Ntha 29:13 - ÎVUKU RÎA ÛVORO MWARO

¹³ Ûgaacoka woce maguta marîa makunîkîrîte nyama cia îvu, na gîcunjî kîrîa Kîamro Kîam îtema, mbigo cioîrî na maguta marîa mairigicîrîtie na ûivîvîrie îgûrû rîa metha ya kîgongoona irî matega makwa.

Ntha 29:13 ပူးပေါင်းရင်းမြစ်များ

Thaburi 22:14

Nie nîrî mûthiru vinya, nthirîte vinya ta manjî metîkîte nthî. Mavîndî makwa monthe nîmatigithanu, ngoro yakwa îkariî ta mûvûra ûrî mûrarûku.

Ntha 12:9

Mûtikarîe nyama mbîthî kana itherûkîtue na manjî, nwatî tûtûrûme tûu tûkaarîwa tuonthe tûvîvîtue wana ciongo ciatuo, magûrû wa na nyama cia nda.

Ntha 29:18

Ûcoke ûvîvîrie ndûrûme îo yonthe îgûrû rîa metha ya kîgongoona rîrî îtega rîa kûvîvua rîa Ngai-Mûnene. Naguo mûtararûko wa îtega rîu nîûngenagia nie, Ngai-Mûnene.

Ntha 29:22

“Ûgaacoka ûtinie maguta ma ndûrûme, na maguta ma kînyanya, na maguta marîa marî nyamarî cia îvu, na gîcunjî kîrîa Kîamro Kîam îtema, na mbigo cioîrî na maguta marîa mairigicîrîtie, na Kîamû Kîam mwena wa ûrîo (nîûndû nî ndûrûme ya îgongoona rîa kwamûrana).

Ntha 29:25

Ûgaacoka ûcioce kuuma njararî ciao na ûcigîrîre metharî ya kîgongoona vamwe na ndûrûme ya îtega rîa kûvîvua na ûivîvîrie vo. Mûtararûko wa îtega rîîrî nîûkenagia Ngai-Mûnene.

Isaia 1:11

Ngai-Mûnene arauga atîrî, “Magongoona meengî marîa mûndutagîra nî ma kî? Nîrî mûnogu nî matega menyu ma kûvîvua ma ndûrûme, na maguta ma nyamû cienyu irîa noru. Ndikenagua nî nthakame ya ndegwa, ya ndûrûme kana ya nthenge.

Isaia 34:6

Ngai-Mûnene arî na rûviû na rwîcûrîte nthakame, nî rûvake maguta, na rûrî na nthakame ya ng'ondu na ya mbûri, na maguta ma mbigo cia ndûrûme. Nîûndû Ngai-Mûnene arî na îgongoona kûu Bozira, nîakaaûraga andû eengî mûno kûu vûrûrirî wa Edomu.

Isaia 43:24

We ndwangûrîra ûbani, kana ûmvaithia na nyama irîa noru cia magongoona maku. Vandû va ûguo we nîûnditûvîrîte na mevia maku, nîûnogetie na mavîtia marîa wîkîte.

Alawi 1:15

Mûthînjîri-Ngai nîakaathiî nayo metharî ya kîgongoona amîthiore ngingo îtuîkane, acoke avîvîrie kîongo Kîamyo îgûrû rîa metha ya kîgongoona; nayo nthakame yayo îtûrûrwe mwenarî wa metha ya kîgongoona.

Alawi 1:9

Nwatî nîakaathambia mara ma ndegwa îo vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 16:25

Nîakaavîvîria maguta ma nyamû cia îtega rîa kûtheria mevia îgûrû rîa metha ya kîgongoona.

Alawi 17:6

Mûthînjîri-Ngai nî akaaminjaminja nthakame mîenarî ya metha ya kîgongoona vau mûromorî wa îgema rîa Ngai-Mûnene na avîvie mathunya nîguo maume mûtararûko wa gûkenia Ngai-Mûnene.

Alawi 4:26

Nî agaacoka avîvîrie mathunya mayo monthe îgûrû rîa metha ya kîgongoona wata ûrîa avîvagia mathunya ma nyamû irîa ciûragagwa nîûndû wa matega ma ngwatanîro. Ûguo nîguo mûthînjîri-Ngai akaaruta îgongoona nîûndû wa kûtheria wîvia wa mûtongoria na mûtongoria ûcio nî akooverwa.

