Ntha 24:17 - ÎVUKU RÎA ÛVORO MWARO

¹⁷ Naguo riiri wa Ngai-Mûnene wonagwa nî andû a Isiraeli wîkariî ta mwaki wakanîte ûrî gacûmbîrî ga kîrîma.

Ntha 24:17 ပူးပေါင်းရင်းမြစ်များ

2Sam 22:13

Mveni nîciaumaga makararî marîa maakanaga, nî ûkengu ûrîa aarî naguo.

2Sam 22:9

Ndogo yaunûkagia îkiumaga maniûrûrî make, naguo mwaki wa gûcûkangia na makara ciaumaga kanyuarî gake.

Ntha 19:11

na mevarîrie mbere ya mûthenya wa kathatû. Mûthenya ûcio wa kathatû nîngaanyûrûrûka nthiî kîrîmarî gîa Sinai îgûrû varîa nîngîonwa nî andû onthe.

Ntha 19:18

Nakîo kîrîma kîonthe gîa Sinai nîgîakunîkîtwe nî ndogo nîûndû Ngai-Mûnene aanyûrûrûkîte arî mwakirî agîûka îgûrû rîa kîrîma. Nayo ndogo yaunûkagia ta ndogo ya îtogi rînene, na andû nîmaatetemaga nî guoya.

Ntha 3:2

Nake mûraika wa Ngai-Mûnene nîwaumîrîre Musa. Mûraika ûcio aarî rûrîrîmbîrî rwa mwaki waumaga kîthakarî. Nake Musa nîwaroririe na akîona kîthaka gîgîakana mwaki, nwatî gîtiavîcaga.

Ezek 1:27

Mwena wa îgûrû kuuma varîa vekariî ta kîûnû, Kîamvenavenagia ta cuuma ya gîcango îthiûrûrûkîrîtue nî mwaki. Naguo mwena wa gûcoka na nthî wa kuuma vau vekariî ta kîûnû, gwekariî ta mwaki na kûrî na ûkengu ûmûthiûrûrûkîrîtie.

Ezek 1:28

Ûkengu ûcio warî na marangi ta ma mûkûngambura. Ûguo nîguo mûvano wa ûkengu wa riiri wa Ngai-Mûnene wekariî. Rîrîa nawonire nînegwîthirie ngîturumithia ûthiû nthî, na ngîgua mûgambo wambarîria.

Nahumu 1:6

Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Gûco 4:24

Ngai-Mûnene, Ngai wenyu ekariî ta mwaki ûrîa ûvîvagia ûkathiria viû. Ke nî Ngai wî wîru.

Gûco 4:36

Nîwatûmire mwîgue mûgambo wake arî kûu îgûrû nîguo amûthomithie, nakuo gûkû nthî nîwatûmire mwone mwaki wake mûnene na mûkîgua mûgambo wake ûrî mwakirî ûcio.

Gûco 9:3

Kwoguo menyani ûmûnthî atî Ngai-Mûnene, Ngai wenyu nîke ûkûmûtongoria avaana ta mwaki ûrîa ûvîvagia ûkathiria. Mûkîîgwatîra vûrûri ûcio, Ngai-Mûnene nîakaamavoota namue mûmengate na mûmathirie viû wa rîmwe wata ûrîa eeranîrîte.

Ahib 12:18

Mue mûtikinyîte vandû mûngîvutia ta ûrîa andû a Isiraeli maakinyire kîrîmarî gîa Sinai kîrîa gîaakanaga mwaki mûnene kûrî na nduma nene na rûkûngi rûnene.

Ahib 12:29

nîûndû Ngai wetû nî mwaki ûrîa ûvîvagia ûkathiria.