Ntha 28:29 - ÎVUKU RÎA ÛVORO MWARO

²⁹ “Vîndî îrîa Aroni agaatonya vandû varîa vatheru, nîakethîrwa ekîrîte nguo ya kîthûri yandîkîtwe marîîtwa ma avîcî a Isiraeli, nîguo Nie, Ngai-Mûnene ndirikanage andû akwa vîndî cionthe.

Ntha 28:29 ပူးပေါင်းရင်းမြစ်များ

Ntha 28:12

Ûnyitithanie mathiga mau ma goro na tûmîcivi twa gûcuria ituro twa efodi nîguo methagîrwe marûngamîrîrîte mîvîrîga îrîa îkûmi na îîrî ya Isiraeli. Aroni agaakuuaga marîîtwa mau na ituro ciake arî mbere ya Ngai-Mûnene nîguo Ngai-Mûnene amaririkanage.

Ntha 28:15

“Ûgaatuma nguo ya kîthûri ya Mûthînjîri-Ngai Mûnene ya gûtûmagîra rîrîa akwenda kûmenya wendi wa Ngai. Îtumwe waro nî mûndû ûrî na wara wata ûrîa efodi yatumîtwe. Na îgaatumwa na thaavu, na ndigi cia rangi wa vururu, njambarawe, na cia rangi ndune na îtumwe ya gîtambaa Kîamro.

Ntha 28:28

Ûkaanyitithania icûvî cia nguo ya kîthûri na icûvî cia efodi na mûkumbû wa rangi ya vururu, nîguo nguo ya kîthûri îmamîre mûcivi wa efodi ndîkaaregere.

Ntha 28:30

Ûgeekîra Urimu na Thumimu nguorî ya kîthûri, nîguo Aroni athiîcage nacio rîrîa akûthiî mbere ya Ngai-Mûnene. Vîndî îrîa ekîrîte nguo ya kîthûri akaavotaga kûmenya ûrîa Ngai-Mûnene akwenda nîûndû wa andû a Isiraeli.

Rwîmbo rwa Nyîmbo 8:6

Ngororî yaku ndûkagîe wendo na mûndû wîngî tiga nie, ndûkamumunye mûndû wîngî tiga nie. Nîûndû wendo ûrî vinya ta gîkuû, wîru nî mûcûku ta gîkuû kîo kîene. Wendo ûrîrîmbûkaga ta mwaki, wakanaga ta mwaki ûtangîvoreka.

Jeremia 30:21

Mûtongoria wao akethîrwa arî ûmwe wao, mwathi wao akauma gatagatîrî kao, nîngamwîta nake nîakanguvîvîria, nîûndû nû ûngîgeria kûnguvîvîria na vinya wake? Ûguo nîguo nie Ngai-Mûnene nîrauga.”

Aroma 10:1

Ariû na aarî a îthe wetû, wendi wa ngoro yakwa yonthe na mavoya makwa kûrî Ngai nî atî, andû etû mavonoke.