Ntha 30:1 - ÎVUKU RÎA ÛVORO MWARO

¹ Ngai-Mûnene nîwerire Musa atîrî, “Ndumîra metha ya kîgongoona ya mûtî wa mûgaa ya kûvîvîria ûbani.

Ntha 30:1 ပူးပေါင်းရင်းမြစ်များ

1Atha 6:20

Kanyomba kau ka ndaarî kaarî na ûraca wa mita kenda, wariî wa mita kenda, na ûraca na îgûrû wa mita kenda. Kaavakîtwe thaavu kûndû kuonthe. Nayo metha ya kîgongoona yatumîtwe na mbaû cia mîtarakwe.

1Atha 6:22

Ndaarî ya hekarû kuonthe kwavakîtwe thaavu wana metha ya kîgongoona îrîa yarî vandû varîa vatheru Mûno ciavakîtwe thaavu.

1Atha 7:48

Solomoni nîwarûthire indo cionthe irîa ciarî hekarûrî na thaavu, nacio ciarî: metha ya kîgongoona, metha îrîa yaigagîrîrwa mîgate îrîa yarutagîrwa Ngai-Mûnene,

1Maû 28:18

mwîgana wa thaavu ntheri nîûndû wa metha ya kîgongoona ya kûvîvîrua ûbani. Nîwanengere Solomoni mûvuanano wa gîkaari Kîam mbarathi kîrûthîtwe na thaavu Kîam Akerubi arîa maambararîtie mathagu mao magakunîkîra îthandûkû rîa kîrîkanîro Kîam Ngai-Mûnene.

1Maû 6:49

Aroni na njiarwa ciake nîmaarutaga magongoona ma kûvîvua metharî ya kîgongoona na nîmaavîvagia ûbani metharî ya kîgongoona. Nîo maarutaga mawîra monthe ma vandû varîa vatheru Mûno. Nîmaarutaga magongoona nîguo andû a Isiraeli mathengutîrue mevia mao kûringana na ûrîa Musa ndungata ya Ngai aathanîte.

2Maû 26:16

Rîrîa mûthamaki Uzia aagîre vinya, nîwambîrîrie gwîtîîa. Mwîtîîo ûcio wake nîwatûmire acûkangue nîûndû nîwaregire kwathîkîra Ngai-Mûnene, Ngai wake na nîwathiîre hekarûrî kûvîvia ûbani metharî ya kîgongoona ya kûvîvîria ûbani.

Ntha 30:10

Aroni akaarûthaga mambura ma kûtheria metha ya kîgongoona riita rîmwe wa mwaka. Akaamîtheragia na njîra ya gwîkîra mîtî îrîa yumîrîte ya metha ya kîgongoona nthakame ya nyamû îrîa îrutîtwe nîûndû wa îgongoona rîa kûtheria mevia. Îgongoona rîu nîrîtûûra rîrutagwa riita rîmwe wa mwaka nî njiarwa ciaku cionthe. Metha îno ya kîgongoona nî ntheru viû na nî nyamûrîre Ngai-Mûnene.”

Ntha 30:2

Metha ya kîgongoona îthîrwe îgananîte mîena yonthe. Ûraca wayo wîthîrwe ûrî wa cendimita mîrongo îna na ithano na wariî wa cendimita mîrongo îna na ithano. Ûraca wayo na îgûrû wîthîrwe ûrî wa cendimita mîrongo kenda. Îgûrû rîayo yumue mîtî yumîrîte ta mvîa mîthiiarî. Mîtî îo îthîrwe înyitanîte na metha ya kîgongoona.

Ntha 31:8

metha na indo ciayo, vandû va kwigîrîrwa taa varûthîtwe na thaavu ntheri na indo ciavo cionthe, metha ya kîgongoona ya kûvîvîria ûbani,

Ntha 35:15

na metha ya kîgongoona ya kûvîvîria ûbani na mîtî yayo, maguta ma kwamûrana, na ûbani ûrîa mûnungi waro, na gîtambaa Kîam mûrangorî wa îgema.

Ntha 39:38

Nîmaaretire metha ya kîgongoona ya thaavu, maguta ma kwamûrana, ûbani mûnungi waro, gîtambaa Kîam mûromo wa îgema,

Ntha 40:5

Ûkaaiga metha ya thaavu ya kîgongoona ya kûvîvîrua ûbani mbere ya îthandûkû rîa kîrîkanîro, na ûcurie gîtambaa gîa kûvinga mûromo wa gûtonya îgemarî.

Ezek 41:22

metha ya kîgongoona ya mbaû. Metha îo ya kîgongoona yarî ya ûraca na îgûrû wa mita îmwe na nuthu (1.5) na wariî wa mita îmwe (1). Itugî cia yo cia mwena, nthî ya yo na mîena ya yo ciarûthîtwe na mbaû. Mûndû ûcio nîwambîrire atîrî, “Îno nîyo metha îrîa îkaraga mbere ya Ngai-Mûnene.”

Alawi 4:18

Nî ageekîra nthakame îmwe mîenarî ya metha ya kîgongoona îrîa yumîrîte ta mvîa, îrîa îrî ndaarî ya îgema rîa Ngai-Mûnene. Nayo nthakame îo îngî amîtûrûre nthî ya metha ya kîgongoona îrîa îvîvagîrua matega, îrîa îrî vau mûromorî wa îgema rîa Ngai-Mûnene.

Alawi 4:7

Mûthînjîri-Ngai nîagooca nthakame îmwe na amîvake mîenarî ya metha ya kîgongoona îrîa yumîrîte ta mvîa, ya kûvîvîria ûbani îrîa îrî îgemarî rîa Ngai-Mûnene. Nî agaacoka etûrûre nthakame îo îngî ya ndegwa vau nthî ya metha ya kîgongoona îrîa îvîvagîrua matega îrîa îrî vau mûromorî wa îgema rîa Ngai-Mûnene.

Ndari 3:31

Wîra wao warî wa kûmenyerera îthandûkû rîa kîrîkanîro, metha, vandû va kwigîrîrwa taa, metha cia magongoona, indo cia vandû varîa vamûre irîa itûmagîrwa nî athînjîri-Ngai magîtungata, na gîtambaa gîa kûgaania vandû varîa vatheru Mûno. Acio nîo moonaga atî indo icio nîciaruta wîra wonthe wacio.

Ndari 4:11

“Nîmagacoka mare gîtambaa Kîam rangi wa vururu îgûrû rîa metha ya kîgongoona ya thaavu na mamîkunîkîre na rûûo rwa mbûri, na macinîke mîtî ya gûkuua metha îo.

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.

Kûguû 8:3

Mûraika wîngî nîwaûkire na akîrûngama metharî ya kûrutîra kîgongoona, anyitîte kavakûri ka thaavu ga kûvîvîria ûbani. Nake nîwanengerwe ûbani mwîngî mûno nîguo aûrutanîrie vamwe na mavoya ma andû onthe a Ngai. Nake mûraika ûcio nîwaigîrîre maruta mau metharî ya kûrutîra kîgongoona ya thaavu îrîa yarî vau mbere ya gîtî Kîam ûthamaki.