Ntha 28:40 - ÎVUKU RÎA ÛVORO MWARO

⁴⁰ “Ûgaatumîra avîcî a Aroni nguo mbaro ndaca, mîcivi, na iremba. Nacio nîigaatûma monekane marî athaka na marî na riiri.

Ntha 28:40 ပူးပေါင်းရင်းမြစ်များ

Ntha 28:2

Ûgaatumîra mûrwanyûkwe Aroni nguo ntheru nîguo onekanage arî na riiri na arî mûthaka.

Ntha 28:4

Meere matume nguo ya gûkunîkîra kîthûri, efodi, nguo ndaca, kavuti karaca gakinyîte nthûng'warî na kagemetue na ndigi cia marangi ngûrani, kîremba na mûcivi mûraca ûtumîtwe na gîtambaa. Nîmatume nguo icio ntheru cia mûrwanyûkwe Aroni na avîcî, nîguo mandungatagîre marî athînjîri-Ngai.

Ntha 29:8

“Ûgaacoka ûrete avîcî a Aroni na ûmekîre nguo ndaca,

Ntha 29:9

na ûmove mîcivi ciûnorî na ûmekîre ngovia ciongo. Ûguo nîguo ûkaamûra Aroni na avîcî ake matuîke athînjîri-Ngai. Nao vamwe na njiarwa ciao nîmakaandungatagîra marî athînjîri-Ngai tene na tene.

Ntha 39:41

nguo itumîtwe waro cia gwîkîrwa nî athînjîri-Ngai marî vandû varîa vatheru, nguo ntheru cia Aroni, mûthînjîri-Ngai na cia avîcî ake.

Isaia 52:1

Ûkîra, ûkîra! Gîa na vinya, we Zayuni; îkîra nguo ciaku irîa mbaro, we Jerusalemu, îtûûra rîrîa rîamûre; nîûndû gûtirî mûndû ûtarî mûruu kana ûrî na mûgiro ûgaatonya gwaku rîngî.

Alawi 16:24

Nwanginya akeethambîria vandûrî varîa vatheru na ekîre nguo ciake. Vuva wa ûguo, nîakaauma na arute îtega rîa kûvîvua nîûndû wa kûtheria mevia make ke mwene na arute îtega rîa kûvîvua nîûndû wa kûtheria mevia ma andû.

Alawi 8:13

Musa nîwacokire akîra avîcî a Aroni maumîre vau mbere na akîmekîra nguo, akîmova mîcivi ciûnorî ciao, na akîmova itambaa ciongorî ciao, wata ûrîa Ngai-Mûnene aathanîte.

Tito 2:10

kana kûmaîa. Vandû va ûguo, nwa nginya ciîthîrwe irî mbaro na ciîvokekete nîguo maûndûrî monthe marîa ciîkaga cionanagie wagîrîru wa ndûmîrîri ya Ngai Mûvonokia wetû.

Tito 2:7

Maûndûrî monthe, nwa nginya we wîthagîrwe ûrî kîonereria Kîam mîtugo mîaro. Vîndî îrîa ûrathomithia, onanagia ûgima na wîthagîrwe ûrî na gîtîîo.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”