngai-Mûnene. Nwatî mwaki ûcio ndwarî mwîtîkîrie nîûndû Ngai-Mûnene ndaathanîte arutîrwa guo.