Ntha 3:6 - ÎVUKU RÎA ÛVORO MWARO

⁶ Nie nînie Ngai wa methe menyu ma tene, Ngai wa Iburahimu, Isaka na Jakovu.” Nake Musa nîwakunîkire ûthiû wake nîûndû nîwetigagîra kûroria Ngai.

Ntha 3:6 ပူးပေါင်းရင်းမြစ်များ

Kîam 12:1

Ngai-Mûnene nîwerire Aburamu atîrî, “Uma vûrûri ûyû wenyu, ûtige andû enyu, mûciî wa aguo, na ûthiî vûrûri ûrîa ngaakwonia.

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 17:3

Aburamu nîwakuamîrîrie na agîturumithia ûthiû wake nthî. Nake Ngai nîwamwîrire atîrî,

Kîam 24:12

Ndungata îo nîyavoire atîrî, “Ngai-Mûnene, Ngai wa Mwathi wakwa Iburahimu, onania ûvootani waku ûmûnthî na wonanie wendo ûtathiraga kûrî Mwathi wakwa Iburahimu.

Kîam 26:24

Ûtukû ûcio Ngai-Mûnene nîwaumîrîre Isaka akîmwîra atîrî, “Nînie Ngai wa aguo Iburahimu. Ndûgetigîre nîûndû nîrî vamwe nawe. Nîngaakûrathima na ndûme njiarwa ciaku ithegee nîûndû nînarîkanîre na ndungata yakwa Iburahimu.”

Kîam 28:13

Nake Ngai-Mûnene nîwarûngamaga vakuvî nake akamwîra atîrî, “Nînie Ngai-Mûnene, Ngai wa Iburahimu na Isaka. We wa vamwe na njiarwa ciaku, nîngaamûva vûrûri ûyû ûmamîte.

Kîam 28:17

Jakovu nîwegwire guoya na akiuga atîrî, “Kaî kûndû gûkû nîgwakûmakania-î! Nwanginya îno îthîrwe nî nyomba ya Ngai, na nî kîvingo gîa gûtonya îgûrû.”

Kîam 31:42

Tiga nî ûrîa Ngai wa methe makwa ûrîa arî ke Ngai wa Iburahimu na Isaka ethîrîtwe arî vamwe nanie ûngîamîngatire ndarî kîndû. Nwatî Ngai nîwonire mathîna makwa na wîra ûrîa ndutîte na nîkîo kîratûmire agûkaanie ûtukû.”

Kîam 32:9

Jakovu nîwavoire atîrî, “Ngai wa methe makwa Iburahimu, na Isaka; we Ngai-Mûnene wambîrire njoke vûrûrirî wetû na kûrî andû etû, na atî nîûgaatûma maûndû makwa matuîke maro.

1Atha 18:36

Rîrîa îthaa rîa kûruta matega ma kîvwaî rîakinyire, mûrathi Elija nîwakuvîvîrie metha ya kîgongoona na akîvoya atîrî, “We Ngai-Mûnene, Ngai wa Iburahimu, Isaka, na Jakovu, onania ûmûnthî atî we nîwe Ngai wa Isiraeli na atî nie nîrî ndungata yaku na mbîkîte maûndû mama monthe na watho waku.

1Atha 19:13

Rîrîa Elija eegwire kamûgambo kau, nîwekunîkire ûthiû wake na nguo yake na akiuma akîrûngama mûromorî wa ngurunga. Na wa rîmwe nîwegwire mûgambo ûkîmûria atîrî, “Elija, ûreka atîa ava?”

Nehemia 9:9

“Nîwonire ûrîa methe metû ma tene maathînîkire marî Misiri; nîwegwire magîgûkaîra marî îriarî îtune nîguo ûmatethie.

Esita 3:4

Mûthenya wa mûthenya ndungata icio nîciaririe na Moridekai ikîmûringîrîria gûturîria Hamani maru nwatî nîwaregire kûmathikîrîria na akîmera atîrî, “Nie nî Mûyahudi na ndingîturîria Hamani maru.” Kwoguo andû acio nîmerire Hamani ûvoro wa Moridekai nîguo mone ûrîa angîka.

Thaburi 132:2

Ndûkariganîrwe nî ûrîa evîtire kûrî Ngai-Mûnene, ûrîa evîtire kûrî Mwene vinya Ngai wa Jakovu atî:

Ntha 15:2

Ngai-Mûnene nîke mûngitîri ûrîa ûrî vinya, nîke ûmvonoketie. Nîke Ngai wakwa, na ngaamûkumagia, Ngai wa vava, na ngaainaga ngîgwetaga ûnene wake.

Ntha 29:45

Nîngaatûûra gatagatîrî ka andû a Isiraeli na nduîke Ngai wao.

