Ntha 24:4 - ÎVUKU RÎA ÛVORO MWARO

⁴ Nake Musa nîwandîkire maûndû monthe marîa Ngai-Mûnene aamwathîte. Mûthenya ûcio wîngî kîraûko tene Musa nîwaramûkire na agîtuma metha ya kîgongoona nthî ya kîrîma na akînjîra itugî îkûmi na igîrî kûringana na mîvîrîga îrîa îkûmi na îîrî ya andû a Isiraeli.

Ntha 24:4 ပူးပေါင်းရင်းမြစ်များ

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 28:18

Mûthenya ûcio wîngî kîraûko tene, Jakovu nîwaramûkire, agîoca îthiga rîrîa rîarî rungu rwa kîongo gîake na akîrîvanda rîrî rîa kîririkano, agîcoka akîrîtîrîria maguta akîrîamûrîra Ngai.

Kîam 28:22

Îthiga rîîrî rîa kîririkano navanda, rîkethagîrwa rîrî nyomba yaku ya kûgoocagîrwa. Ngaakûvecaga gîcunjî gîa îkûmi gîa kîrîa kîonthe ûkaamvecaga.”

Kîam 31:45

Kwoguo Jakovu nîwocire îthiga na akîrîvanda rîgîtuîka rîa kîririkano.

1Atha 11:30

Ahija nîwarutire nguo njerû îo eekîrîte, na akîmîtembûranga tûcunjî îkûmi na twîrî.

1Atha 18:31

Nîwocire mathiga îkûmi na maîrî kûringana na mîvîrîga ya avîcî a Jakovu. Jakovu nîke werîtwe nî Ngai-Mûnene atî nîageetwa Isiraeli.

Ezira 6:17

Nîmaarutire ndegwa îgana rîmwe, ng'ondu magana maîrî, na tûtûrûme magana mana nîûndû wa îgongoona rîa kwamûra hekarû. Nîmaacokire makîruta nthenge îkûmi na igîrî nîûndû wa mevia ma andû a Isiraeli, wa mûvîrîga warutaga nthenge îmwe.

Nehemia 10:1

Andû arîa meekîrire mûvûri maarî Nehemia ûrîa warî mûnene. Nehemia aarî mûvîcî wa Hakalia. Arîa engî meekîrire mûvûri maarî: Zedekia,

Ntha 17:14

Nake Ngai-Mûnene nîwacokire akîra Musa atîrî, “Andîka ûvoro wîgiî ûvootani ûyû nîguo ûtuîke wa kûririkanagwa. Na wîre Joshua atî nîngûthiria Amaleki viû na ndûme mariganîre gûkû nthî.”

Ntha 17:15

Musa nîwatumire metha ya kîgongoona na akîmîtuîra rîîtwa “Ngai-Mûnene nîke vendera yakwa.”

Ntha 21:1

“Mama nîmo mawatho marîa ûkûva andû a Isiraeli:

Ntha 24:7

Nîwacokire agîoca îvuku rîa kîrîkanîro, na akîthomera andû onthe augîrîrîtie. Nao nîmaaugire atîrî, “Nîtûgwîka ûrîa wonthe Ngai-Mûnene augîte na tûmwathîkîre.”

Ntha 28:21

Mathiga mau ma goro makethîrwa marî îkûmi na maîrî. Na wa îthiga rîkethîrwa rîandîkîtwe rîîtwa rîmwe rîa mîvîrîga îrîa îkûmi na îîrî ya Isiraeli.

Ntha 34:27

Ngai-Mûnene nîwacokire akîra Musa atîrî, “Andîka ciugo ino, nîûndû nîndûthîte kîrîkanîro nawe na andû a Isiraeli na njîra ya ciugo ino.”

Isaia 19:19

Mûthenya ûcio gûkethîrwa kûrî na metha ya kîgongoona ya Ngai-Mûnene vûrûrirî wa Misiri, na gîtugî Kîammûrîrîtwe Ngai-Mûnene kîrî mûvakarî wa vûrûri ûcio.

Alawi 24:5

Ngai-Mûnene nîwacokire akîra Musa rîngî atîrî, “Oca mûtu mûvinyu wa kilo îkûmi na igîrî na ûruge mîgate îkûmi na îîrî.

Ndari 17:2

“Îra andû a Isiraeli makûve mîragi îkûmi na îîrî. Mûtongoria wa wonthe wa mûvîrîga nîakûve mûragi ûmwe, na wandîke rîîtwa rîake mûragirî ûcio wake.

Luka 22:30

Nîmûkaarîra na mûnyuîre metharî yakwa Ûthamakirî wakwa, na mûcoke mwîkarîre itî cia Ûthamaki na mwathe mîvîrîga îrîa îkûmi na îrî ya Isiraeli.”

Agal 2:9

Nao Jakuvu, Petero na Johana, arîa moonekaga marî atongoria nîmaamenyire waro viû atî Ngai nîwamveete wîra ûyû wa mwanya. Kwoguo nîmaakethirie Baranaba na makîngethia. Ngethi ciao ciarî ta kîonereria gîa atî tuonthe tûrutaga wîra ûmwe. Nîtwetîkanirie atî Baranaba nanie tûrute wîra gatagatîrî ka andû a Ndûrîrî, nao marute wîra gatagatîrî ka Ayahudi.

Gûco 31:9

Musa nîwandîkire watho wa Ngai na akîûnenganîra kûrî athînjîri-Ngai, Alawi arîa maakuuaga îthandûkû rîa kîrîkanîro Kîam Ngai-Mûnene na atongoria onthe a Isiraeli.

Josh 4:20

Na kûu Giligali nîkuo Joshua aaigire mathiga marîa maakuuire kuuma gatagatî ka rûnjî rwa Jorodani.

Josh 4:5

na akîmeera atîrî, “Thiîni rûnjîrî rwa Jorodani varîa îthandûkû rîa Kîrîkanîro Kîam Ngai-Mûnene, Ngai wenyu rîrî. Ocani wa mûndû îthiga na mûkuue na Kîamnde. Îthiga rîmwe rîkethagîrwa rîrî rîa mûvîrîga ûmwe wa mîvîrîga ya Isiraeli.

Kûguû 21:14

Rûthingo rwa îtûûra rîu înene rîa Jerusalemu rwatumîtwe îgûrû rîa mathiga îkûmi na maîrî ma mûcingi. Namo marîîtwa ma atûmwa îkûmi na aîrî a Gatûrûme nîmandîkîtwe mathigarî mau, wa rîîtwa îthigarî rîarîo.