Ntha 3:1 - ÎVUKU RÎA ÛVORO MWARO

¹ Mûthenya ûmwe Musa akîrîthia ndîthia ya mûthoniwe Jethiro, mûthînjîri-Ngai wa Midiani, nîwavirire mbûri ikîranîrîtie werûrî na igîkinya kîrîmarî gîa Sinai. Kîrîma gîa Sinai Kîamrî kîrîma kîtheru.

Ntha 3:1 ပူးပေါင်းရင်းမြစ်များ

1Atha 19:19

Elija nîwaumire vau, akîthiî na akîthîrîria Elisha mûvîcî wa Shefati akîrîma na ikundi îkûmi na igîrî cia ndegwa; ikundi îkûmi na kîmwe ciarî mbere yake, nwatî ke mwene aarîmaga na gîkundi gîa îkûmi na igîrî. Elija nîwavîtûkîrîre vakuvî na Elisha, akîruta nguo yake na agikîria Elisha yo.

1Atha 19:8

Kwoguo Elija nîwaûkîrire, akîrîa na akînyua na irio icio nîciamwîkîrire vinya na akîthiî rûgendo rwa mîthenya mîrongo îna, ûtukû na mûthenya akîthiî Horebu, kîrîmarî Kîam Ngai.

Thaburi 106:19

Nîmaarûthire karegwa marî kîrîmarî gîa Sinai, na makîgooca mûvuanano ûcio.

Ntha 17:6

Nîngaarûngama mbere yenyu îgûrû rîa îthiga kîrîmarî gîa Sinai. Thiî ûkaaringa îthiga rîu na mûragi waku na nîrîkaauma manjî ma kûnyuwa nî andû.” Ûguo nîguo Musa eekire akîonagwa nî atongoria onthe a Isiraeli.

Ntha 18:12

Nake Jethiro, mûthoniwe wa Musa nîwarutire indo cia matega ma kûvîvua na magongoona mengî ma kûrutîra Ngai. Aroni na atongoria onthe a Isiraeli nîmaathiîre kûrîa irio vamwe na Jethiro marî mbere ya Ngai-Mûnene.

Ntha 19:11

na mevarîrie mbere ya mûthenya wa kathatû. Mûthenya ûcio wa kathatû nîngaanyûrûrûka nthiî kîrîmarî gîa Sinai îgûrû varîa nîngîonwa nî andû onthe.

Ntha 19:2

Andû a Isiraeli nîmaaumire Refidimu magîkinya werûrî wa Sinai na makîamba magema mao vakuvî na kîrîma gîa Sinai.

Ntha 19:3

Nake Musa nîwaunûkirie kîrîmarî gîa Sinai nîguo agatûngane na Ngai. Nake Ngai-Mûnene nîwetire Musa arî kîrîmarî na akîmwîra ere andû a Isiraeli, njiarwa cia Jakovu atîrî,

Ntha 2:16

erîtu mûgwanja a Jethiro nîmaaûkire kîthimarî gûtava manjî nîguo manyuithie ndîthia ya îthe. Jethiro aarî mûthînjîri-Ngai wa Midiani.

Ntha 2:18

Vîndî îrîa maacokire kûrî îthe, nîwamaûririe atîrî, “Nîkwa ûmûnthî mwacoka na îvenya atîa?”

Ntha 2:21

Musa nîwetîkîrire gûtûûra kwa Jethiro. Jethiro nîwacokire akîva Musa mwîrîtu wake wetagwa Zipora atuîke mûka,

Ntha 24:13

Kwoguo Musa na Joshua ûrîa wamûtethagîrîria nîmeevarîrie, na Musa akiunûkia kîrîmarî kîu kîtheru.

Ntha 3:12

Ngai nîwacokerie Musa atîrî; “Ngethagîrwa nîrî nawe, na waruta andû a Isiraeli kuuma Misiri nîmûkaangooca mûrî kîrîmarî gîkî. Kîu nîkîo gîgaatuîka kîmenyithia atî nie nîngûtûmîte.”

Ntha 3:5

Nake Ngai-Mûnene nîwamwîrire atîrî, “Ndûgaûke vakuvî makîria. Ruta iratû nîûndû ûrûngamîte vandû vatheru.

Ntha 33:6

Kwoguo andû a Isiraeli mauma kîrîmarî Kîam Horebu matiacoka gwîkîra mathaga rîngî.

