Ntha 3:20 - ÎVUKU RÎA ÛVORO MWARO

²⁰ Nwatî nîngaavûthîra vinya wakwa nîguo mverithie Misiri na njîra ya gwîka maûndû ma kûmakania. Vuva wa gwîka ûguo nîmakaamûrekereria mûthiî.

Ntha 3:20 ပူးပေါင်းရင်းမြစ်များ

Kîam 15:14

Nwatî nie nîngaaverithia mavûrûri marîa makaamatua ngombo. Makiuma vûrûrirî ûcio mûgeni, nîmagaakuua ûtonga mwîngî.

Nehemia 9:10

Nîwaringire ciama cia magegania cia kûregana na ûthamaki wa Misiri, atongoria ake onthe na andû onthe a vûrûri wake, nîûndû nîwamenyete ûrîa maavinyîrîrie methe metû ma tene. Nîwagîre na îgweta wata ûrîa kûrî ûmûnthî.

Thaburi 105:27

Nîmaaringire ciama cia Ngai gatagatîrî ka andû a Misiri, na makîringa ciama kûu vûrûrirî wa Hamu.

Thaburi 105:38

Andû a Misiri nîmaakenire rîrîa andû a Isiraeli maathiîre, nîûndû nîmaametigagîra.

Thaburi 106:22

Nîwekire maûndû ma magegania vûrûrirî wa Misiri, na maûndû ma kûmakania îriarî Îtune.

Ntha 11:1

Ngai-Mûnene nîwerire Musa atîrî, “Nie nîngûtûma îvera rîngî rîmwe kûrî mûthamaki wa Misiri na andû ake. Vuva wa ûguo nîakaamûrekereria mûthiî. Rîrîa akaamwîra mûthiî nî akaamûvinyûria muonthe muume kuo viû.

Ntha 12:39

Maaumire Misiri na îvenya matarugîte mîgate. Nwatî nîmaakuire mûtu ûtarî mwîkîre ndawa ya kwimbia. Mûtu ûcio nîmaaûrugire mîgate.

Ntha 13:3

Nake Musa nîwerire andû a Isiraeli atîrî, “Ririkanagani mûthenya ûyû. Ûyû nî mûthenya ûrîa Ngai-Mûnene aamûrutire Misiri na njîra ya vinya wake kûrîa mwatûûraga mûrî ngombo. Mûthenya ûyû mûtikaarîe mîgate îkîrîtwe ndawa ya kwimbia.

Ntha 13:9

Ûndû ûyû nûkeethagîrwa ûrî kîririkania ta kîndû kîovereretwe njararî cienyu kana mothiûrî menyu atî vîndî cionthe mûthomage watho wa Ngai-Mûnene. Nîûndû Ngai-Mûnene aamûrutire Misiri na vinya wake mûnene.

Ntha 15:11

Ngai-Mûnene, nî ngai îrîkû gatagatî ka ngai îkariî tawe? Nî ûrîkû wîkariî tawe, we ûrî ûthingu wa magegania? Nî ûrîkû ûngîringa ciama na ciîko cia vinya ta ciaku?

Ntha 15:6

Njara yaku ya ûrîo we Ngai-Mûnene îrî riiri na îrî vinya; njara yaku ya ûrîo we Ngai-Mûnene yunangaga nthû tûcunjî tûcunjî.

Ntha 4:21

Ngai-Mûnene nîwerire Musa rîngî atîrî, “Wona wacoka Misiri, ûkaaringa ciama cionthe irîa nie ngûvete vinya ûringe mbere ya mûthamaki. Nwatî Nîngaaûmia ngoro ya mûthamaki na ndageetîkîra andû a Isiraeli mathiî.

Ntha 6:1

Nwatî Ngai-Mûnene nîwerire Musa atîrî, “Rîu nîûkwona ûrîa ngwîka mûthamaki wa Misiri. Nîûndû wa ûvoti wakwa nîakûrekereria andû akwa mathiî. Nîngûtûma amarutûrûre vûrûrirî wake na vinya.”

Ntha 6:6

Kwoguo îra andû a Isiraeli nie nîramera atî, ‘Nie nî Nie Ngai-Mûnene. Nie nîngûmûvonokia na nîmûrekererie muume ûkomborî wa andû a Misiri. Nîngeka ûndû mûnene na vinya wakwa nîguo ndetere andû a Misiri îvera, na nîngaamûvonokia.

Ntha 9:15

Nîûndû kethîrwa nînatambûrûkirie njara nîguo ngûverithie vamwe na andû aku, nîngîamûcûkangirie na mûrimû mûkîthira viû.

Isaia 19:22

Ngai-Mûnene nîakaaverithia andû a Misiri, acoke amavonie; nao nîmakaamûcokerera nake nîakegua mathaithana mao na amavonie.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Ezek 20:33

Ngai-Mûnene arauga atîrî, “Wata ûrîa ndûûraga mwoyo, nîngaamwatha na vinya, na ûvoti wakwa wonthe nîrî na marakara.

Mika 7:15

Twonie maûndû ma magegania, ta marîa twonire rîrîa twaumaga Misiri.

Ciîko 7:36

Musa nîwatongoririe andû a Isiraeli akîmaruta Misiri. Nake nîwaringaga ciama na ageeka maûndû ma magegania kûu Misiri, Îriarî Îtune wana werûrî kwa îvinda rîa mîaka mîrongo îna.

Gûco 4:34

Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.

Gûco 6:22

Nîtwonire Ngai-Mûnene akîringa ciama na agîka maûndû ma kûmakania na ma kûgegania kûrî andû a Misiri, mûthamaki na atongoria ake onthe.

Atir 6:8

Ngai-Mûnene nîwamatûmîre mûrathi ameere atîrî, “Ngai-Mûnene, Ngai wa Isiraeli arauga atîrî, ‘Nînie naamûrutire ûkomborî vûrûrirî wa Misiri.

Atir 8:16

Gideoni nîwacokire agîoca mîgua ya werûrî na nthaugû na akîverithia atongoria acio a Sukothu na mînyamû îo.