Ntha 28:3 - ÎVUKU RÎA ÛVORO MWARO

³ Îra mavundi arîa marî wara arîa naveere ûûgî matumîre Aroni nguo, nîguo amûrwe andungatagîre arî mûthînjîri-Ngai.

Ntha 28:3 ပူးပေါင်းရင်းမြစ်များ

1Atha 7:14

Ng'ina wa Hiramu aarî mûndûmûka wa ndigwa kuuma mûvîrîgarî wa Nafutali. Nake îthe aarî wa kuuma Turo, na aarutaga wîra wa indo cia gîcango. Hiramu aarî wara mwîngî mûno na aarî na ûmenyo na wara wa kûrûtha mîthemba wa yonthe ya indo cia gîcango. Nîwathiîre kûrî mûthamaki Solomoni na akîruta wîra wake wonthe.

Ntha 35:10

“Andû onthe gatagatîrî kenyu arîa marî na ûvoti nîmaûke matume indo cionthe irîa Ngai-Mûnene atwathîte:

Ntha 35:25

Aka onthe arîa maarî na ûûgî wa gûtuma nîmaaretire ndigi cia gûtuma gîtambaa Kîamro na ndigi cia rangi wa vururu, njambarawe na cia rangi ndune irîa maarûthîte.

Ntha 35:30

Musa nîwerire andû a Isiraeli atîrî, “Ngai-Mûnene nî athuurîte Bezaleli mûvîcî wa Uri. Uri aarî mûvîcî wa Huri wa mûvîrîga wa Juda.

Ntha 35:31

Ngai-Mûnene nîwecûririe Bezaleli vinya wake, akûmûva ûvoti, ûûgî na wara wa mawîra monthe.

Ntha 35:35

Ngai-Mûnene nî amavete wara wa mawîra monthe marîa marutagwa nî andû arîa marûthaga indo, na gûcora, na marî na ûvoti wa gûtuma itambaa mbaro na kûrûtha ndigi cia rangi wa vururu, njambarawe, na cia rangi ndune, na itambaa ciîngî. Marî na wara wa kûruta mawîra ma mîthemba yonthe na marî na ûgî wa gûcora.

Ntha 36:1

“Bezaleli, Oholiabu na aruti wîra acio engî onthe arîa Ngai-Mûnene aaveete wara, ûûgî wa kûmenya kûruta mawîra monthe ma gûtuma îgema rîa Ngai-Mûnene, makaaruta wîra ûcio kûringana na ûrîa Ngai-Mûnene aathanîte.”

Ntha 36:2

Musa nîwetire Bezaleli, Oholiabu na andû onthe arîa maarî na wara na maavotithîtue nî Ngai-Mûnene, na maarî na wendi wa gûtethia na akîmeera mambîrîrie kûruta wîra.

Nthi 2:6

Nîûndû Ngai-Mûnene nîke ûvecanaga ûûgî; ûmenyo na ûûgî umaga kûrî ke.

Isaia 11:2

Nîagecûrwa nî Roho wa Ngai-Mûnene, roho wa ûûgî na ûtaûku; roho wa ûtaarani na vinya, roho wa ûmenyo na gwîtigîra Ngai-Mûnene.

Aefeso 1:17

Mvoyaga Ngai wa Mwathani wetû Jesû Kristû, ûrîa arî ke Îthe wetû ûrî riiri amûve Roho ûrîa ûgûtûma mûvîge na ûkûmûguûrîria Ngai nîguo mûmûmenye waro.

Gûco 34:9

Nake Joshua mûvîcî wa Nuni nîwecûrirwe nî ûûgî nîûndû Musa nîwamûthuurîte atuîke mûtongoria vuva wake. Andû a Isiraeli nîmaathîkîre Joshua na nîmaarûmagîrîra maûndû monthe marîa Ngai-Mûnene aathîte Musa.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.