Ntha 4:18

Nake Musa nîwacokire kûrî mûthoniwe Jethiro na akîmwîra atîrî, “Nîngûkûria ûreke nthiî Misiri kûrî andû etû ngone kana marî wa mwoyo.” Nake Jethiro nîwetîkîre na akîmugîra ûvoro.

Ntha 4:27

Vîndî wa îo Ngai-Mûnene nîwerîte Aroni atîrî, “Thiî werûrî mûgatûngane na Musa.” Kwoguo Aroni nîwathiîre na nîmaatûnganire nake kîrîmarî kîrîa kîtheru. Matûngana, Aroni nîwakethirie Musa na ngethi cia kûmumunyana.

Amosi 1:1

Ino nîcio ciugo cia Amosi. Amosi aarî ûmwe wa arîthi a kuuma îtûûra rîa Tekoa. Mîaka îîrî mbere ya kîthingithia, rîrîa Uzia aarî mûthamaki wa Juda, na Jeroboamu mûvîcî wa Joashi arî mûthamaki wa Isiraeli, Ngai nîwaguûrîrie Amosi maûndû mama megiî Isiraeli.

Malaki 4:4

Ririkanani watho, maathani na kîrîra naveere Musa ndungata yakwa kîrîmarî gîa Sinai.

Ndari 10:29

Musa nîwerire Hobabu, mûvîcî wa Jethiro, Mûmidiani (Jethiro aarî mûthoniwe wa Musa) atîrî, “Rîu tûthiîte vûrûrirî ûrîa Ngai-Mûnene aatwîrîre atî nîagaatûva. Ûka tûthiî nawe na tûgatûûrania waro; nîûndû Ngai-Mûnene nîerîrîte andû a Isiraeli maûndû maro.”

Ndari 10:33

Kwoguo andû a Isiraeli nîmaaumire kîrîmarî kîrîa kîtheru gîa Sinai, na makîthiî rûgendo rwa mîthenya îthatû. Îthandûkû rîa kîrîkanîro Kîam Ngai-Mûnene nîrîamatongorerie nîguo rîmacarîrie vandû va kwamba magema.

Luka 2:8

Nakuo kûu vûrûrirî kwarî na arîthi mekaraga ûtukû mûgima marî nja marangîrîte ng'ondu ciao.

Ciîko 7:30

“Rîrîa mîaka mîrongo îna yathirire, Musa arî werûrî wa kîrîma gîa Sinai nîwaumîrîrwe nî mûraika arî kîvîngarî kîrîa gîakanaga mwaki.

Gûco 1:2

Mûndû aumîte kîrîmarî gîa Sinai athiîte Kadeshi-barinea avîtûkîrîrîte vûrûrirî ûrîa ûrî irîma wa Edomu, aathiîcaga rûgendo rwa mîthenya îkûmi na ûmwe (11).

Gûco 1:6

“Rîrîa twarî kîrîmarî gîa Sinai, Ngai-Mûnene, Ngai wetû nîwatwîrire atî, ‘Mûrî ekaru kîrîmarî gîkî îvinda rîganu.

Gûco 4:10

Mamenyithagieni ûvoro wa mûthenya ûrîa mwarûngamire mbere ya Ngai-Mûnene, Ngai wenyu kîrîmarî Kîam Horebu, rîrîa aambîrire, ‘Îta andû a Isiraeli vamwe. Nîrenda megue ûrîa nguga, nîguo mamenye kûmbathîkagîra mavinda marîa monthe magûtûûra nthî, na mathomithagie ciana ciao gwîka guo.’

Atir 4:11

Vîndî îo Heberi ûrîa Mûkeni nîwatiganîte na Akeni arîa engî arîa maarî njiarwa cia Hobabu ûrîa warî mûthoniwe wa Musa. Heberi aambîte îgema rîake mûtîrî wa mûvuru vau zananimu vakuvî na Kedeshi.

1Sam 16:11

Nake Samueli nîwaûririe Jesse atîrî, “Wî na anake engî?” Nake Jesii nîwacokirie atîrî, “Nîatigarîte wa kîvinga nda, nwatî nîkwa ararîthia ng'ondu.” Nake Samueli nîwerire Jesse atîrî, “Mûtûmanîre agetwe, nîûndû tûtingîkara nthî nginya rîrîa agaakinya ava.”