Ntha 25:16 - ÎVUKU RÎA ÛVORO MWARO

¹⁶ Nacio ivengere cia mathiga igîrî irîa ngûkûnengera ciandîkîtwe mawatho cigwe îthandûkûrî ndaarî.

Ntha 25:16 ပူးပေါင်းရင်းမြစ်များ

1Atha 8:9

Gûtiarî kîndû ndaarî ya îthandûkû rîa kîrîkanîro tiga ivengere igîrî cia mathiga irîa Musa eekîrire kuo arî Horebu. Musa aaciîkîrire kuo rîrîa Ngai-Mûnene aarûthire kîrîkanîro na andû a Isiraeli rîrîa maaumaga vûrûrirî wa Misiri.

2Atha 11:12

Jehoiada nîwacokire akîruta Joashi, mûvîcî wa mûthamaki nja na akîmwîkîra nthûmbî kîongo na akîmûnengera mawatho ma kûrûmîrîrwa nî mûthamaki. Joashi nîwacokire agîtîrîrua maguta na agîtuîka mûthamaki. Andû nîmaaringaringire mvî ciao na makiugîrîria atîrî, “Ûrotûûratûûra mûthamaki!”

2Maû 23:11

Jehoiada nîwacokire akîvira Joashi nja, akîmwîkîra ngovia ya ûthamaki kîongo na akîmûnengera mawatho ma ûthamaki. Nîmaacokire makîmûtua mûthamaki. Jehoiada na avîcî ake nîmaamwîtîrîrie maguta na makiuga atîrî, “Mûthamaki, ûrotûûratûûra!”

Ntha 16:34

Wata ûrîa Musa aathîtwe nî Ngai-Mûnene, Aroni nîwaigire maana mau mbere ya îthandûkû rîa kîrîkanîro nîguo maigwe.

Ntha 25:21

Ivengere irîa igîrî cia mathiga ciîkîre îthandûkûrî na ûcoke ûkunîke îthandûkû.

Ntha 26:33

Curia gîtambaa kîu mbatharî irîa irî îgemarî îgûrû, na vuva wa gîtambaa wige îthandûkû rîa kîrîkanîro rîrîa rîrî na ivengere igîrî cia mathiga. Gîtambaa gîkaagaania îgema maita maîrî: vandû varîa vatheru na vandû varîa vatheru Mûno.

Ntha 27:21

Taa nîigagwe îgemarî rîa Ngai-Mûnene nja ya gîtambaa kîrîa kîgaanîtie varîa îthandûkû rîa kîrîkanîro Kîam Ngai-Mûnene rîrî. Nake Aroni na avîcî ake mamîmenyagîrîre îkarage îgîakanaga îrî mbere ya Ngai-Mûnene kuuma kîvwaî nginya kîraûko. Watho ûyû nîwakûrûmagîrîrwa nî njiarwa cia andû a Isiraeli nginya tene na tene.

Ntha 30:36

Kimakima ûmwe ûtuîke mûtutu, na ûkaûminjaminje mbere ya îthandûkû rîa kîrîkanîro îgemarî rîa Ngai-Mûnene varîa ngaacemania namue. Nîmwagîrîrwe nî gûûtua mûtheru mûno.

Ntha 30:6

Wige metha îo ya kîgongoona nja ya gîtambaa kîrîa gîcûrîte mbere ya îthandûkû rîa kîrîkanîro. Vau nîvo ngaakwarîria nîrî.

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 32:15

Musa nîwanyûrûrûkire kuuma kîrîmarî akuîte ivengere cia mathiga ciandîkîtwe Maathani mîena yoîrî.

Ntha 34:29

Rîrîa Musa aanyûrûrûkire kuuma kîrîmarî gîa Sinai akuuîte Maathani îkûmi, ûthiû wake nîwakengaga nîûndû ethîrîtwe akîaria na Ngai-Mûnene, nwatî ndaamenyaga.

Ntha 38:21

Ûyû nîguo mûtaratara wa cuuma irîa ciatûmîkire gûtuma îgema rîa Ngai-Mûnene kûringana na ûrîa Musa aathanire itarwe. Îgemarî rîu nîkuo kwaigagwa ivengere igîrî irîa ciandîkîtwe maathani îkûmi. Cuuma icio ciatarirwe nî Alawi arîa maarutaga wîra marûngamîrîrîtwe nî Ithamaru mûvîcî wa Aroni, mûthînjîri-Ngai.

Ntha 40:20

Nîwacokire agîoca ivengere irîa igîrî cia mathiga na agîciîkîra îthandûkûrî rîa kîrîkanîro. Agîkîra mîtî ya gûkuua îthandûkû icûvîrî ciarîo na akigîrîra gîkunîko îgûrû rîarîo.

Ndari 17:4

Vira mîragi îo îgemarî rîa Ngai-Mûnene vau mbere ya îthandûkû rîa kîrîkanîro, varîa njemanagia nawe.

Ciîko 7:44

Methe metû ma tene maarî na îgema rîa kwonania atî Ngai aarî vamwe nao werûrî. Ngai nîwerire Musa ûrîa akûthondeka îgema rîu na Musa akîrîthondeka kûringana na ûrîa Ngai aamwonetie.

Aroma 3:2

Kûrî vata mûno! Ûndû wa mbere, Ayahudi nîo mevokeretwe ndûmîrîri nî Ngai.

Gûco 31:26

“Ocani îvuku rîîrî rîa Watho na mûriige mwenarî wa îthandûkû rîa kîrîkanîro Kîam Ngai-Mûnene Ngai wenyu nîguo rîkarage vau rîrî ûira kûrî mue.

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.

Josh 4:16

Athana wîre athînjîri-Ngai arîa makuuîte îthandûkû rîa kîrîkanîro maume rûnjîrî rwa Jorodani.