Ntha 3:17 - ÎVUKU RÎA ÛVORO MWARO

¹⁷ na nînduîte atî nîngûmaruta vûrûri wa Misiri kûu matûûraga na mathîna nîmavire vûrûri wîcûrîte ûûkî na îria. Vûrûri ûcio nîguo ûtûûragwa nî andû Akanaani, Ahiti, Amori, Aperizi, Ahivi na Ajebusi.

Ntha 3:17 ပူးပေါင်းရင်းမြစ်များ

Kîam 46:4

Nîngaathiî vamwe nawe Misiri, na nîngaagûcokia gûkû Kanaani vamwe na njiarwa ciaku. Josefu nîakethîrwa arî vamwe nawe ûgîkua.”

Kîam 50:24

Josefu nîwerire aa mûrwang'ina atîrî, “Nîrî vakuvî gûkua. Nwatî gûtirî nganja Ngai nîakaamûtongoria amûrute vûrûrirî ûyû amûvire vûrûrirî ûrîa erîre Iburahimu, Isaka na Jakovu.”

Kîam 50:25

Josefu nîwacokire akîra andû ake mevîte atîrî, “Rîrîa Ngai akaamûtongoria amûvire vûrûrirî ûcio, nîmûgaakuua mavîndî ma mwîrî wakwa mûthiî namo.”

1Maû 1:15

Ahivi, Aariki, Asini,

Thaburi 102:21

Kwoguo andû nîmakaanîrîra rîîtwa rîa Ngai-Mûnene Zayuni, ngumo yake nîkaanîrîrwa kûu Jerusalemu,

Ntha 13:5

Ngai-Mûnene nîwerîre methe menyu ma tene na akîîvîta atî nîakaamûva vûrûri wa Akanaani, na wa Ahiti na wa Amori, na wa Ahivi, na wa Ajebusi. Vûrûri ûcio wîcûrîte ûkî na îria. Mwakinya kuo, mweri wa mbere wa Abibu wa mwaka wa mwaka nwanginya mûgakûngûagîra kîrugo gîkî.

Ntha 32:34

Rîu thiî ûgatongorie andû mathiî kûrîa naakwîrire. Ririkana, mûraika wakwa nîakaamûtongoria, nwatî kavinda nîgagaakinya rîrîa ngaaûka kûverithia andû aya nîûndû wa mevia mao.”

Ntha 33:3

Nîmûthiî vûrûri ûrî na îriia na ûkî. Nwatî nie tîtûthiîcania namue, nîûndû mûrî andû aremi na navota kûmûthiria mûrî njîrarî.”

Ntha 6:6

Kwoguo îra andû a Isiraeli nie nîramera atî, ‘Nie nî Nie Ngai-Mûnene. Nie nîngûmûvonokia na nîmûrekererie muume ûkomborî wa andû a Misiri. Nîngeka ûndû mûnene na vinya wakwa nîguo ndetere andû a Misiri îvera, na nîngaamûvonokia.

Jeremia 11:5

Nanie nîngavingia maûndû marîa neranîre kûrî methe menyu na mwîvîtwa, atî nîngaamava vûrûri ûrî na îriia na ûûkî, (ûrîa marî naguo rîu).” Nînacokire ngiuga atîrî, “Ngai-Mûnene, kûrotuîka guo.”

Jeremia 32:22

Nîwamavere vûrûri ûrîa wamerîre. Vûrûri ûrîa werîre methe metû, vûrûri ûrî îriia na ûûkî.

Ezek 20:6

Mûthenya ûcio nînevîtire nîrî mbere yao ngiuga atî nîngaamaruta vûrûri wa Misiri nîmavire vûrûrirî ûrîa naamacarîrie, vûrûri mûnoru na ûrî îriia na ûûkî mwîngî, vûrûri mwaro gûkîra mavûrûri monthe.

Alawi 20:24

Nwatî nînîmwîrîrîte atî, nîngaamûva vûrûri wao mûûgae ûtuîke wenyu, vûrûri ûrî îriia na ûûkî. Nie nînie Ngai-Mûnene, Ngai wenyu na nîmûthuurîte kuuma gatagatî ka ndûrîrî irîa ciîngî.

Ndari 13:27

Athigani acio nîmeerire Musa atîrî, “Nîtûratuîririe vûrûri ûcio twona ûrî na îriia rîîngî na ûûkî, na mama nî matunda mamwe ma vûrûri ûcio.

Gûco 26:9

Ngai-Mûnene nîwatûretire vûrûrirî ûyû wîcûrîte îriia na ûûkî.

Gûco 6:3

Kwoguo mue andû a Isiraeli, thikîrîriani maathani mau na mûmathîkîre na kinyi! Mweka ûguo maûndû menyu nîmakûvua na mwongerereke mwîngîve mûno na mûtûûre vûrûrirî ûcio mûnoru, ûrî îriia na ûûkî wata ûrîa Ngai-Mûnene, Ngai wa methe menyu aamwîrîîre.

Josh 24:11

Nîmwaringire rûnjî rwa Jorodani na mûgîkinya Jeriko. Nao andû a Jeriko na Amori, Aperizi, Akanaani, Ahiti, Agirigashi, Ahivi na Ajebusi nîmaarûire namue. Nwatî nînaamûvotithirie kûmavoota onthe.

Josh 5:6

Andû a Isiraeli nîmaathiîre îvinda rîa mîaka mîrongo îna marî werûrî na arûme arîa maarî na ûkûrû wa kûthiî mbaararî nîmaakuîrîre werûrî marega kwathîkîra Ngai-Mûnene. Nake Ngai-Mûnene nîwevîtîte nîûndû wao akiuga ndageetîkîra makinya vûrûri ûrîa eerîre methe mao atî nî akaamava vûrûri mûnoru ûrî îria na ûûkî.

Josh 9:1

Ûvootani wa andû a Isiraeli nîwamenyirwe nî athamaki onthe arîa maarî mwena wa îthûîro wa Jorodani, mavûrûri marîa maarî irîmarî, ciandarî na arîa maarî rûtererî rwa îria rîa Mediterania nginya mwena wa rûgûrû wa Lebanoni. Acio onthe maarî: mûthamaki wa Ahiti, Amori, Akanaani, Aperizi, Ahivi na wa Jebusi.