Ntha 29:12 - ÎVUKU RÎA ÛVORO MWARO

¹² Ûgaatûmîra Kîamra gîaku kûvaka nthakame ya ndegwa îo mîthiiarî îrîa îna yumîrîte ta mvîa ya metha ya kîgongoona. Nayo nthakame îrîa îgaatigara ûkaamîtûrûra gîtinarî Kîam metha ya kîgongoona.

Ntha 29:12 ပူးပေါင်းရင်းမြစ်များ

Ntha 27:2

Îgûrû rîa metha ya kîgongoona ûkaarûtha mîtî yumîrîte ta mvîa mîthiiarî yayo îna, na metha îo yonthe ûkaamîvaka gîcango.

Ntha 29:11

Ûkaathînja ndegwa îo mûrî mbere yakwa mûromorî wa îgema rîa Ngai-Mûnene.

Ntha 30:2

Metha ya kîgongoona îthîrwe îgananîte mîena yonthe. Ûraca wayo wîthîrwe ûrî wa cendimita mîrongo îna na ithano na wariî wa cendimita mîrongo îna na ithano. Ûraca wayo na îgûrû wîthîrwe ûrî wa cendimita mîrongo kenda. Îgûrû rîayo yumue mîtî yumîrîte ta mvîa mîthiiarî. Mîtî îo îthîrwe înyitanîte na metha ya kîgongoona.

Ntha 38:2

Nîwacokire akîmîrûthîra mîtî yumîrîte ta mvîa mîenarî yonthe îna ya metha ya kîgongoona. Mîtî îo yaumîrîte yanyitanîte vamwe na metha, na nîwamîvakire gîcango.

Alawi 16:14

Nîagooca nthakame îmwe ya ndegwa na amîminjaminje na Kîamra gîake vau mbere ya gîkunîko, acoke aminjaminje îmwe maita mûgwanja vau mbere ya îthandûkû rîa kîrîkanîro.

Alawi 4:18

Nî ageekîra nthakame îmwe mîenarî ya metha ya kîgongoona îrîa yumîrîte ta mvîa, îrîa îrî ndaarî ya îgema rîa Ngai-Mûnene. Nayo nthakame îo îngî amîtûrûre nthî ya metha ya kîgongoona îrîa îvîvagîrua matega, îrîa îrî vau mûromorî wa îgema rîa Ngai-Mûnene.

Alawi 4:25

Mûthînjîri-Ngai nî agaacoka atovokie Kîamra gîake nthakamerî ya nyamû îo na amîkîre mîenarî ya metha ya kîgongoona îrîa yumîrîte ta mvîa, îrîa îvîvagîrua matega, acoke etûrûre îo îngî nthî ya metha ya kîgongoona.

Alawi 4:30

Mûthînjîri-Ngai nî agaatovokia Kîamra gîake nthakamerî ya nyamû îo na amîkîre mîenarî ya metha ya kîgongoona îrîa yumîrîte ta mvîa, acoke etûrûre îo îngî nthî ya metha ya kîgongoona.

Alawi 4:34

Mûthînjîri-Ngai nî agaatovokia Kîamra gîake nthakamerî ya nyamû îo, amîkîre mîenarî ya metha ya kîgongoona îrîa yumîrîte ta mvîa, acoke etûrûre îo îngî nthî ya metha ya kîgongoona.

Alawi 4:7

Mûthînjîri-Ngai nîagooca nthakame îmwe na amîvake mîenarî ya metha ya kîgongoona îrîa yumîrîte ta mvîa, ya kûvîvîria ûbani îrîa îrî îgemarî rîa Ngai-Mûnene. Nî agaacoka etûrûre nthakame îo îngî ya ndegwa vau nthî ya metha ya kîgongoona îrîa îvîvagîrua matega îrîa îrî vau mûromorî wa îgema rîa Ngai-Mûnene.

Alawi 5:9

na aminjaminje nthakame îmwe yakîo mîenarî ya metha ya kîgongoona. Nayo nthakame îo îngî îtûrûrwe nî mûthînjîri-Ngai vau nthî ya metha ya kîgongoona. Rîu nîrîo îtega rîa kûtheria wîvia ûtarî wa kwîyendera.

Alawi 8:15

Musa nîwaûragire ndegwa îo agîcoka agîoca nthakame îmwe yayo agîtovokia Kîamra gîake kuo na akîmîvaka mîenarî ya metha ya kîgongoona îrîa yaumîrîte ta mvîa. Nîwacokire agîtûrûra nthakame îo îngî vau nthî ya metha ya kîgongoona. Ûguo nîguo aatheririe metha îo ya kîgongoona na akîmîamûra.

Alawi 9:9

Avîcî ake nîmaamûvirîre nthakame na agîtovokia Kîamra gîake nthakamerî îo. Nîwekîrire nthakame îmwe mîenarî ya metha ya kîgongoona îrîa yaumîrîte ta mvîa, agîcoka agîtûrûra îo îngî vau nthî ya metha ya kîgongoona.

Ahib 10:4

Nîûndû nthakame ya ndegwa na nthenge ndîngîthengutia mevia kuuma kûrî andû.

Ahib 9:22

Kûringana na Watho, vakuvî indo cionthe itheragua na nthakame. Nthakame îngîrega gwîtûrûrwa mevia matingîovanîrwa.

Kûguû 6:9

Rîrîa Gatûrûme gatumûrîre rûtumo rwa gatano, nînoonire mîoyo ya andû arîa maaûragîtwe îrî vau rungu rwa metha ya kûrutîra kîgongoona. Andû acio maaûragîtwe nîûndû wa kûvunjia kiugo Kîam Ngai na kûvecana ûira marî evokeku.