Ntha 3:12 - ÎVUKU RÎA ÛVORO MWARO

¹² Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Ntha 3:12 ပူးပေါင်းရင်းမြစ်များ

Kîam 15:1

Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”

Kîam 15:8

Nwatî Aburamu nîwaûririe atîrî, “Ngai-Mûnene Ngai, nie nîngîmenya atîa atî vûrûri ûcio ûkeethîrwa ûrî wakwa?”

Kîam 26:3

Tûûra vûrûrirî ûyû na ngethagîrwa nîrî vamwe nawe na nîngaakûrathima. Nîngaakûva vûrûri ûyû wonthe, we na njiarwa ciaku, na nîngaavingia kîîranîro gîakwa kîrîa neerîre Iburahimu na mwîvîtwa.

Kîam 31:3

Ngai-Mûnene nîwerire Jakovu atîrî, “Coka vûrûrirî wa methe maku ma tene, na kûrî andû enyu na ngethagîrwa nîrî vamwe nawe.”

2Atha 19:29

Isaia nîwacokire akîra mûthamaki Hezekia atîrî, “Ûndû ûrîa ûgaakûmenyithia ûrîa gûgeekara nî atî, mwaka ûyû na ûcio wîngî, ûkaarîcaga irio imerete na igakûra cio mene, naguo mwaka wa kathatû kuuma rîu, nîûkaavanda ngano ciaku na ûkethe, na ûvande mîthavibu na ûrîe thavibu ciayo.

1Maû 9:20

Mbererî Finehasi mûvîcî wa Eleazaru nîke warî mûnene wa arangîri a ivingo. Nake Ngai-Mûnene nîwamûtethagia.

Thaburi 86:17

Îka ûndû wa kûmonia wega waku we Ngai-Mûnene, nîguo arîa manthûrîte mone na maconoke, nîûndû we, Ngai-Mûnene nîûndethetie na ûkanyûmîrîria.

Ntha 18:5

Jethiro nîwathiîre werûrî arî na mûka wa Musa na anake a Musa aîrî kûrîa aambîte îgema kîrîmarî Kîam Ngai.

Ntha 3:1

Mûthenya ûmwe Musa akîrîthia ndîthia ya mûthoniwe Jethiro, mûthînjîri-Ngai wa Midiani, nîwavirire mbûri ikîranîrîtie werûrî na igîkinya kîrîmarî gîa Sinai. Kîrîma gîa Sinai Kîamrî kîrîma kîtheru.

Ntha 3:13

Nake Musa nîwerire Ngai atîrî; “Nîngîthiî kûrî andû a Isiraeli nîmere, ‘Ngai wa methe menyu ma tene nîke ûndûmîte kûrî mue’, na mambûrie, ‘Ke etagwa atîa?’ Ngaameera atîa?”

Ntha 33:14

Nake Ngai-Mûnene nîwamûcokerie atîrî, “Nîmbîthîrwa nawe, na ngaatûma ûgîe na thayû.”

Ntha 4:12

Thiî rîu! Nîngaagûtethia kwaria na nîngaakwîra ûrîa ûkaauga.”

Ntha 4:15

Aria nake na ûmwîre ûrîa akauga. Nîngaamûtethia muorî kwaria na nîngaamwîra ûrîa mûgeeka.

Ntha 8:27

Tue nwanginya tûthiî rûgendo rwa mîthenya îthatû werûrî nîguo tûkarutîre Ngai-Mûnene, Ngai wetû îgongoona ta ûrîa ke aatwathire.”

Isaia 37:30

Isaia nîwacokire akîra Mûthamaki Hezekia atîrî, “Ûndû ûrîa ûgaakûmenyithia maûndû mama nî ûyû: Mwaka ûyû na mwaka mûku mûkaarîcaga kîrîa kîîmeretie kîo kîene; naguo mwaka wa kathatû nîmûkaavanda na mûkethe maciaro; mûkaavanda mîthavibu na mûrîe matunda mayo.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Jeremia 1:8

Ndûkametigîre nîûndû ngethagîrwa nîrî vamwe nawe nîguo ngûgitagîre, ûguo nîguo Ngai-Mûnene augîte.”

Ndari 16:28

Musa nîwacokire akîmeera atîrî, “Ûndû ûyû nîguo ûkaamûmenyithia atî nî Ngai-Mûnene wandûmire mbîke maûndû mama monthe, na atî tînie nathuurire kûmeka.

Ndari 23:21

Gûtirî ûndû mûcûku Ngai-Mûnene onete kûrî andû a Jakovu. Gûtirî îvîtia onete kûrî andû a Isiraeli. Ngai-Mûnene, Ngai wao arî vamwe nao, maugaga atî nîke mûthamaki wao.

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Maariko 16:20

Nao arutwa nîmaathiîre na makîvunjia ûvoro mwaro kûndû kuonthe. Nake Mwathani nîwethagîrwa arî vamwe nao na agekagîra ndûmîrîri yao vinya na njîra ya ciama irîa ciaringagwa.] [

Ciîko 11:21

Nao etîkia acio maarî na vinya wa Mwathani na andû gîkundi kînene magîtîkia na makîrûmîrîra Mwathani.

Ciîko 7:7

Nwatî nie nîngaatuîra andû a vûrûri ûrîa njiarwa icio ûgaatungatîra. Na vuva wa ûguo njiarwa ciaku nîikaauma vûrûrirî ûcio na ingoocage irî gûkû.’

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Gûco 31:23

Nake Ngai-Mûnene nîwacokire akîatha Joshua mûvîcî wa Nuni akîmwîra atîrî, “Gîa na vinya na ûmîrîrie, nîûndû nîwe ûgûtongoria andû a Isiraeli mathiî vûrûrirî ûrîa namerîre na mwîvîtwa atî nîngaamava, na ngethagîrwa nîrî vamwe nawe.”

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Atir 6:12

Mûraika wa Ngai-Mûnene nîwamumîrîre arî vau na akîmwîra atîrî, “Ngai-Mûnene arî nawe, njamba îno îrî vinya.”

Atir 6:16

Nake Ngai-Mûnene nîwamûcokerie atîrî, “Nîûgwîka guo nîûndû ngethîrwa nîrî vamwe nawe. Ûgacûkangia andû a Midiani takwa marî mûndû ûmwe.”

Atir 6:17

Gideoni nîwacokirie atîrî, “Ethîrwa nîrî mwîtîkîrîku mbere yaku, monia rûûri rwa kûmenyithia atî nîwe ûraria.

Atir 6:21

Mûraika wa Ngai-Mûnene nîwacokire akîvutia nyama na mîgate îo na mûthiia wa mûragi ûcio aanyitîte na njara. Naguo mwaki nîwaumire îthigarî rîu na ûkîvîvia nyama na mîgate îo îtaarî mîkîre ndawa ya kwimbia; Mûraika wa Ngai-Mûnene nîwacokire akîûrîra.

Atir 7:11

na nîûkwîgua ûrîa andû acio marî kuo marauga. Vuva wa ûguo nîûkûmîrîria na ûvote kûtharîkîra andû acio.” Kwoguo Gideoni na ndungata yake Pura nîmaanyûrûrûkire na magîkinya kûrî Amidiani arîa maarî na indo cia mbaara.

1Sam 14:10

Nwatî o mangîtwîre tunûkie rûrî rûûri rwa gûtwonia atî Ngai-Mûnene nîatûvotithîtie kûmavoota; tue nîtûkunûkia.”