Ntha 28:11 - ÎVUKU RÎA ÛVORO MWARO

¹¹ Ûgaacaria mûndû ûrî na wara wa kûrûtha indo na mathiga ma goro andîke marîîtwa ma avîcî a Isiraeli mathigarî mau maîrî. Mekîre vandû varûthîtwe na thaavu nîguo methîrwe marî vandû vamwe.

Ntha 28:11 ပူးပေါင်းရင်းမြစ်များ

Ayubu 19:24

Naarî kethîrwa maandîkirwe na karamu ga cuuma, nîguo matûûre tene na tene.

Ntha 28:10

Ûkaamandîka marîîtwa mau marûmanîrîrîte wata ûrîa maarûmanîrîrîte magîciarwa. Wandîke marîîtwa matandatû îthigarî rîmwe, ûcoke wandîke marîîtwa matandatû îthigarî rîu rîngî.

Ntha 28:12

Ûnyitithanie mathiga mau ma goro na tûmîcivi twa gûcuria ituro twa efodi nîguo methagîrwe marûngamîrîrîte mîvîrîga îrîa îkûmi na îîrî ya Isiraeli. Aroni agaakuuaga marîîtwa mau na ituro ciake arî mbere ya Ngai-Mûnene nîguo Ngai-Mûnene amaririkanage.

Ntha 28:21

Mathiga mau ma goro makethîrwa marî îkûmi na maîrî. Na wa îthiga rîkethîrwa rîandîkîtwe rîîtwa rîmwe rîa mîvîrîga îrîa îkûmi na îîrî ya Isiraeli.

Ntha 28:25

Mîthiia îo îngî îîrî ya mîkathî ya thaavu ûkaamîoverera tûnyamûrî tûrîa twa thaavu twa kûnyitîrîra mathiga ma goro. Na njîra wata îo ûmînyitithanie na tûmîcivi twa ituro twa efodi mwenarî wa mbere.

Ntha 28:36

“Ûkaarûtha kavengere ka thaavu ntheri na kandîkwe, ‘Yamûrîrîtwe Ngai-Mûnene’.

Ntha 39:13

Mûvari wa kana warî wa mathiga ma thumarati îrîa ntheru, onigithi, na Jathibi. Mathiga mau ma goro maamundîrîrwe tûnyamûrî twa kûmanyitîrîra twa thaavu.

Ntha 39:18

Nayo mîthiia îrîa îngî îîrî ya mîkathî ya thaavu nîmaamîoverere tûnyamûrî tûrîa twîrî twa thaavu twa kûnyitîrîra mathiga ma goro. Ûguo nîguo maatwoverere mîcivirî ya ituro ya efodi mwena wa mbere.

Ntha 39:6

Nîmoocire mathiga ma goro mûthemba wa karineli makîmamundîrîra vandû vamwe vaarûthîtwe na thaavu. Mathigarî mau maaumirue nî mûndû warî na wara na makîandîkwa marîîtwa îkûmi na maîrî ma avîcî a Isiraeli.

Jeremia 22:24

Ûvoro wîgiî Konia mûthamaki wa Juda mûvîcî wa Jehoiakini, Ngai-Mûnene arauga atîrî, “Nîrevîta nie Ngai mûtûûra mwoyo, atî kethîrwa we Konia mûvîcî wa Jehoiakini wîkariî ta mbete yakwa ya mûvûûri njararî yakwa ya ûrîo, nîngîkûruta ngûte.

Zakaria 3:9

Taroria, îthiga rîrîa mbigîte mbere ya Joshua, îgûrû rîarîo varî na mothiû mûgwanja. Îgûrû rîa îthiga rîu nîngaacora mandîko vo na nîngathengutia waganu wa vûrûri ûyû na mûthenya ûmwe.

Aefeso 1:13

Wa namue nîmwatuîkire andû a Ngai vîndî îrîa mwegwire ndûmîrîri ya ma, na nîyo ûvoro mwaro wa kûvonokua kwenyu. Nîmwetîkirie Kristû na Ngai akîmûvûra mûvûri wa kwonania atî mûrî ake na njîra ya kûmûva Roho Mûtheru ûrîa aamwîrîrîte.

Aefeso 4:30

Na mûtikegwithie Roho Mûtheru wa Ngai kîeva. Roho nî rûûri rwa Ngai rwa kwonania atî mûrî ake. Ngai aamûveere Roho nîguo onanie na ma atî nîakaamûtethûra rîrîa mûthenya wa mûthiia ûgaakinya.

2Tim 2:19

Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

Kûguû 7:2

Nînaacokire ngîona mûraika wîngî akiunûkia aumîte mwena wa îrathîro na arî na rûtumo rwa Ngai mûtûûra mwoyo. Nake nîwetire araika acio ana na mûgambo mûnene. Araika acio ana nîo maavetwe nî Ngai vinya wa gûcûkangia nthî nyûmû na îria.