Ntha 28:21 - ÎVUKU RÎA ÛVORO MWARO

²¹ Mathiga mau ma goro makethîrwa marî îkûmi na maîrî. Na wa îthiga rîkethîrwa rîandîkîtwe rîîtwa rîmwe rîa mîvîrîga îrîa îkûmi na îîrî ya Isiraeli.

Ntha 28:21 ပူးပေါင်းရင်းမြစ်များ

1Atha 18:31

Nîwocire mathiga îkûmi na maîrî kûringana na mîvîrîga ya avîcî a Jakovu. Jakovu nîke werîtwe nî Ngai-Mûnene atî nîageetwa Isiraeli.

Ayubu 19:24

Naarî kethîrwa maandîkirwe na karamu ga cuuma, nîguo matûûre tene na tene.

Ntha 24:4

Nake Musa nîwandîkire maûndû monthe marîa Ngai-Mûnene aamwathîte. Mûthenya ûcio wîngî kîraûko tene Musa nîwaramûkire na agîtuma metha ya kîgongoona nthî ya kîrîma na akînjîra itugî îkûmi na igîrî kûringana na mîvîrîga îrîa îkûmi na îîrî ya andû a Isiraeli.

Ntha 28:11

Ûgaacaria mûndû ûrî na wara wa kûrûtha indo na mathiga ma goro andîke marîîtwa ma avîcî a Isiraeli mathigarî mau maîrî. Mekîre vandû varûthîtwe na thaavu nîguo methîrwe marî vandû vamwe.

Ntha 28:20

Mûvari wa kana ûkaawîkîra îthiga rîa mûthemba wa thumarati îrîa ntheru, na onigithi, na Jathiti. Mathiga mau ma goro ûmamundîrîre tûnyamûrî twa thaavu twa kûmanyitîrîra.

Ntha 28:22

Ûkaarûtha mîkathî îîrî ya thaavu ntheri yokothetwe ta mîkanda ya gûtumîrîrwa nguorî ya kîthûri,

Zakaria 9:16

Mûthenya ûcio Ngai-Mûnene, Ngai wao nîakaamavonokia, nîûndû nî ndîthia ya andû ake. Andû ake magaakengaga marî vûrûrirî wake, ta ûrîa îthiga rîa goro rîkengaga rîrî ngoviarî ya mûthamaki.

Luka 22:30

Nîmûkaarîra na mûnyuîre metharî yakwa Ûthamakirî wakwa, na mûcoke mwîkarîre itî cia Ûthamaki na mwathe mîvîrîga îrîa îkûmi na îrî ya Isiraeli.”

Jakuvu 1:1

Nie Jakuvu ndungata ya Ngai na ya Mwathani Jesû Kristû: Nînamûkethia mue muonthe andû a Ngai arîa mûnyagarûkîte nthî yonthe.

Kûguû 21:12

Îtûûra rîa Jerusalemu rîarî na rûthingo rûnene, na rûraca kûthiî na îgûrû, na rîarî na mîîrîga îkûmi na îîrî. Na wa mwîrîga nîwekaragua nî mûraika ûmwe. Mîîrîgarî îo yonthe nîkwandîkîtwe marîîtwa ma mbarî îkûmi na igîrî irîa ciarî cia Isiraeli.