Ntha 27:2 - ÎVUKU RÎA ÛVORO MWARO

² Îgûrû rîa metha ya kîgongoona ûkaarûtha mîtî yumîrîte ta mvîa mîthiiarî yayo îna, na metha îo yonthe ûkaamîvaka gîcango.

Ntha 27:2 ပူးပေါင်းရင်းမြစ်များ

1Atha 1:50

Adonija nîwetigîre nîûndû wa mûthamaki Solomoni. Nîwacokire agîûkîra akîthiî na akînyita mîthiia ya metha ya kîgongoona.

1Atha 2:28

Rîrîa Joabu eegwire ûguo, nîwaûrire na akîthiî îgemarî rîa Ngai-Mûnene na akînyita mîthiia ya metha ya kîgongoona, nîûndû Joabu aanyitîte mbaru Adonija nwatî, tî Abusalomu.

1Atha 8:64

Mûthenya wa ûcio mûthamaki nîwamûrire gatagatî ga kîvaro kîrîa Kîamrî mbere ya hekarû, agîcoka akîrutîra matega ma kûvîvua, matega ma irio na maguta ma matega ma thayû vo. Eekire ûguo nîûndû metha ya kîgongoona ya gîcango îrîa yatumîrîtwe Ngai-Mûnene yarî nini mûno ya kûvîvîrua matega mau monthe.

2Atha 16:14

Ahazi nîwarutire metha ya kîgongoona ya gîcango îrîa yamûrîrîtwe Ngai-Mûnene, îrîa yarî gatagatî ka metha yake ya kîgongoona na hekarû na akîmîvira mwena wa rûgûrû wa metha yake ya kîgongoona.

2Maû 4:1

Mûthamaki Solomoni nîwatumire metha ya kîgongoona ya gîcango ya ûraca wa mita kenda (9), na wariî wa mita kenda (9). Ûraca na wariî wayo nîcieganene. Naguo ûraca wayo na îgûrû warî wa mita inya na cendimita mîrongo îtano (4.50).

Thaburi 118:27

Ngai-Mûnene nî Ngai; nîatûvete ûtheri wake. Nyitani mathîgî na njara mûthiî kîrugorî mûrûmanîrîrîte, mûthiûrûrûke metha ya kîgongoona!

Ntha 27:3

Na ûkaarûtha nyûngû cia gwîkîra mûu ûrîa ûrî na mathuma, indo cia kûng'ara, mbakûri, mînyoge na rûgîo rwa mwaki. Indo icio cionthe irûthwe na gîcango.

Ntha 29:12

Ûgaatûmîra Kîamra gîaku kûvaka nthakame ya ndegwa îo mîthiiarî îrîa îna yumîrîte ta mvîa ya metha ya kîgongoona. Nayo nthakame îrîa îgaatigara ûkaamîtûrûra gîtinarî Kîam metha ya kîgongoona.

Ntha 38:30

Bezaleli aatûmîre gîcango îo na kûrûtha itina cia mûromo wa îgema rîa Ngai-Mûnene, metha ya kîgongoona na gîcungi Kîamyo, na indo cionthe cia metha ya kîgongoona.

Ezek 43:15

Gîcunjî Kîam îgûrû kûrîa magongoona maavîvagîrua warî wa mita igîrî kûthiî na îgûrû. Mîthiiarî yonthe îna ya metha îno ya kîgongoona yarî mîraca na îgûrû ta mvîa.

Alawi 16:18

nwanginya akaauma na athiî metharî ya kîgongoona ya matega ma kûvîvua na amîtherie. Nwanginya agooca nthakame îmwe ya mbûri na amîvake mîenarî yonthe ya metha ya kîgongoona îrîa yumîrîte ta mvîa.

Alawi 4:18

Nî ageekîra nthakame îmwe mîenarî ya metha ya kîgongoona îrîa yumîrîte ta mvîa, îrîa îrî ndaarî ya îgema rîa Ngai-Mûnene. Nayo nthakame îo îngî amîtûrûre nthî ya metha ya kîgongoona îrîa îvîvagîrua matega, îrîa îrî vau mûromorî wa îgema rîa Ngai-Mûnene.

Alawi 4:25

Mûthînjîri-Ngai nî agaacoka atovokie Kîamra gîake nthakamerî ya nyamû îo na amîkîre mîenarî ya metha ya kîgongoona îrîa yumîrîte ta mvîa, îrîa îvîvagîrua matega, acoke etûrûre îo îngî nthî ya metha ya kîgongoona.

Alawi 4:7

Mûthînjîri-Ngai nîagooca nthakame îmwe na amîvake mîenarî ya metha ya kîgongoona îrîa yumîrîte ta mvîa, ya kûvîvîria ûbani îrîa îrî îgemarî rîa Ngai-Mûnene. Nî agaacoka etûrûre nthakame îo îngî ya ndegwa vau nthî ya metha ya kîgongoona îrîa îvîvagîrua matega îrîa îrî vau mûromorî wa îgema rîa Ngai-Mûnene.

Alawi 8:15

Musa nîwaûragire ndegwa îo agîcoka agîoca nthakame îmwe yayo agîtovokia Kîamra gîake kuo na akîmîvaka mîenarî ya metha ya kîgongoona îrîa yaumîrîte ta mvîa. Nîwacokire agîtûrûra nthakame îo îngî vau nthî ya metha ya kîgongoona. Ûguo nîguo aatheririe metha îo ya kîgongoona na akîmîamûra.

Zakaria 9:15

Ngai-Mûnene mwene vinya wonthe nîakaagitîra andû ake, na nîmakaavoota nthû ciao na mathiga ma ikûtha. Makaaugagîrîria marî mbaararî ta mîrîu ya ndivei, magîtûrûra nthakame ya nthû ciao, ta îcûrîte mbakûrirî, îkanyûrûrûka mîthiiarî ya metha ya kîgongoona.

Ndari 3:31

Wîra wao warî wa kûmenyerera îthandûkû rîa kîrîkanîro, metha, vandû va kwigîrîrwa taa, metha cia magongoona, indo cia vandû varîa vamûre irîa itûmagîrwa nî athînjîri-Ngai magîtungata, na gîtambaa gîa kûgaania vandû varîa vatheru Mûno. Acio nîo moonaga atî indo icio nîciaruta wîra wonthe wacio.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.