Alawi 4:31

Mûndû ûcio wîvîtie nî akaaruta mathunya ma nyamû îo monthe wata ûrîa mathunya ma nyamû irîa ciûragagwa nîûndû wa matega ma ngwatanîro marutagwa. Mûthînjîri-Ngai nîakaavîvîria mathunya mau îgûrû rîa metha ya kîgongoona naguo mûtararûko wamo nîûgaakenia Ngai-Mûnene. Mûthînjîri-Ngai nî agaacoka arute îgongoona rîa kûtheria wîvia wa mûndû ûcio na nî akooverwa.

Alawi 4:35

Nî agaacoka arute mathunya monthe mayo, wata ûrîa mathunya ma ng'ondu îrîa îrutagwa nîûndû wa matega ma ngwatanîro marutagwa. Nî akaavîvîria mathunya mau vamwe na irio irîa irutîrîtwe Ngai-Mûnene îgûrû rîa metha ya kîgongoona. Ûguo nîguo mûthînjîri-Ngai akaaruta îgongoona rîa kûtheria wîvia wa mûndû ûcio na nî akooverwa.”

Alawi 6:12

Mwaki ûcio wa kûvîvia matega îgûrû rîa metha ya kîgongoona nwanginya wîkarage ûgîakanaga na ndûkarekwe ûvora. Mûthînjîri-Ngai nwanginya ongagîrîre ngû mwakirî ûcio iraûko cionthe, akavanga waro matega ma kûvîvua îgûrû rîacio na akavîvîria mathunya ma îtega rîa thayû vo.

Alawi 7:3

Mathunya ma nyamû îo monthe nî makaarutîrwa Ngai-Mûnene îgûrû rîa metha ya kîgongoona. Namo nî: kînyanya, maguta marîa marigicîrîtie mara,

Alawi 7:31

Mûthînjîri-Ngai nîakaavîvîria mathunya mau îgûrû rîa metha ya kîgongoona, nwatî kîthûri nî Kîam Aroni na avîcî ake.

Alawi 7:4

mbigo cioîrî na maguta marîa mairigicîrîtie vamwe na gacunjî karîa karo mûno ga îtema.

Alawi 8:16

Vuva wa ûguo, Musa nîwocire mathunya monthe marîa maarî nyamarî cia nda, gacunjî karîa karo mûno ga îtema, mbigo cioîrî vamwe na mathunya marîa maairigicîrîtie na akîivîvîria îgûrû rîa metha ya kîgongoona cionthe.

Alawi 8:25

Nîwocire mathunya, kînyanya, maguta monthe marîa maarigicîrîtie mara, gacunjî karîa karo mûno ga îtema, mbigo cioîrî na mathunya marîa maairigicîrîtie, vamwe na Kîamû Kîam ûrîo gîa kûgûrû kwa vuva.

Alawi 9:10

Nwatî mathunya ma îtega rîa kûtheria mevia, mbigo cioîrî na gacunjî karîa karo mûno ga îtema nîwaivîvîrie îgûrû rîa metha ya kîgongoona wata ûrîa Ngai-Mûnene aathîte Musa.

Alawi 9:19

Aroni nîwocire mathunya ma ndegwa na ma ndûrûme: kînyanya, mathunya marîa marigicîrîtie nyama cia nda, mbigo cioîrî, na gacunjî karîa karo mûno ga îtema,

Ndari 18:17

Nwatî mûtigaakûûraga marikithathi ma ng'ombe, ng'ondu na mbûri nîûndû nî ntheru. Mûkaaminjaminjaga nthakame yacio metharî ya kîgongoona na mûvîvagie maguta ma cio rîrî îtega rîa irio. Mûtararûko ûcio nîûkenagia Ngai-Mûnene.

1Sam 2:16

Na ethîrwa mûndû ûcio nîangîacokerie ndungata na akamîîra atîrî, “Amba weterere twambe tûvîvie mathuma, ûcoke woce irîa ûkwenda.” Ndungata ya mûthînjîri-Ngai nîîngîaugire atîrî, “Naarî, nwanginya ûnengere rîu! Na ethîrwa ndûkûnengera, nie nîmboca na vinya.!”