Ntha 30:30 - ÎVUKU RÎA ÛVORO MWARO

³⁰ Ûcoke wîtîrîrie Aroni na avîcî ake maguta ûmamûre nîguo mandungatagîre marî athînjîri-Ngai.

Ntha 30:30 ပူးပေါင်းရင်းမြစ်များ

Thaburi 133:2

Nîta maguta ma goro marî kîongo, makînyîrûrûka nginya nderurî cia Aroni, makînyûrûka nginya kararî cia nguo ciake.

Ntha 28:3

Îra mavundi arîa marî wara arîa naveere ûûgî matumîre Aroni nguo, nîguo amûrwe andungatagîre arî mûthînjîri-Ngai.

Ntha 28:41

Ûgeekîra mûrwanyûkwe Aroni na avîcî ake nguo icio. Ûcoke ûmetîrîrie maguta na ûmamûre nîguo mandungatagîre marî athînjîri-Ngai.

Ntha 30:29

Ûguo nîguo ûkaamûra indo icio, nacio nîikaathera viû. Na mûndû wa wonthe kana kîndû wa kîonthe gîkaaivutia nîgîgaatuîka kîtheru.

Ntha 30:31

Na wîre andû a Isiraeli atî, ‘Maguta mama makwa nî matheru na nîmo magaatûûra matûmagîrwa nî njiarwarî ciaku cionthe vîndî ya kwamûrana.

Ntha 40:15

Ûcoke ûmamûre wata ûrîa wamûrire îthe, nîguo mandungatagîre marî athînjîri-Ngai. Wamamûra magatûûraga mandungatagîra marî athînjîri-Ngai nginya njiarwa ciao cionthe.”

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Alawi 8:12

Nîwetîrîrie Aroni maguta kîongorî gîake na akîmwamûra.

Alawi 8:30

Vuva wa ûguo, Musa nîwocire maguta mamwe marîa matheru na nthakame îmwe îrîa yarî îgûrû rîa metha ya kîgongoona na akîminjaminjîria Aroni na avîcî ake wa vamwe na nguo ciao. Ûguo nîguo aamûrire andû acio vamwe na nguo ciao.

Ndari 3:3

Nao nîmeetîrîrue maguta na makîamûrwa nîguo matungatage marî athînjîri-Ngai.