Ntha 29:2 - ÎVUKU RÎA ÛVORO MWARO

² Ûcoke woce mûtu ûrîa mwaro wa ngano na ûtarî mwîkîre ndawa ya kwimbia ûrûthe mîgate na maguta ma ndamaiyû, na tûmîgate twîngî tûceke tûrugîtwe tûkînavakwa maguta ma ndamaiyû.

Ntha 29:2 ပူးပေါင်းရင်းမြစ်များ

Ntha 12:8

Ûtukû ûcio andû a Isiraeli makaarîa nyama cia tûtûrûme ivîvîtue, na irîcanîrue na manyenyi marûrû na mîgate îtarî mîkîre ndawa ya kwimbia.

Ntha 29:23

Ûcoke woce wa mûthemba ûmwe wa mîgate îrî na maguta na wîngî ûtarî na maguta îrîa îtegeretwe Ngai-Mûnene kuuma gîkavurî.

Ntha 29:3

Ûgeekîra mîgate îo gîkavurî na ûkaareta îrî matega vîndî îrîa ûkaaruta îgongoona rîa karegwa na ndûrûme icio igîrî.

Alawi 2:15

Ûcoke wîkîre maguta na ûbani îtegarî rîu. Rîu nî îtega rîa irio cia mûgûnda.

Alawi 6:13

Mwaki ûcio nwanginya wîkarage ûgîakanaga vîndî cionthe îgûrû rîa metha ya kîgongoona na ndûkarekwe ûvora.

Alawi 7:10

Namo matega monthe ma irio cia mûgûnda, marî matukanie na maguta kana matarî matukanie nî ma athînjîri-Ngai onthe a mbarî ya Aroni, na nwanginya magaanage matega mau meganene.

Alawi 7:12

Ethîrwa mûndû akîruta îtega nîûndû wa gûcokia ngatho, nîakaarutanîria îtega rîu vamwe na geki itarî mbîkîre ndawa ya kwimbia îtukanîtue na maguta, tûmîgate tûceke tûvakîtwe maguta vamwe na geki îrugîtwe na mûtu mûvinyu ûtukanîtue na maguta.

Alawi 8:2

“Oca Aroni na avîcî ake mûthiî nao mûromorî wa îgema rîakwa na ûthiî na nguo cia ûthînjîri-Ngai, maguta ma kwamûrana, ndegwa ya îtega rîa kûtheria wîvia, ndûrûme ciîrî, na gîkavu kîrî na mîgate îtarî mîkîre ndawa ya kwimbia.

Alawi 8:26

Nîwacokire agîoca mûgate ûmwe kuuma gîkavurî kîrîa gîekîrîtwe mîgate îrîa yamûrîrîtwe Ngai-Mûnene îtarî mîkîre ndawa ya kwimbia, mûgate ûmwe ûrî na maguta, na kamûgate kamwe gaceke na agîcigîrîra îgûrû rîa mathunya mau na Kîamû kîu Kîam ûrîo gîa kûgûrû kwa vuva.

Ndari 6:15

Nîakaaruta gîkavu gîcûrîte mîgate îtekîrîtwe ndawa ya kwimbia: geki irugîtwe na mûtu mûvinyu ûtukanîtue na maguta ma ndamaiyû, tûmîgate tûceke tûvakîtwe maguta ma ndamaiyû vamwe na matega ma irio cia mûgûnda na matega ma indo cia kûnyuwa.

Ndari 6:19

Vîndî îrîa kûgûrû kwa mbere kwa ndûrûme gûkaatherûkua mûthînjîri-Ngai nîakaagwoca vamwe na geki îmwe na kamûgate kamwe gaceke kuuma gîkavurî na acigîrîre njararî cia Mûnazari.

1Akor 5:7

Kwoguo îrireni mevia menyu marîa mekariî ta ndawa îno ngûrû ya kwimbia nîguo mûtuîke andû acerû viû wata mûtu ûrîa ûkandîtwe ûtarî mwîkîre ndawa ya kwimbia. Na nîmbicî atî ûguo nîguo mwîkariî, nîûndû Kristû nîwarutirwe arî Gatûrûme ga kîgongoona îrugarî rîetû rîa pasaka.