Ntha 30:23 - ÎVUKU RÎA ÛVORO MWARO

²³ “Oca mînyamû mînungi waro: kilo ithathatû cia manjî ma mûtî wa mare, kilo ithatû cia mûtî mûnungi waro wîtagwa cinamoni, kilo ithatû cia mûthanje mûnungi waro,

Ntha 30:23 ပူးပေါင်းရင်းမြစ်များ

1Atha 1:39

Makinya kuo, Zadoku mûthînjîri-Ngai nîwocire rûvîa rwa maguta rûrîa aaigîte îgemarî rîa Ngai-Mûnene na agîtîrîria Solomoni maguta. Nîmaacokire makîvuva karumbeta nao andû onthe makiugîrîria atîrî, “Mûthamaki Solomoni ûrotûûratûûra!”

1Maû 9:29

Na engî nîmaaveetwe wîra wa kûmenyerera itî, metha na indo irîa nyamûre, mûtu, ndivei, maguta, ûbani na mînyamû îrîa înungaga waro.

1Maû 9:30

Nwatî wîra wa gûtukania mînyamû îo yanungaga waro warî wa athînjîri-Ngai.

Thaburi 45:8

Nguo ciaku irî na mûtararûko wa maguta na mînyamû mînungi waro, aini a nyîmbo magûkenagia marî nyombarî ya ûthamaki îgemetue na mîguongo.

Ntha 25:6

Na mandutîre maguta ma gwakia taa, na mînyamû mînungi waro ya gwîkîrwa magutarî ma kwamûrana na ma gwîkîrwa ûbanirî,

Ntha 30:22

Ngai-Mûnene nîwacokire akîra Musa atîrî,

Ntha 30:24

na kilo ithathatû cia mûtî mûnungi waro wîtagwa Kasia, (ûithimîte cionthe na kîthimi kîrîa gîtîkanîrie), ûcoke ûitukanie na lita inya cia maguta ma mîtî ya mîtamaiyû îrîa îciaraga matunda.

Ntha 31:11

Macoke marûthe maguta ma kwamûrana, na ûbani ûrîa ûrî mûtararûko mwaro nîûndû wa vandû varîa vatheru. Makîrûtha indo icio cionthe, mageeka wata ûrîa naakwathire.”

Ntha 35:28

mînyamû mînungi waro, maguta ma taa, maguta ma kwamûrana na ma gûtukania na ûbani mûnungi waro.

Ntha 37:29

Nîwacokire akîrûtha maguta ma kwamûrana na akîrûtha ûbani mûnungi waro ûtukanîtue ta maguta manungi waro.

Nthi 7:17

Nî minjaminjîrîtie ûrîrî wakwa na mînyamû mînungi waro ya mûtî wa mare, mînyamû mînungi waro na cinamoni.

Rwîmbo rwa Nyîmbo 1:13

Mwendwa wakwa anungaga ta maguta manungi waro wa mare, rîrîa amamîte nyondorî ciakwa.

Rwîmbo rwa Nyîmbo 1:3

Maguta marîa wîvakîte maranunga waro mûno, narîo rîîtwa rîaku nîta maguta manungi waro metûrûrîtwe. Kwoguo erîtu onthe nîmakwendete.

Rwîmbo rwa Nyîmbo 4:14

nadi na safuroni, kalamusi na cinamoni, na mîtî yonthe ya ûbani mûnungi waro, mînyamû mînungi waro wa mare na kîthûnjû, na mînyamû yonthe ya maguta manungi waro.

Isaia 43:24

We ndwangûrîra ûbani, kana ûmvaithia na nyama irîa noru cia magongoona maku. Vandû va ûguo we nîûnditûvîrîte na mevia maku, nîûnogetie na mavîtia marîa wîkîte.

Jeremia 6:20

Mandetagîra ûbani wakî kuuma Sheba, kana mînyamû mînungi waro kuuma vûrûri wa kûraca? Matega menyu ma kûvîvua matingîtîkîrîka, kana ngenua nî magongoona menyu.”

Ezek 27:19

Dani na Javani nîmaaretaga indo ciaku cia kwendia kuuma Uzali, na cuuma na magaikûranania na indo kuuma gwaku.

Ezek 27:22

Endia na agûri indo kuuma Sheba na Rama nîmaakûrananagia indo nawe. Nîmaakûretagîra indo cionthe irîa ciarî mbaro mûno cia mînyamû îrîa mînungi waro, mathiga monthe ma goro na thaavu.

Ndari 4:16

“Eliazaru mûvîcî wa mûthînjîri-Ngai Aroni nîke ûkaamenyagîrîra îgema rîa gûcemanîrua rîonthe, maguta ma taa, ûbani, matega ma irio cia mîgûnda, maguta ma kûrathimana na kîndû kîngî wa kîonthe Kîam îgema rîa gûcemanîrua kîrîa Kîammûrîrîtwe Ngai-Mûnene.”

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî: