Ntha 29:14 - ÎVUKU RÎA ÛVORO MWARO

¹⁴ Nwatî ûkaavîvîria nyama cia ndegwa, rûo rwayo, na tatha na kûu nja ya kûrîa andû matûûraga. Rîu nî îtega rîa kûtheria mevia ma athînjîri-Ngai.

Ntha 29:14 ပူးပေါင်းရင်းမြစ်များ

2Maû 29:24

Nao athînjîri-Ngai nîmaaûragire nthenge icio na makîrutîra nthakame ya cio metharî ya kîgongoona rîrî îtega rîa kûtheria mevia ma andû onthe a Isiraeli, nîûndû mûthamaki Hezekia nîwathanîte kûrutwe îtega rîa kûvîvua na îtega rîa kûtheria mevia ma andû onthe a Isiraeli.

Ezira 8:35

Andû onthe arîa maacokete kuuma îthamîriorî nîmaacokire makîrutîra Ngai wa Isiraeli matega ma kûvîvua. Nîmaarutire ndegwa îkûmi na igîrî nîûndû wa vûrûri wonthe wa Isiraeli, ng'ondu mîrongo kenda na ithathatû na tûtûrûme mîrongo mûgwanja na mûgwanja. Nîmaacokire makîruta mbûri îkûmi na igîrî nîûndû wa mevia mao. Nyamû icio cionthe nîciavîvirue irî matega ma Ngai-Mûnene.

Ntha 30:10

Aroni akaarûthaga mambura ma kûtheria metha ya kîgongoona riita rîmwe wa mwaka. Akaamîtheragia na njîra ya gwîkîra mîtî îrîa yumîrîte ya metha ya kîgongoona nthakame ya nyamû îrîa îrutîtwe nîûndû wa îgongoona rîa kûtheria mevia. Îgongoona rîu nîrîtûûra rîrutagwa riita rîmwe wa mwaka nî njiarwa ciaku cionthe. Metha îno ya kîgongoona nî ntheru viû na nî nyamûrîre Ngai-Mûnene.”

Ezek 43:21

Wana nîûgoca ndegwa îrîa îrutîtwe ya îgongoona rîa kûthiria mevia na ûmîvîvîrie vandûrî varîa vamûrîrîtwe ûndû ûcio nja ya hekarû.

Alawi 16:11

“Aroni akîruta ndegwa îrî îtega rîa kûtheria mevia make ke mwene na ma andû a mûciî wake,

Alawi 16:27

Ndegwa na mbûri irîa ciarutirwe irî îtega rîa kûtheria mevia, irîa nthakame yacio yavirirwe vandû varîa vatheru Mûno nîûndû wa kûtheria mevia, nîkaavirwa na kûu nja ya kûrîa andû matûûraga. Nacio njûo cia nyamû icio, nyama, na mara vamwe na tatha nî ikaavîvua.

Alawi 16:3

Agîtonya vandû varîa vatheru Mûno, nwanginya ambage kûruta ndegwa îtarî ngûrû îrî îtega rîa kûtheria mevia na ndûrûme îrî îtega rîa kûvîvua.

Alawi 4:21

Vuva wa ûguo, mûthînjîri-Ngai Mûnene nî agooca ndegwa îo na amîvire na kûu nja ya kûrîa matûûraga na amîvîvîrie kuo, wata ûrîa aavîvirie ndegwa îrîa yarutîtwe nîûndû wa kûtheria wîvia wake ke mwene. Rîrî nî îtega rîa kûtheria wîvia wa andû onthe.

Alawi 4:25

Mûthînjîri-Ngai nî agaacoka atovokie Kîamra gîake nthakamerî ya nyamû îo na amîkîre mîenarî ya metha ya kîgongoona îrîa yumîrîte ta mvîa, îrîa îvîvagîrua matega, acoke etûrûre îo îngî nthî ya metha ya kîgongoona.

Alawi 4:29

Mûndû ûcio nî akaaigîrîra njara yake kîongorî Kîamyo na amîûragîre varîa matega ma kûvîvua marutagîrwa.

Alawi 4:3

Ethîrwa nî Mûthînjîri-Ngai wîvîtie, na atûme andû arîa engî manyitwe nî wîvia ûcio, nîakaarutîra Ngai-Mûnene ndegwa îtarî ngûrû na îtarî na wonje îrî îtega rîa kûtheria wîvia wake.

Alawi 4:32

“Ethîrwa mûndû nî akaaruta ng'ondu îrî îtega rîa kûtheria wîvia, nwanginya îkethîrwa îrî ya nga îtarî na wonje.

Alawi 5:6

Nîakaarutîra Ngai-Mûnene îtega rîa kûtheria wîvia ûrîa ekîte, narîo îtega rîu rîkeethîrwa rîrî rîa mwatî kana nthenge. Nake mûthînjîri-Ngai nîakaaruta îgongoona nîûndû wa kûtheria wîvia wa mûndû ûcio na nîakooverwa.

Alawi 5:8

Nîakaavirîra mûthînjîri-Ngai iconi icio, nake mûthînjîri-Ngai ambe arute gîconi Kîam mbere nîûndû wa kûtheria wîvia. Nîagaagîtinia ngingo atagûtigithania kîongo na mwîrî ûcio wîngî

Alawi 6:25

“Îra Aroni na avîcî ake mawatho megiî matega ma kûtheria mevia. Namo nî atî: nyamû ya îtega rîa kûtheria mevia îkaaûragagîrwa îgemarî rîa Ngai-Mûnene varîa nyamû cia matega ma kûvîvua ciûragagîrwa. Rîu nî îtega rîtheru mûno.

Alawi 8:17

Nîwocire nyama icio ciîngî cia ndegwa îo, rûûo rwayo vamwe na mara na akîivîvîria nja ya kûu maatûûraga, wata ûrîa Ngai-Mûnene aathanîte.

Alawi 9:2

na akîra Aroni atîrî, “Oca ndegwa îtarî ngûrû ya îtega rîa kûtheria mevia na ndûrûme ya îtega rîa kûvîvua; cioîrî ciîthîrwe itarî na wonje na ûirutîre Ngai-Mûnene.

Malaki 2:3

Taroria, nîngaaverithia ciana cienyu, na nîûndû wa waganu wenyu, nîmûvake mothiû menyu mai ma nyamû irîa mûrutîte irî îtega kûrî nie. Nîngaacoka nîmwîngate ndige kûmwona.

Ndari 19:5

Nayo mori îo yonthe, rûo, nyama, nthakame, na nyama cia nda ikaavîvua mûthînjîri-Ngai akîonaga.

Ndari 7:16

na nthenge îmwe ya îtega rîa kûtheria mevia;