Ntha 3:16

Thiî ûnganie atongoria onthe a andû a Isiraeli vamwe na ûmere atî, Ngai-Mûnene, Ngai wa methe menyu, Ngai wa Iburahimu, Isaka na Jakovu nî arakuumîrîre. Meere nîmonete ûrîa andû a Misiri marameka,

Ntha 33:20

Nwatî ndigeetîkîra wone ûthiû wakwa, nîûndû gûtirî mûndû ûngîmona na atûûre mwoyo.

Ntha 4:5

Ngai-Mûnene nîwacokire akîra Musa atîrî, “Thiî wîke ûguo kûrî andû a Isiraeli nîguo mamenye atî Ngai-Mûnene na nîke Ngai wa methe mao ma tene, Ngai wa Iburahimu, Isaka na Jakovu nîakumîrîrîte.”

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 31:33

Nwatî vuva wa mîthenya îo, gîkî nîkîo kîrîkanîro kîrîa ngarûtha na andû a Isiraeli. Nîngaiga watho wakwa ndarî yao na nîwandîke ngororî ciao. Nîngatuîka Ngai wao nao matuîke andû akwa.

Jeremia 32:38

Nao nîmagaatuîka andû akwa, nanie nduîke Ngai wao.

Ezek 11:20

Nîmûgaacoka kûrûmîrîra mawatho makwa na mwathîkagîre irîra ciakwa. Nanie nîngaatuîka Ngai wao, nao nîmagaatuîka andû akwa.

Zakaria 8:8

na nîmacokie matûûrage Jerusalemu marî na thayû. Nîmagaatuîka andû akwa nanie nduîke Ngai wao nîmathage na njîra ya ma na ya wîvokeku.”

Mathaayo 17:6

Rîrîa arutwa acio athatû megwire mûgambo ûcio, nîmaamakire mûno na magîturumithia mothiû mao nthî.

Mathaayo 22:32

‘Nie nînie Ngai wa Iburahimu, Ngai wa Isaka na Ngai wa Jakovu.’ Ke nî Ngai wa arîa marî mwoyo tî Ngai wa arîa akuû.”

Maariko 12:26

Naguo ûvoro wîgiî kûriûkua gwa akuû-î, anga mûtiathoma îvukuurî rîa Musa gîcunjî kîrîa kîgiî kîvînga kîrîa gîaakanaga mwaki? Gîcunjîrî kîu kwandîkîtwe ûrîa Ngai aarîrie Musa akîmwîra atîrî, ‘Nie nînie Ngai wa Iburahimu, Ngai wa Isaka, na Ngai wa Jakovu.’

Luka 20:37

Wana nginya Musa ke mwene nîwonanîtie na ma atî akuû nîmariûkagua gîcunjîrî kîrîa kîgiî kîvînga kîrîa gîaakanaga mwaki, rîrîa eetire Mwathani, ‘Ngai wa Iburahimu, Ngai wa Isaka, na Ngai wa Jakovu.’

Luka 5:8

Nake Simoni Petero ona ûguo, nîwaturîrie Jesû maru na akîmwîra atîrî, “Nthengutîra Mwathani nîûndû nie nîrî mûndû mwîvia!”

Ciîko 7:32

‘Nie nînie Ngai wa methe menyu ma tene, Ngai wa Iburahimu, Isaka na Jakovu.’ Nake Musa nîwambîrîrie kwinaina na akîgua guoya wa kûroria.

Ciîko 7:34

Nie nîmonete ûrîa andû akwa arîa marî Misiri marathînua na vinya. Nîmbîguîte kîrîro Kîamo na nie nînanyûrûrûka nîguo nîmavonokie. Kwoguo ûka rîu, nie nîngûgûtûma Misiri.’

Gûco 6:3

Kwoguo mue andû a Isiraeli, thikîrîriani maathani mau na mûmathîkîre na kinyi! Mweka ûguo maûndû menyu nîmakûvua na mwongerereke mwîngîve mûno na mûtûûre vûrûrirî ûcio mûnoru, ûrî îriia na ûûkî wata ûrîa Ngai-Mûnene, Ngai wa methe menyu aamwîrîîre.

Ahib 11:16

Vandû va ûguo, meeriragîria vûrûri mwaro, vûrûri wa îgûrû. Na nîûndû wa ûguo, Ngai ndangîconoka nî o makîmwîta Ngai wao, nîûndû ke nîamathondekerete îtûûra rînene kûu îgûrû.

Ahib 12:21

Ûrîa andû moonire nîwatûmire manyitwe nî guoya mûno, nake Musa nîwaugire atîrî, “Nînîrainaina na ngetigîra!”

Kûguû 1:17

Rîrîa namwonire, nînegwîthirie nthî mbere yake ta mûndû mûkuû. Nwatî mûndû ûcio nîwakûnjûrire njara yake akîmbigîrîra na akîmbîra atîrî, “Ndûgetigîre! Nie nî nie wa mbere na wa mûthiia.

Atir 13:22

Manoa nîwacokire akîra mûka atîrî, “Na ma nîtûgûkua nîûndû nîtwonete Ngai.”